2024-2026 жылдарға арналған облыстық бюджет туралы

Қазақстан Республикасының Бюджет кодексінің 8-бабының 2-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына, Қазақстан Республикасының «2024-2026 жылдарға арналған республикалық бюджет туралы» Заңына сәйкес Ақтөбе облыстық мәслихаты ШЕШТІ:

1. 2024-2026 жылдарға арналған облыстық бюджет тиісінше 1, 2 және 3 қосымшаларға сәйкес, оның ішінде, 2024 жылға мынадай көлемде бекітілсін:

1) кірістер – 527 448 415,8 мың теңге, оның ішінде:

салықтық түсімдер – 71 047 145,9 мың теңге;

салықтық емес түсімдер – 21 175 988 мың теңге;

негізгі капиталды сатудан түсетін түсімдер – 77 264 мың теңге;

трансферттер түсімдері – 435 148 017,9 мың теңге;

2) шығындар – 561 503 680,8 мың теңге;

3) таза бюджеттік кредит беру – 30 818 495,1 мың теңге, оның ішінде:

бюджеттік кредиттер – 46 395 348 мың теңге;

бюджеттік кредиттерді өтеу – 15 576 852,9 мың теңге;

4) қаржы активтерiмен жасалатын операциялар бойынша сальдо – 0 мың теңге, оның ішінде:

қаржы активтерiн сатып алу – 0 мың теңге;

мемлекеттің қаржы активтерін сатудан түсетін түсімдер – 0 мың теңге;

5) бюджет тапшылығы (профициті) – -64 873 760,1 мың теңге;

6) бюджет тапшылығын қаржыландыру (профицитін пайдалану) – 64 873 760,1 мың теңге, оның ішінде:

қарыздар түсімі – 42 978 075 мың теңге;

қарыздарды өтеу – 13 681 884,9 мың теңге;

бюджет қаражатының пайдаланылатын қалдықтары – 35 577 570 мың теңге.

2. 2024 жылға бөлінген салықтардан түскен жалпы соманы бөлу аудандардың және Ақтөбе қаласының бюджеттеріне мынадай мөлшерде белгіленсін:

1) төлем көзінде кірістерге салынатын жеке табыс салығы бойынша: Ақтөбе қаласы бойынша – 34%, Хромтау ауданына – 50%, және Әйтеке би, Алға, Байғанин, Ырғыз, Қарғалы, Мәртөк, Мұғалжар, Темір, Ойыл, Қобда, Шалқар аудандарына 100%;

2) әлеуметтік салық бойынша: Ақтөбе қаласы бойынша – 33%, Хромтау ауданына – 55%, және Әйтеке би, Алға, Байғанин, Ырғыз, Қарғалы, Мәртөк, Мұғалжар, Темір, Ойыл, Қобда, Шалқар аудандарына 100%;

3) мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша Ақтөбе қаласы бойынша – 100%, Хромтау ауданына – 60 % және Әйтеке би, Алға, Байғанин, Ырғыз, Қарғалы, Мәртөк, Мұғалжар, Темір, Ойыл, Қобда, Шалқар аудандарына 100 %;

4) төлем көзінде салық салынбайтын кірістерге жеке табыс салығы бойынша, төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша түсімдер Ақтөбе қаласы және аудандар бюджеттеріне толығымен есептеледі.

3. 2024 жылға арналған облыстық бюджетте Ақтөбе қаласы және аудандық бюджеттерден бюджеттік алып қоюлардың көлемі 52 988 965 мың теңге сомасында көзделсін, оның ішінде:

- Ақтөбе қаласынан – 36 384 875 мың теңге;

- Байғанин ауданынан – 2 311 397 мың теңге;

- Мұғалжар ауданынан – 7 618 145 мың теңге;

- Темір ауданынан – 1 067 852 мың теңге;

- Хромтау ауданынан – 5 260 568 мың теңге;

- Шалқар ауданынан – 346 128 мың теңге.

4. 2024 жылға арналған облыстық бюджетте Ақтөбе қаласы және аудандық бюджеттерден трансферттердің түсімдері 1 143 155 мың теңге көзделсін.

Аталған трансферттердің сомаларын бөлу облыс әкімдігінің қаулысы негізінде айқындалады.         

