Тұрғын үй құрылыс жинақтары жүйесі саласындағы әкімшілік деректерді жинауға арналған нысандарды бекіту туралы

«Мемлекеттік статистика туралы» Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

1. Қоса беріліп отырған Тұрғын үй құрылыс жинақтары жүйесі саласындағы әкімшілік деректерді жинауға арналған нысандар:

1) осы бұйрыққа 1-қосымшаға сәйкес «Тұрғын үй құрылыс жинақтары жүйесіне қатысушылардың Қазақстан Республикасы жұмыс күшіне үлесі туралы мәліметтер» әкімшілік деректерді жинауға арналған нысан;

2) осы бұйрыққа 2-қосымшаға сәйкес Қазақстан Республикасының аумағында жергілікті атқарушы органдардың кезекте тұрғандарды «Отбасы банк» акционерлік қоғамымен берген 2% және 5% жеңілдікті қарыздар есебінен тұрғын үймен қамтамасыз ету туралы мәліметтер» әкімшілік деректерді жинауға арналған нысан бекітілсін.

2. Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

1) осы бұйрықты Қазақстан Республикасының Әділет министрлігінде мемлекеттік тіркеуді;

2) осы бұйрықты Қазақстан Республикасы Өнеркәсіп және құрылыс министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Өнеркәсіп және құрылыс министрінің міндетін атқарушы

А. Бейспеков

«КЕЛІСІЛДІ»

Қазақстан Республикасы

Стратегиялық жоспарлау

және реформалар агенттігінің

Ұлттық статистика бюросы

«КЕЛІСІЛДІ»

Қазақстан Республикасы

Қаржы министрлігі

«КЕЛІСІЛДІ»

Қазақстан Республикасы

Ұлттық экономика министрлігі

Қазақстан Республикасы

Өнеркәсіп және құрылыс

министрінің міндетін атқарушы

2024 жылғы 5 ақпандағы № 46

бұйрығына 1-қосымша

«Тұрғын үй құрылыс жинақтары жүйесіне қатысушылардың Қазақстан Республикасы жұмыс күшіне үлесі туралы мәліметтер» әкімшілік деректерді жинауға арналған нысан

Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетіне ұсынылады.

Әкімшілік деректер нысаны www.mps.gov.kz интернет-ресурсында орналастырылған.

Нысанының атауы: Тұрғын үй құрылысы жинақ ақшасы жүйесіне қатысушылардың саны.

Индекс: ТҚЖАҚ-1.

Кезеңділігі: ай сайын.

Есепті кезең: 20__ жылғы __ айы.

Ақпаратты ұсынатын тұлғалар тобы: «Отбасы банк» акционерлік қоғамы.

Әкімшілік деректер нысанын ұсыну мерзімі: есепті айдан кейінгі келесі айдың 25-күнінен кешіктірмей.

Тегі, аты, әкесінің аты болған жағдайда

қолы, телефон

Нысанға қосымша

Әкімшілік деректерді жинауға арналған нысанды толтыру бойынша түсіндірме (индекс - ТҚЖАҚ-1, кезеңділігі - тоқсан сайын)

1. Осы түсіндірме «Тұрғын үй құрылысы жинақ ақшасы жүйесіне қатысушылардың саны» әкімшілік деректерін жинауға арналған нысанды (бұдан әрі – Нысан) толтыру бойынша бірыңғай талаптарды айқындайды.

2. Нысанды «Отбасы банк» акционерлік қоғамының тиісті құрылымдық бөлімшесі толтырады және Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетіне ұсынады.

3. Нысанға құрылымдық бөлімшенің жетекшілік ететін басшысы не оның міндетін атқарушы тұлға өзінің тегі мен аты-жөнін көрсете отырып (құрылымдық бөлімше басшысының міндеттерін атқарғаны туралы растайтын құжат болған кезде) қол қояды.

4. Нысан есепті айдан кейінгі келесі айдың 25-күнінен кешіктірілмей беріледі.

5. Нысан мемлекеттік тілде және орыс тілінде толтырылады.

