«2016-2018 жылдарға арналған қалалық бюджет туралы» Түркістан қалалық мәслихатының 2015 жылғы 22 желтоқсандағы №51/279-V шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджет кодексінің 106 бабының 4 тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 бабының 1 тармағының 1) тармақшасына сәйкес, Түркістан қалалық мәслихаты ШЕШІМ ҚАБЫЛДАДЫ:

1. Түркістан қалалық мәслихатының 2015 жылғы 22 желтоқсандағы №51/279-V «2016-2018 жылдарға арналған қалалық бюджет туралы» (Нормативтік құқықтық актілерді мемлекеттік тіркеу тізілімінде 3493 нөмірімен тіркелген, 2016 жылғы 8 қаңтардағы «Түркістан» газетінде жарияланған) шешіміне мынадай өзгерістер енгізілсін:

1 тармақ мынадай редакцияда жазылсын:

«1. Түркістан қаласының 2016-2018 жылдарға арналған қалалық бюджеті тиісінше 1, 2 және 3 қосымшаларға сәйкес, оның ішінде 2016 жылға мынадай көлемде бекітілсін:

1) кiрiстер – 24 614 052 мың теңге, оның iшiнде:

салықтық түсiмдер – 1 902 400 мың теңге;

салықтық емес түсiмдер – 21 008 мың теңге;

негізгі капиталды сатудан түсетін түсімдер – 53 000 мың теңге;

трансферттер түсiмі – 22 637 644 мың теңге;

2) шығындар – 24 681 867 мың теңге;

3) таза бюджеттiк кредиттеу – 18 615 мың теңге, оның ішінде:

бюджеттік кредиттер – 25 452 мың теңге;

бюджеттік кредиттерді өтеу – 6 837 мың теңге;

4) қаржы активтерімен операциялар бойынша сальдо – 0,

оның ішінде:

қаржы активтерін сатып алу – 0;

мемлекеттің қаржы активтерін сатудан түсетін түсімдер – 0;

5) бюджет тапшылығы – - 86 430 мың теңге;

6) бюджет тапшылығын қаржыландыру – 86 430 мың теңге, оның ішінде:

қарыздар түсімі – 25 452 мың теңге;

қарыздарды өтеу – 6 995 мың теңге;

бюджет қаражатының пайдаланылатын қалдықтары – 67 973 мың теңге.».

Көрсетілген шешімнің 1, 2, 3 қосымшалары осы шешімнің 1, 2, 3 қосымшаларына сәйкес жаңа редакцияда жазылсын.

2. Осы шешім 2016 жылдың 1 қаңтарынан бастап қолданысқа енгізіледі.

Қалалық мәслихат сессиясының төрағасы

С.Арыстанов

Қалалық мәслихат хатшысы

Ғ.Сарсенбаев