Интергаз Орталық Азия» акционерлік қоғамына жаңа екі магистральды газ құбырының желілерін орналастыру үшін қауымдық сервитут белгілеу туралы

Қазақстан Республикасының Жер кодексінің 16-бабының 1-тармағы 9-1) тармақшасына және 69-бабының 4-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 27-бабының 1-тармағы 8) тармақшасына сәйкес және «Интергаз Орталық Азия» акционерлік қоғамына қауымдық сервитут белгілеудің кейбір мәселелері туралы» Сарыағаш ауданы әкімдігінің 2022 жылғы 29 желтоқсандағы № 402 қаулысы негізінде, Түркістан облысының әкімдігі ҚАУЛЫ ЕТЕДІ:

1. «Интергаз Орталық Азия» акционерлік қоғамына жаңа екі магистральды газ құбырының желілерін орналастыру үшін осы қаулының қосымшасына сәйкес жердің меншік иелері мен жер пайдаланушылардан алып қоймастан жер учаскелерінде 4 жыл 9 ай мерзімге қауымдық сервитут белгіленсін.

2. «Интергаз Орталық Азия» акционерлік қоғамы құрылыс жұмыстары аяқталғаннан кейін бұзылған жерді қалпына келтіру жұмыстарын бір ай мерзімнен кешіктірілмей жүргізуге және қоршаған ортаны қорғау жөніндегі экологиялық талаптарды сақтай отырып жүргізуді қамтамасыз етсін.

3. «Түркістан облысы әкімдігінің жер қатынастары басқармасы» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулыға қол қойылған күнінен бастап күнтізбелік бес жұмыс күні ішінде оның қазақ және орыс тілдеріндегі электрондық түрдегі көшірмесін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнының Түркістан облысы бойынша филиалына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберілуін;

2) осы қаулының ресми жарияланғанынан кейін оның Түркістан облысы әкімдігінің интернет-ресурсында орналастырылуын қамтамасыз етсін.

4. Осы қаулының орындалуын бақылау облыс әкімінің орынбасары Е. Кенжеханұлына жүктелсін.

5. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі

Д.Сатыбалды

Түркістан облысы әкімдігінің

2023 жылғы 15 қыркүйектегі

№ 203 қаулысына

қосымша

Түркістан облысы Сарыағаш ауданында орналасқан «Интергаз Орталық Азия» акционерлік қоғамына жаңа екі магистральды газ құбырының желілерін орналастыру үшін қауымдық сервитут белгілеу бойынша ЭКСПЛИКАЦИЯСЫ