Атырау облыстық мәслихатының 2022 жылғы 8 желтоқсандағы № 209-VІІ «2023-2025 жылдарға арналған облыстық бюджет туралы» шешіміне өзгерістер енгізу туралы

Атырау облыстық мәслихаты ШЕШІМ ҚАБЫЛДАДЫ:

1. Атырау облыстық мәслихатының 2022 жылғы 8 желтоқсандағы № 209-VІІ «2023-2025 жылдарға арналған облыстық бюджет туралы» шешіміне (Нормативтік құқықтық актілерді мемлекеттік тіркеу тізілімінде № 176154 болып тіркелген) келесі өзгерістер енгізілсін:

1-тармақ жаңа редакцияда жазылсын:

«1. 2023-2025 жылдарға арналған облыстық бюджет тиiсiнше 1, 2 және 3-қосымшаларға сәйкес, оның iшiнде 2023 жылға келесідей көлемдерде бекiтiлсiн:

1) кірістер – 589 738 117 мың теңге, оның ішінде:

салықтық түсімдер – 171 191 639 мың теңге;

салықтық емес түсімдер – 13 368 463 мың теңге;

негізгі капиталды сатудан түсетін түсімдер – 64 025 мың теңге;

трансферттердің түсімдері – 405 113 989 мың теңге;

2) шығындар – 599 372 447 мың теңге;

3) таза бюджеттік несиелендіру – 5 874 107 мың теңге, оның ішінде:

бюджеттік несиелер – 14 202 150 мың теңге;

бюджеттік несиелерді өтеу – 8 328 043 мың теңге;

4) қаржы активтерімен операциялар бойынша сальдо – 9 905 961 мың теңге, оның ішінде:

қаржы активтерін сатып алу – 9 953 961 мың теңге;

мемлекеттің қаржы активтерін сатудан түсетін түсімдер – 48 000 тысяч теңге;

5) бюджет тапшылығы (профициті) – -25 414 398 мың теңге;

6) бюджет тапшылығын қаржыландыру (профицитін пайдалану) – 25 414 398 мың теңге:

қарыздар түсімі – 2 609 950 мың теңге;

қарыздарды өтеу – 10 689 549 мың теңге;

бюджет қаражатының пайдаланылатын қалдықтары – 33 493 997 мың теңге.»;

2-тармақ жаңа редакцияда жазылсын:

«2. Атырау қаласы мен аудандар бюджеттеріне жалпы мемлекеттік салықтар түсімінің жалпы сома нормативі 2023 жылға келесідей көлемдерде бекітілсін:

103 101 «Әлеуметтік салық» коды бойынша:

Жылыой ауданына – 85%.»;

6-тармақ жаңа редакцияда жазылсын:

«6. 2023 жылға жергілікті атқарушы органдарының резерві 3 249 855 мың теңге сомасында бекітілсін.»;

7-тармақ жаңа редакцияда жазылсын:

«7. 2023 жылға арналған облыстық бюджетте 6 810 515 мың теңге сомасында республикалық бюджеттің қаражаты және Қазақстан Республикасының Ұлттық қорының нысаналы трансферті есебінен ағымдағы нысаналы трансферттері ескерілсін, оның ішінде:

«Жайлы мектеп» пилоттық ұлттық жобасы шеңберінде салынған орта білім беру объектілерін күтіп-ұстауға - 674 889 мың теңге;

табиғатты қорғау және арнаулы мекемелер қызметкерлерінің жалақысын көтеруге - 77 308 мың теңге;

эпизоотияға қарсы іс-шаралар жүргізуге - 435 826 мың теңге;

ішкі нарыққа реттеушілік әсер ету үшін азық-түлік астығын өткізу кезінде агроөнеркәсіптік кешен саласындағы ұлттық компанияның шеккен шығыстарын өтеуді субсидиялауға - 458 775 мың теңге;

Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға - 4 764 мың теңге;

жұмыспен қамту мәселелері бойынша азаматтарды әлеуметтік қолдауды қамтамасыз етуге - 69 741 мың теңге;

мектепке дейінгі білім беру ұйымдары педагогтерінің еңбегіне ақы төлеуді ұлғайтуға - 958 548 мың теңге;

