Полиция қызметкерлері ағымдағы жылдың 6 қыркүйегіне қараған түні жасалған сейф ұрлығын ашты. Полицияға металл сынықтарын қабылдаумен айналысатын кәсіпорын аумағынан ақша қаражаты бар сейф ұрланғаны туралы хабарлама келіп түсті.
Бұл факт бойынша полицейлер сотқа дейінгі тергеуді бастап, қажетті жедел-тергеу іс-шараларының кешенін жүргізді.
Тергеу барысында анықталғандай, оқиға қарсаңында кәсіпорын қызметкерлері әдеттегідей сейфке ақша салып, үй-жайды жауып, кетіп қалды. Келесі күні зардап шеккендер сейфтің жоғын анықтап, дереу полицияға жүгінді.
Тергеу аясында полицейлер оқиға орнына жақын жерде орнатылған бейнебақылау камераларының жазбаларын зерттеп, аумақты тексеріп, іздер мен саусақ іздерін алып, кәсіпорын қызметкерлерінен сұрақтарға жауап алды.
Өткізілген іс-шаралар нәтижесінде күдіктінің жеке басы анықталды. Ол 1978 жылы туған адам болып шықты. Тергеу барысында ол өзінің кінәсін мойындады.
Алдын ала мәліметтер бойынша, түнде ер адам кездейсоқ жабық тұрған кәсіпорынға назар аударып, терезеден ішке кірген. Сейфті өзімен бірге алып, ұрлап кеткен. Кейіннен қаскөй оны ломмен ашып, ұрланған ақшаны жеке қажеттіліктеріне жұмсады.
Қазіргі уақытта полиция қызметкерлері күдіктінің басқа да осындай қылмыстарға қатысы бар-жоғын тексеруде.
Полиция кәсіп иелері мен басшыларын қауіпсіздік мәселелеріне ерекше назар аударуға шақырады. Мұндай қылмыстардың алдын алу үшін бейнебақылау камераларын орнату, терезелерді металл торлармен жабдықтау және үй-жайлар мен материалдық құндылықтарды қорғау үшін қосымша шаралар қабылдау ұсынылады.
Полиция азаматтардың уақтылы жүгінуі және бейнебақылау жүйелерінің болуы қылмыстарды ашуға айтарлықтай көмектесетінін атап өтті.
