2024-2026 жылдарға арналған аудандық бюджет туралы

Қазақстан Республикасы Бюджет кодексінің 75 бабына, Қазақстан Республикасы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6 бабы 1 – тармағының 1) тармақшасына сәйкес, Маңғыстау аудандық мәслихаты ШЕШІМ ҚАБЫЛДАДЫ:

1. 2024-2026 жылдарға арналған аудандық бюджет тиісінше осы шешімнің 1, 2 және 3 қосымшаларына сәйкес, оның ішінде 2024 жылға келесідей көлемдерде бекітілсін:

1) кірістер – 10 697 317,3 мың теңге, оның ішінде:

салықтық түсімдер бойынша – 8 022 152,2 мың теңге;

салықтық емес түсімдер бойынша – 38 293,8 мың теңге;

негізгі капиталды сатудан түсетін түсімдер бойынша –11 302,0 мың теңге; трансферттер түсімдері бойынша – 2 625 569,3 мың теңге;

2) шығындар – 11 884 805,2 мың теңге;

3) таза бюджеттік кредиттеу – 969 180,6 мың теңге, оның ішінде:

бюджеттік кредиттер – 1 111 949,6 мың теңге;

бюджеттік кредиттерді өтеу – 142 769,0 мың теңге;

4) қаржы активтерімен операциялар бойынша сальдо – 0 теңге, оның ішінде:

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – -2 156 668,5 мың теңге;

6) бюджет тапшылығын қаржыландыру (профицитін пайдалану) – 2 156 668,5 мың теңге, оның ішінде:

қарыздар түсімі – 948 349,6 мың теңге;

қарыздарды өтеу – 145 217,5 мың теңге;

бюджет қаражатының пайдаланылатын қалдықтары – 1 353 536,4 мың теңге;

2. 2024 жылға арналған бюджеттен ауылдар мен ауылдық округтердің бюджеттеріне 1 476 479,2 мың теңге сомасында субвенция бөлінгені ескерілсін, оның ішінде:

Шетпе ауылы – 345 889,5 мың теңге;

Жыңғылды ауылы – 51 429,8 мың теңге;

Сайөтес ауылдық округі – 309 709,4 мың теңге;

Тұщықұдық ауылдық округі – 67 086,8 мың теңге;

Қызан ауылы – 96 810,5 мың теңге;

Ақтөбе ауылдық округі – 118 987,7 мың теңге;

Шайыр ауылдық округі – 66 352,5 мың теңге;

Жармыш ауылы – 50 659,5 мың теңге;

Ақшымырау ауылы – 118 340,6 мың теңге;

Онды ауылдық округі – 104 669,1 мың теңге;

Шебір ауылдық округі – 82 789,6 мың теңге;

Отпан ауылдық округі – 63 754,2 мың теңге;

3. 2024 жылға арналған аудандық бюджетке келесідей мөлшерде Ұлттық қордан нысаналы даму трансферттерінің қарастырылғаны ескерілсін:

992 102,0 мың теңге – Маңғыстау ауданы Тасмұрын және Тиген тұрғын алаптарының газ тарату жүйелерін салуға.

4. 2024 жылға арналған аудан бюджетіне келесідей мөлшерде республикалық бюдеттен ағымдағы нысаналы трансферттердің қаралғаны ескерілсін:

284 260,0 мың теңге – халықтың әлеуметтік осал топтары үшін коммуналдық тұрғын үй қорынан тұрғын үй сатып алуға;

2 335,0 мың теңге – мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын көтеруге;

36 483,0 мың теңге – Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға.

5. 2024 жылға арналған аудандық бюджетке келесідей мөлшерде республикалық бюджеттен бюджеттік кредиттердің қарастырылғаны ескерілсін:

557 492,0 мың теңге – мамандарды әлеуметтік қолдау шараларын іске асыруға.

6. 2024 жылға арналған аудан әкімдігінің резерві 89 500,0 мың теңге сомасында бекітілсін;

7. 2024 жылға арналған аудандық бюджетке кірістерді бөлу нормативтері келесідей мөлшерлерде белгіленсін:

1) ірі кәсіпкерлік субъектілерінен және мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы – 100 пайыз;

2) төлем көзінен салық салынатын табыстардан ұсталатын жеке табыс салығы – 5 пайыз;

3) төлем көзінен салық салынбайтын табыстардан ұсталатын жеке табыс салығы – 100 пайыз;

4) төлем көзінен салық салынбайтын шетелдік азаматтар табыстарынан ұсталатын жеке табыс салығы – 100 пайыз;

5) әлеуметтік салық – 5 пайыз.

7. Осы шешім 2024 жылдың 1 қаңтарынан бастап қолданысқа енгізіледі.

Аудандық мәслихат төрағасы

Е. Махмутов

Маңғыстау аудандық мәслихатының

2023 жылғы 15 желтоқсандағы

№7/63 шешіміне

1 қосымша

2024 жылға арналған аудандық бюджет

Маңғыстау аудандық мәслихатының

2023 жылғы 15 желтоқсандағы

№7/63 шешіміне

2 қосымша

2025 жылға арналған аудандық бюджет

Маңғыстау аудандық мәслихатының

2023 жылғы 15 желтоқсандағы

№7/63 шешіміне

3 қосымша

2026 жылға арналған аудандық бюджет