5. Қазақстан Республикасының «2024-2026 жылдарға арналған республикалық бюджет туралы» Заңының 9-бабына сәйкес белгіленгені еске және басшылыққа алынсын:

2024 жылғы 1 қаңтардан бастап:

1) жалақының ең төменгі мөлшері – 85 000 теңге;

2) зейнетақының ең төмен мөлшері – 57 853 мың теңге;

3) айлық есептік көрсеткіш – 3 692 теңге;

4) базалық әлеуметтік төлемдердің мөлшерін есептеу үшін ең төменгі күнкөріс деңгейінің шамасы – 43 407 теңге.

6. Қазақстан Республикасының «2024-2026 жылдарға арналған республикалық бюджет туралы» Заңының 12-бабына сәйкес 2024 жылғы 1 қаңтардан бастап әскери қызметшілерге (мерзiмдi қызметтегі әскери қызметшілерден басқа) және арнаулы мемлекеттік және құқық қорғау органдарының, мемлекеттік фельдъегерлік қызметтің қызметкерлеріне тұрғынжайды күтіп-ұстауға және коммуналдық қызметтерге ақы төлеуге ақшалай өтемақының айлық мөлшерi 3 739 теңге сомасында белгіленгені еске және басшылыққа алынсын.

7. Қазақстан Республикасының «2024-2026 жылдарға арналған республикалық бюджет туралы» Заңының 13-бабына сәйкес 2024 жылға республикалық бюджеттен облыстық бюджетке берілетін субвенция 293 012 614 мың теңге сомасында көзделді.

8. 2024 жылға арналған облыстық бюджетте облыстық бюджеттен аудандық бюджеттерге берілетін субвенциялар көлемі 9 744 895 мың теңге сомасында көзделсін, оның ішінде:

Әйтекеби ауданына – 809 615 мың теңге;

Алға ауданына – 1 361 244 мың теңге;

Ырғыз ауданына – 1 344 311 мың теңге;

Қарғалы ауданына – 1 214 637 мың теңге;

Мәртөк ауданына – 1 496 388 мың теңге;

Ойыл ауданына – 1 649 683 мың теңге;

Қобда ауданына – 1 869 017 мың теңге.

9. 2024 жылға арналған облыстық бюджетте республикалық бюджеттен ағымдағы нысаналы трансферттер түскені ескерілсін:

1) табиғатты қорғау және арнаулы мекемелер қызметкерлерінің жалақысын көтеруге;

2) эпизоотияға қарсы іс-шаралар жүргізуге;

3) ауыл шаруашылығы жануарларын бiрдейлендiруді жүргізуге арналған бұйымдар (құралдар) және атрибуттар сатып алуға;

4) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

5) еңбек мобильділігі орталықтарының қызметін қамтамасыз етуге;

6) мектепке дейінгі білім беру ұйымдары педагогтерінің еңбегіне ақы төлеуді ұлғайтуға;

7) техникалық және кәсіптік, орта білімнен кейінгі білім беру ұйымдарында білім алушыларға мемлекеттік стипендияның мөлшерін ұлғайтуға;

8) халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға;

9) аудандар (облыстық маңызы бар қалалар) әкімдерін сайлауды қамтамасыз етуге және өткізуге;

10) мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға.

Аталған трансферттердің сомаларын бөлу облыс әкімдігінің қаулысы негізінде айқындалады.         

11) арнаулы әлеуметтік қызметтер көрсету орталықтарындағы медицина қызметкерлерінің жалақысын көтеруге;

12) жергілікті атқарушы органдардың денсаулық сақтау саласындағы ұйымдары қызметкерлерінің жалақысын көтеруге;

13) мемлекеттік дене шынықтыру және спорт ұйымдарының медицина қызметкерлерінің еңбекақысын төлеуді ұлғайтуға.

10. 2024 жылға арналған облыстық бюджетке республикалық бюджеттен кредиттер түскені ескерілсін:

1) ауыл тұрғындарының табысын арттыру бойынша жобаны масштабтау үшін ауыл тұрғындарына микрокредиттер беруге;

2) жастардың кәсіпкерлік бастамасына жәрдемдесуге;

3) агроөнеркәсіптік кешендегі инвестициялық жобаларға кредит беруге;

4) кондоминиум объектілерінің ортақ мүлкіне күрделі жөндеу жүргізуге;

5) мамандарды әлеуметтік қолдау шараларын іске асыруға.

Аталған кредиттердің сомаларын бөлу облыс әкімдігінің қаулысы негізінде айқындалады.         

10-1. 2024 жылға арналған облыстық бюджеттен аудандардың бюджеттеріне кондоминиум объектілерінің ортақ мүлкіне күрделі жөндеу жүргізуге кредит беру көзделсін.

