2024-2026 жылдарға арналған аудандық бюджет туралы

Қазақстан Республикасының Бюджет кодексінің 9-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 6-бабына сәйкес, аудан әкімдігі ұсынған 2024-2026 жылдарға арналған аудандық бюджеттің жобасын қарап, Махамбет аудандық мәслихаты ШЕШІМ ҚАБЫЛДАДЫ:

1. 2024 - 2026 жылдарға арналған аудандық бюджет туралы тиісінше 1, 2 және 3-қосымшаларға сәйкес, оның ішінде 2024 жылға мынадай көлемдерде бекітілсін:

1) кірістер – 21 329 972 мың теңге, оның ішінде:

салықтық түсімдер – 5 504 701 мың теңге;

салықтық емес түсімдер – 44 201 мың теңге;

негізгі капиталды сатудан түсетін түсімдер –3 024 мың теңге;

трансферттертүсімдері – 15 778 046 мың теңге;

2) шығындар – 23 979 726 мың теңге;

3) таза бюджеттік кредиттеу – 32 306 мың теңге, оның ішінде:

бюджеттік кредиттер – 49 842 мың теңге;

бюджеттік кредиттерді өтеу – 17 536 теңге;

4) қаржы активтерімен жасалатын операциялар бойынша сальдо – 0 теңге, оның ішінде:

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер - 0 теңге;

5) бюджет тапшылығы (профициті) – - 2 682 060 мың теңге;

6) бюджет тапшылығын қаржыландыру (профицитін пайдалану) – 2 682 060 мың теңге, оның ішінде:

қарыздар түсімі - 680 049 мың теңге;

қарыздарды өтеу – 17 536 мың теңге;

бюджет қаражатының пайдаланылатын қалдықтары – 2 019 547 мың теңге.

2. 2024 жылға арналған аудандық бюджетте облыстық бюджеттен 15 383 107 мың теңге сомасында нысаналы трансферт көзделгені ескерілсін, оның ішінде:

Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға –41 548 мың теңге;

мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын көтеруге – 2 728 мың теңге;

халықтың әлеуметтік осал топтары үшін коммуналдық тұрғын үй қорынан тұрғын үй сатып алуға – 82 412 мың теңге;

мемлекеттік атаулы әлеуметтік көмекті төлеуге – 38 810 мың теңге;

азаматтардың жекелеген топтарына әлеуметтік көмекке - 34 694 мың теңге;

қысқы мерзімге дайындық жұмыстарына – 58 772 мың теңге;

азаматтардың жекелеген санаттарын тұрғын үймен қамтамасыз етуге – 735 381 мың теңге;

қатты тұрмыстық қалдықтар жинайтын сұрыптау қондырғыларын сатып алуға – 87 000 мың теңге;

елді мекендерді абаттандыруға және көгалдандыруға – 293 676 мың теңге;

елді мекендердің санитариясын қамтамасыз етуге – 116 000 мың теңге;

автомобиль жолдарын күрделі, жәй жөндеуге - 3 136 408 мың теңге;

халықты, объектілер мен аумақтарды табиғи дүлей зілзалалардан инженерлік қорғау жөніндегі жұмыстарды жүргізуге – 2 003763 мың теңге;

елді мекендердегі сумен жабдықтау және су бұру жүйелерін дамытуға –4 331 655 мың теңге;

спорт нысандарын дамытуға – 144 491 мың теңге;

көлік инфрақұрылымын дамытуға – 2 369 434 мың теңге;

коммуналдық шаруашылықты дамытуға - 107 079 мың теңге;

арнаулы техникалар сатып алуға – 500 000 мың теңге;

елді мекендердегі көшелерді жарықтандыруға – 357 323 мың теңге;

табиғи сипаттағы төтенше жағдай салдарынан жеке және заңды тұлғаларға келтірілген залалды өтеуге және жұмылдырылған арнайы техникалардың жалға алу қызметінің берешектерін өтеуге - 939 249 мың теңге;

отбасы қолдау орталықтарын ашуға – 2 684 мың теңге.

3. Аудандық бюджеттен ауылдық округтердің бюджеттеріне берілетін субвенциялар көлемдері 2024 жылға 911 206 мың теңге сомасында көзделсін, оның ішінде:

Алға ауылдық округіне – 79 243 мың теңге;

Ақжайық ауылдық округіне – 87 057 мың теңге;

Ақтоғай ауылдық округіне – 87 936 мың теңге;

Бақсай ауылдық округіне – 80 814 мың теңге;

Бейбарыс ауылдық округіне – 87 313 мың теңге;

Жалғансай ауылдық округіне – 74 000 мың теңге;

Есбол ауылдық округіне – 86 062 мың теңге;

Махамбет ауылдық округіне – 230 479 мың теңге;

Сарайшық ауылдық округіне – 98 302 мың теңге.

4. 2024 жылға арналған аудандық бюджетте ауылдық округтер бюджеттеріне – 919 887 мың теңге сомасында нысаналы трансферттер көзделсін, оның ішінде:

мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын көтеруге – 1 832 мың теңге;

елді мекендерді абаттандыруға – 298 127 мың теңге;

елді мекендерді сумен жабдықтауды ұйымдастыруға – 159 580 мың теңге;

елді мекендердің санитариясын қамтамасыз етуге – 13 222 мың теңге;

елді мекендердегі көшелерді жарықтандыруға – 360 185 мың теңге;

ауылдық округ әкімі аппаратының ағымдағы және күрделі шығындарына -13 650 мың теңге;

ауылдық округтің мемлекеттік тұрғын үй қорының сақталуын ұйымдастыруға – 2 958 мың теңге;

мәдениет ұйымдарының ағымдағы және күрделі шығындарына – 2 781 мың теңге;

су тасқынына дайындық жұмыстарына – 67 552 мың теңге.

5. 2024 жылға арналған аудандық бюджетте облыстық бюджеттен мамандарды әлеуметтік қолдау шараларын көрсету үшін – 49 842 мың теңге бюджеттік кредит көзделгені ескерілсін.

6. Жергілікті атқарушы органының 2024 жылға арналған резерві – 81 439 мың теңге сомада бекітілсін.

7. Осы шешім 2024 жылғы 1 қаңтардан бастап қолданысқа енгізіледі.

Аудандық мәслихат төрағасы

К. Мажиев

Аудандық мәслихаттың

2023 жылғы 22 желтоқсандағы

№ 86 шешіміне 1 қосымша

2024 жылға арналған аудандық бюджет

Аудандық мәслихаттың

2023 жылғы 22 желтоқсандағы

№ 86 шешіміне 2 қосымша

2025 жылға арналған аудандық бюджет

Аудандық мәслихаттың

2023 жылғы 22 желтоқсандағы

№ 86 шешіміне 3 қосымша

2026 жылға арналған аудандық бюджет