2024-2026 жылдарға арналған Уәлиханов ауданы Амангелді ауылдық округінің бюджетін бекіту туралы

Қазақстан Республикасының Бюджет кодексінің 75-бабына 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес Уәлиханов аудандық мәслихаты ШЕШІМ ҚАБЫЛДАДЫ:

1. 2024-2026 жылдарға арналған Уәлиханов ауданы Амангелді ауылдық округінің бюджеті осы шешімге тиісінше 1, 2 және 3-қосымша ларға сәйкес, соның ішінде 2024 жылға келесі көлемдерде бекітілсін:

1) кірістер – 31 263,2 мың теңге:

салықтық түсімдер – 3 179,9 мың теңге;

салықтық емес түсімдер – 158,3 мың теңге;

негізгі капиталды сатудан түсетін түсімдер – 0 теңге;

трансферттер түсімі – 27 925 мың теңге;

2) шығындар – 32 178,2 мың теңге;

3) таза бюджеттік кредиттеу – 0 теңге:

бюджеттік кредиттер – 0 теңге;

бюджеттік кредиттерді өтеу – 0 теңге;

4) қаржы активтерімен операциялар бойынша сальдо – 0 теңге;

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – -915 мың теңге;

6) бюджет тапшылығын қаржыландыру (профицитін пайдалану) – 915 мың теңге:

қарыздар түсімі – 0 теңге;

қарыздарды өтеу – 0 теңге;

бюджет қаражатын пайдаланылатын қалдықтары – 915 мың теңге.

2. 2024 жылға арналған Амангелді ауылдық округі бюджетінің кірістері Қазақстан Республикасының Бюджет кодексіне сәйкес мына салықтық түсімдер есебінен қалыптастырылатыны белгіленсін:

1) ауылдың аумағында мемлекеттік кіріс органдарында тіркеу есебіне қою кезінде мәлімделген:

дара кәсіпкер, жекеше нотариус, жеке сот орындаушысы, адвокат, кәсіпқой медиатор үшін – тұрған жері;

қалған жеке тұлғалар үшін – тұрғылықты жері орналасқан жеке тұлғалар дербес салық салуға жататын кірістер бойынша жеке табыс салығы;

2) ауылдық округтің аумағындағы осы салықты салу объектілері бойынша жеке тұлғалардың мүлкіне салынатын салық;

3) ауылдың аумағындағы жер учаскелері бойынша жеке және заңды тұлғалардан алынатын, елдi мекендер жерлерiне салынатын жер салығы;

3-1) бірыңғай жер салығы;

4) мыналардан:

тұрғылықты жері ауылдың аумағындағы жеке тұлғалардан;

өздерінің құрылтай құжаттарында көрсетілетін тұрған жері ауылдың аумағында орналасқан заңды тұлғалардан алынатын көлік құралдары салығы;

4-1) жер учаскелерін пайдаланғаны үшін төлемақы;

5) сыртқы (көрнекі) жарнаманы:

ауылдағы үй-жайлардың шегінен тыс ашық кеңістікте;

ауылдық округтің аумағы арқылы өтетін жалпыға ортақ пайдаланылатын автомобиль жолдарының бөлiнген белдеуiнде;

елді мекендерден тыс жердегі үй-жайлардың шегінен тыс ашық кеңістікте және жалпыға ортақ пайдаланылатын автомобиль жолдарының бөлiнген белдеуiнен тыс жерде орналастырғаны үшін төлемақы.

3. Ауылдық округ бюджетінің кірістері мына салықтық емес түсімдер есебінен қалыптастырылатыны белгіленсін:

1) ауылдық округтердің әкімдері әкімшілік құқық бұзушылықтар үшін салатын айыппұлдар;

2) жеке және заңды тұлғалардың ерікті түрдегі алымдары;

3) ауылдық округтің коммуналдық меншігінен (жергілікті өзін-өзі басқарудың коммуналдық меншігінен) түсетін кірістер:

ауылдық округ әкімі аппаратының шешімімен құрылған коммуналдық мемлекеттік кәсіпорындардың таза кірісі бөлігінің түсімдері;

ауылдық округтің коммуналдық меншігіндегі (жергілікті өзін-өзі басқарудың коммуналдық меншігіндегі) заңды тұлғаларға қатысу үлестеріне кірістер;

ауылдық округтің коммуналдық меншігінің (жергілікті өзін-өзі басқарудың коммуналдық меншігінің) мүлкін жалға беруден түсетін кірістер;

ауылдық округтің коммуналдық меншігінен (жергілікті өзін-өзі басқарудың коммуналдық меншігінен) түсетін басқа да кірістер;

4) ауылдық округ бюджетіне түсетін басқа да салықтық емес түсімдер.