Аталған кредит беру сомаларын бөлу облыс әкімдігінің қаулысы негізінде айқындалады.

11. 2024 жылға арналған облыстық бюджетте облыстық маңызы бар қаланың бюджетіне және аудандық бюджеттерге ағымдағы нысаналы трансферттер және даму трансферттері көзделсін:

1) Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға;

2) үкіметтік емес ұйымдарда мемлекеттік әлеуметтік тапсырысты орналастыруға;

3) мемлекеттік атаулы әлеуметтік көмекті төлеуге;

4) кохлеарлық импланттарға сөйлеу процессорларын ауыстыру және теңшеу жөніндегі қызметтерге;

4-1) өмірлік қиын жағдай туындаған кезде мұқтаж азаматтарға әлеуметтік көмекке;

5) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылым бойынша іс-шараларды іске асыруға;

6) мәдениет нысандарын күрделі жөндеуге;

7) коммуналдық тұрғын үй қорының тұрғын үйін салуға және (немесе) қайта жаңғыртуға;

8) инженерлік-коммуникациялық инфрақұрылымды дамытуға және (немесе) жайластыруға;

9) «Ауыл-Ел бесігі» жобасы шеңберінде ауылдық елді мекендерде әлеуметтік және инженерлік инфрақұрылымды дамытуға;

10) коммуналдық шаруашылықты дамытуға;

11) спорт объектілерін дамытуға;

12) ауыл шаруашылығы объектілерін дамытуға;

13) ауылдық елді мекендерді сумен жабдықтау және су бұру жүйелерін дамытуға;

14) көлік инфрақұрылымын дамытуға;

14-1) газ тасымалдау жүйесін дамытуға;

14-2) мәдениет нысандарын дамытуға;

14-3) ауданның (облыстық маңызы бар қаланың) коммуналдық меншігіндегі газ жүйелерін қолдануды ұйымдастыруға;

14-4) қаланы және елді мекендерді абаттандыруды дамытуға;

14-5) ауданның (облыстық маңызы бар қаланың) коммуналдық меншігіндегі жылу жүйелерін қолдануды ұйымдастыруға;

14-6) байланыс желілерін салуға;

14-7) аудандық (қалалық) ауқымдағы дала өрттерінің, сондай-ақ мемлекеттік өртке қарсы қызмет органдары құрылмаған елдi мекендерде өрттердің алдын алу және оларды сөндіру жөніндегі іс-шараларға;

14-8) мемлекеттік тұрғын үй қорын сақтауды ұйымдастыруға;

15) көлік инфрақұрылымының басым жобаларын қаржыландыруға.

Аталған трансферттер сомаларын бөлу облыс әкімдігінің қаулысы негізінде айқындалады.

11-1. Облыстық бюджетте мемлекеттік бағалы қағаздарды шығару есебінен 2024 жылға арналған несиелік тұрғын үй құрылысына қарыздар түсімі көзделсін.

Аталған қарыздар түсімі сомаларын бөлу облыс әкімдігінің қаулысы негізінде айқындалады.

11-2. Облыстық бюджетте мемлекеттік бағалы қағаздарды шығару есебінен 2024 жылға арналған жергілікті атқарушы органның кезекте тұрғандарға кейіннен жалға беру үшін дайын тұрғын үйді сатып алуға қарыздар түсімі көзделсін.

Аталған қарыздар түсімі сомаларын бөлу облыс әкімдігінің қаулысы негізінде айқындалады.

12. Облыстың жергілікті атқарушы органының 2024 жылға арналған резерві 21 479 474 мың теңге сомасында бекітілсін.

13. 2024 жылға арналған облыстық бюджетті атқару процесінде секвестрлеуге жатпайтын облыстық бюджеттік бағдарламалардың (кіші бағдарламалардың) тізбесі 4-қосымшаға сәйкес бекітілсін.

14. Осы шешім 2024 жылғы 1 қаңтардан бастап қолданысқа енгізіледі.

Облыстық мәслихаттың төрағасы

Г. СҮЙІНТАЕВА

Облыстық мәслихаттың

2023 жылғы 13 желтоқсандағы № 74

шешіміне 1-қосымша

2024 жылға арналған облыстық бюджет

Облыстық мәслихаттың

2023 жылғы 13 желтоқсандағы

№ 74 шешіміне 2-қосымша

2025 жылға арналған облыстық бюджет