6. Нысан мынадай түрде толтырылады:

1-бағанда реттік нөмірі көрсетіледі;

2-бағанда деректердің атауы көрсетіледі;

3-бағанда тұрғын үй құрылысы жинақ ақшасы жүйесіне қатысушылардың саны көрсетіледі;

4-бағанда тұрғын үй құрылысы жинақ ақшасы жүйесіне қатысушылардың жұмыс күшіне үйлесі көрсетіледі.

Аббревиатураның транскрипциясы:

ТҚЖАҚ-1 - Тұрғын үй құрылысы жинақ ақшасы жүйесіне қатысушылар

Бұйрыққа 2-қосымша

«Қазақстан Республикасының аумағында жергілікті атқарушы органдардың кезекте тұрғандарды «Отбасы банк» акционерлік қоғамымен берген 2% және 5% жеңілдікті қарыздар есебінен тұрғын үймен қамтамасыз ету туралы мәліметтер» әкімшілік деректерді жинауға арналған нысан

Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетіне ұсынылады.

Әкімшілік деректер нысаны www.mps.gov.kz интернет-ресурсында орналастырылған.

Нысанының атауы: Қазақстан Республикасының аумағында жергілікті атқарушы органдарда кезекте тұрғандар «Отбасы банк» акционерлік қоғамымен берген 2% және 5% жеңілдікті қарыздар есебінен сатып алынған тұрғын үйлердің көлемі.

Индекс: САТҮК-1.

Кезеңділігі: ай сайын.

Есепті кезең: 20__ жылғы __ айы.

Ақпаратты ұсынатын тұлғалар тобы: «Отбасы банк» акционерлік қоғамы.

Әкімшілік деректер нысанын ұсыну мерзімі: есепті айдан кейінгі келесі айдың 15-күнінен кешіктірмей.

Тегі, аты, әкесінің аты болған жағдайда

Нысанға қосымша

Әкімшілік деректерді жинауға арналған нысанды толтыру бойынша түсіндірме (индекс - САТҮК-1, кезеңділігі - ай сайын)

1. Осы түсіндірме «Қазақстан Республикасының аумағында жергілікті атқарушы органдарда кезекте тұрғандар «Отбасы банк» акционерлік қоғамымен берген 2% және 5% жеңілдікті қарыздар есебінен сатып алынған тұрғын үйлердің көлемі» әкімшілік деректерін жинауға арналған нысанды (бұдан әрі – Нысан) толтыру бойынша бірыңғай талаптарды айқындайды.

2. Нысанды «Отбасы банк» акционерлік қоғамының тиісті құрылымдық бөлімшесі толтырады және Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитетіне ұсынады.

3. Нысанға құрылымдық бөлімшенің жетекшілік ететін басшысы не оның міндетін атқарушы тұлға өзінің тегі мен аты-жөнін көрсете отырып (құрылымдық бөлімше басшысының міндеттерін атқарғаны туралы растайтын құжат болған кезде) қол қояды.

4. Нысан есепті айдан кейінгі келесі айдың 15-күнінен кешіктірілмей беріледі.

5. Нысан мемлекеттік тілде және орыс тілінде толтырылады.

6. Нысан мынадай түрде толтырылады:

1-бағанда реттік нөмірі көрсетіледі;

2-бағанда әкімшілік-аумақтық объектілер жіктеуіші бойынша коды (ӘАОЖ коды) көрсетіледі;

3-бағанда облыстың атауы көрсетіледі;

4-бағанда есепті күнге 2%-бен берілген кредиттер саны көрсетіледі;

5-бағанда 2%-бен кредиттер бойынша бөлінген сома көрсетіледі;

6-бағанда есепті күнге 2% деңгейінде сатып алынған тұрғын үй ауданы көрсетіледі;

7-бағанда есепті күнге 5%-бен берілген кредиттер саны көрсетіледі;

8-бағанда 5%-бен кредиттер бойынша бөлінген сома көрсетіледі;

9-бағанда есепті күнге 5% деңгейінде сатып алынған тұрғын үй ауданы көрсетіледі.

Аббревиатураның транскрипциясы:

САТҮК-1 - Сатып алынған тұрғын үйлердің көлемі