Алматы облысы Полиция департаментінің қызметкерлері арасында футболдан іріктеу жарысы ұйымдастырылды.
Спорттық додаға Департаменттің аумақтық және құрылымдық бөлімшелерінен барлығы 14 команда, 170-тен астам спортшы қатысты. Жарыс барысында полиция қызметкерлері өздерінің спорттық шеберліктері мен командалық рухын жоғары деңгейде көрсетті.
Тартысты ойындардың қорытындысы бойынша жүлделі орындар төмендегідей бөлінді:
🥇 1-орын – Алматы облысы ПД командасы
🥈 2-орын – Іле ауданының полиция қызметкерлері
🥉 3-орын – Қонаев қаласының командасы
Жарыстың басты мақсаты – полиция қызметкерлері арасында салауатты өмір салтын насихаттау, бұқаралық спортты дамыту және ұжымдық бірлікті нығайту.
Мұндай спорттық іс-шаралар қызметкерлердің дене дайындығын жетілдірумен қатар, әріптестер арасындағы өзара ынтымақтастық пен командалық рухты арттыруға ықпал етеді.