техникалық және кәсіптік, орта білімнен кейінгі білім беру ұйымдарында білім алушыларға мемлекеттік стипендияның мөлшерін ұлғайтуға - 365 517 мың теңге;

«Ауылдық денсаулық сақтауды жаңғырту» пилоттық ұлттық жобасы шеңберінде жергілікті деңгейде денсаулық сақтау ұйымдарын материалдық-техникалық жарақтандыруға - 771 933 мың теңге;

жер учаскелерін мемлекет мұқтажы үшін алып қоюға - 449 214 мың теңге;

халықтың әлеуметтік жағынан осал топтарына коммуналдық тұрғын үй қорынан тұрғын үй сатып алуға - 2 544 000 мың теңге.»;

8-тармақ жаңа редакцияда жазылсын:

«8. 2023 жылға арналған облыстық бюджетте республикалық бюджеттің қаражаты және Қазақстан Республикасының Ұлттық қорының нысаналы трансферті есебінен 65 066 433 мың теңге сомасында нысаналы даму трансферттері ескерілсін, оның ішінде:

халықты, объектілер мен аумақтарды табиғи дүлей зілзалалардан инженерлік қорғау жөніндегі жұмыстарды жүргізуге - 2 894 328 мың теңге;

инженерлік-коммуникациялық инфрақұрылымды дамытуға және (немесе) жайластыруға – 6 884 280 мың теңге;

қалаларда сумен жабдықтау және су бұру жүйелерін дамытуға - 8 714 493 мың теңге;

қоршаған ортаны қорғау объектілерін салуға және реконструкциялауға - 3 102 152 мың теңге;

жерүсті су ресурстарын ұлғайтуға - 3 500 000 мың теңге;

облыс орталықтарына инженерлік және көлік (аббаттандыру) инфрақұрылымын дамытуға - 5 836 061 мың теңге;

«Жайлы мектеп» пилоттық ұлттық жобасы шеңберінде орта білім беру объектілерін салуға - 18 013 020 мың теңге;

газ тасымалдау жүйесін дамытуға - 1 336 898 мың теңге;

көліктік инфрақұрылымды дамытуға - 2 750 000 мың теңге;

шағын және моноқалалардағы бюджеттік инвестициялық жобаларды іске асыруға - 3 479 000 мың теңге;

сумен қамту және су бұру жүйесін дамытуға - 771 356 мың теңге;

«Ауыл – Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға - 4 029 884 мың теңге;

әлеуметтік қорғау нысандарын салу және қайта жаңғыртуға – 1 000 000 мың теңге;

«Ауылда денсаулық сақтауды жаңғырту» пилоттық жобасы бойынша нысандарды салуға - 621 738 мың теңге;

жылу энергетикалық жүйені дамытуға – 2 123 777 мың теңге.»;

9-тармақ жаңа редакцияда жазылсын:

«9. 2023 жылға арналған облыстық бюджетте республикалық бюджеттің қаражаты есебінен жергілікті атқарушы органдарға 2 609 950 мың теңге сомасында бюджеттiк кредиттер көзделгенi ескерiлсiн, оның ішінде:

ауыл халқының кірістерін арттыру жөніндегі жобаны ауқымды түрде қолдану үшін ауыл халқына микрокредиттер беру үшін - 1 504 000 мың теңге;

жастардың кәсiпкерлiк бастамасына жәрдемдесуге кредит беру үшін - 930 000 мың теңге;

мамандарды әлеуметтік қолдау шараларын іске асыру үшін - 175 950 мың теңге.»;

көрсетілген шешімнің 1-қосымшасы осы шешімнің қосымшасына сәйкес жаңа редакцияда жазылсын.

2. Осы шешім 2023 жылдың 1 қаңтарынан бастап қолданысқа енгiзiледi.

Мәслихат төрағасы

М. Хайруллиев

Атырау облыстық

мәслихатының 2023 жылғы

11 желтоқсандағы № 62-VIII

шешіміне қосымша

Атырау облыстық

мәслихатының 2022 жылғы

8 желтоқсандағы № 209-VII

шешіміне 1-қосымша

2023 жылға арналған облыстық бюджет