4. Ауылдық округ бюджетінің кірістері негізгі капиталды сатудан түсетін түсімдер есебінен қалыптастырылатыны белгіленсін:

1) ауылдық округ бюджеттерінен қаржыландырылатын мемлекеттік мекемелерге бекітіп берілген мемлекеттік мүлікті сатудан түсетін ақша;

2) ауыл шаруашылығы мақсатындағы жер учаскелерін сатудан түсетін түсімдерді қоспағанда, жер учаскелерін сатудан түсетін түсімдер;

3) жер учаскелерін жалға беру құқығын сатқаны үшін төлемақы.

5. Аудандық бюджеттен берілетін трансферттер ауылдық округ бюджетіне түсетін трансферттер түсімдері болып табылады.

6. Ауылдық бюджетке аудандық бюджеттен берiлетiн бюджеттік субвенциялар 26 004 мың теңге сомасында қарастырылсын.

7. 2024 жылға арналған ауылдық бюджетте азаматтық қызметшілердің жекелеген санаттарының, мемлекеттік бюджет қаражаты есебінен ұсталатын ұйымдар қызметкерлерінің, қазыналық кәсіпорындар қызметкерлерінің жалақысын арттыруға республикалық бюджеттен берілетін нысаналы трансферттер ескерілсін.

Көрсетілген нысаналы трансферттерді республикалық бюджеттен бөлу Уәлиханов ауданының Амангелді ауылдық округі әкімінің «Уәлиханов аудандық мәслихатының «2024-2026 жылдарға арналған Уәлиханов ауданы Амангелді ауылдық округінің бюджетін бекіту туралы» шешімін іске асыру туралы» шешімімен айқындалады.

8. 2024 жылға арналған ауылдық бюджетте Тілеусай ауылындағы көше жарығын ағымдағы жөндеуге аудандық бюджеттен берілетін нысаналы трансферттер ескерілсін.

Көрсетілген нысаналы трансферттерді аудандық бюджеттен бөлу Уәлиханов ауданының Амангелді ауылдық округі әкімінің «Уәлиханов аудандық мәслихатының «2024-2026 жылдарға арналған Уәлиханов ауданы Амангелді ауылдық округінің бюджетін бекіту туралы» шешімін іске асыру туралы» шешімімен айқындалады.

8-1. 4-қосымшаға сәйкес ауылдық округ бюджетінде қаржылық жылдың басында 915 мың теңге соммасында қалыптасқан бюджеттік қаражаттың бос қалдықтары есебінен шығындар қарастырылсын.

9. Осы шешім 2024 жылғы 1 қаңтардан бастап қолданысқа енгізіледі.

Уәлиханов аудандық мәслихатының төрағасы

М. Абдулов

Уәлиханов аудандық мәслихатының

2023 жылғы 28 желтоқсандағы

№ 4-13 с шешіміне

1-қосымша

2024 жылға арналған Уәлиханов ауданы Амангелді ауылдық округінің бюджеті

Уәлиханов аудандық мәслихатының

2023 жылғы 28 желтоқсандағы

№ 4-13 с шешіміне 2-қосымша

2025 жылға арналған Уәлиханов ауданы Амангелді ауылдық округінің бюджеті

Уәлиханов аудандық мәслихатының

2023 жылғы 28 желтоқсандағы

№ 4-13 с шешіміне 3-қосымша

2026 жылға арналған Уәлиханов ауданы Амангелді ауылдық округінің бюджеті

Уәлиханов аудандық мәслихатының

2023 жылғы 28 желтоқсандағы

№ 4-13 с шешіміне 4-қосымша

2024 жылғы 1 қаңтарға қалыптасқан бюджеттiк қаражаттың бос қалдықтарын бағыттау