«2024 – 2026 жылдарға арналған республикалық бюджет туралы» Қазақстан Республикасының Заңын іске асыру туралы

Қазақстан Республикасының Үкіметі ҚАУЛЫ ЕТЕДІ:

1. 2024 – 2026 жылдарға арналған республикалық бюджет, оның ішінде 2024 жылға мынадай:

1) кiрiстер – 20 194 797 994 мың теңге, оның iшiнде:

салықтық түсiмдер бойынша – 12 674 497 409 мың теңге;

салықтық емес түсiмдер бойынша – 1 443 392 658 мың теңге;

негiзгi капиталды сатудан түсетiн түсiмдер бойынша – 6 130 221 мың теңге;

трансферттер түсiмдерi бойынша – 6 070 777 706 мың теңге;

2) шығындар – 23 478 302 653 мың теңге;

3) таза бюджеттiк кредиттеу – 337 477 575 мың теңге, оның iшiнде:

бюджеттiк кредиттер – 591 804 497 мың теңге;

бюджеттiк кредиттердi өтеу – 254 326 922 мың теңге;

4) қаржы активтерiмен жасалатын операциялар бойынша сальдо – 49 929 694 мың теңге, оның iшiнде:

қаржы активтерiн сатып алу – 49 929 694 мың теңге;

5) бюджет тапшылығы – -3 670 911 928 мың теңге немесе елдiң жалпы iшкi өнiмінің 2,7 пайызы;

6) бюджеттің мұнайға қатысты емес тапшылығы – -10 638 834 829 мың теңге немесе елдiң жалпы iшкi өнiмінің 7,9 пайызы;

7) бюджет тапшылығын қаржыландыру – 3 670 911 928 мың теңге көлемінде атқаруға қабылдансын.

2. Мыналар:

1) осы қаулыға 1-қосымшаға сәйкес республикалық бюджеттен қаржыландырылатын басым республикалық бюджеттік инвестициялардың тізбесі;

2) осы қаулыға 2-қосымшаға сәйкес Қазақстан Республикасы Төтенше жағдайлар, Қорғаныс министрліктерінің, Президенті Іс Басқармасының басым республикалық бюджеттік инвестицияларының тізбесі (қызмет бабында пайдалану үшін);

3) осы қаулыға 3-қосымшаға сәйкес облыстық бюджеттерге табиғатты қорғау және арнаулы мекемелер жұмыскерлерінің жалақысын көтеруге берілетін ағымдағы нысаналы трансферттердің сомаларын бөлу;

4) осы қаулыға 4-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне эпизоотияға қарсы іс-шаралар жүргізуге берілетін ағымдағы нысаналы трансферттердің сомаларын бөлу;

5) осы қаулыға 5-қосымшаға сәйкес Маңғыстау облысының бюджетіне ветеринариялық қауіпсіздікті қамтамасыз етуге берілетін ағымдағы нысаналы трансферттердің сомаларын бөлу;

6) осы қаулыға 6-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне ауыл шаруашылығы жануарларын сәйкестендіруді жүргізуге арналған құралдарды (бұйымдарды) және атрибуттарды сатып алуға берілетін ағымдағы нысаналы трансферттердің сомаларын бөлу;

7) осы қаулыға 7-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне Қазақстан Республикасында мүгедектігі бар адамдардың құқықтарын қамтамасыз етуге және өмір сүру сапасын жақсартуға берілетін ағымдағы нысаналы трансферттердің сомаларын бөлу;

7-1) осы қаулыға 7-1-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне арнаулы әлеуметтік қызметтер көрсету орталықтарының медицина қызметкерлерінің жалақысын көтеруге берілетін ағымдағы нысаналы трансферттердің сомаларын бөлу;

8) осы қаулыға 8-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне еңбек мобильділігі орталықтарының қызметін қамтамасыз етуге берілетін ағымдағы нысаналы трансферттердің сомаларын бөлу;

9) осы қаулыға 9-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне мемлекеттік бюджет қаражаты есебінен ұсталатын азаматтық қызметшілердің жекелеген санаттарының, ұйымдар жұмыскерлерінің, қазыналық кәсіпорындар жұмыскерлерінің жалақысын арттыруға берілетін ағымдағы нысаналы трансферттердің сомаларын бөлу;

10) осы қаулыға 10-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне мектепке дейінгі білім беру ұйымдары педагогтерінің еңбегіне төленетін ақыны ұлғайтуға берілетін ағымдағы нысаналы трансферттердің сомаларын бөлу;

11) осы қаулыға 11-қосымшаға сәйкес облыстық бюджеттерге мемлекеттік күндізгі жалпы білім беретін ауылдық толық жинақталған мектептерде жан басына шаққандағы нормативтік қаржыландыруды іске асыруға берілетін ағымдағы нысаналы трансферттердің сомаларын бөлу;

12) осы қаулыға 12-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне техникалық және кәсіптік, орта білімнен кейінгі білім беру ұйымдарында білім алушыларға мемлекеттік стипендияның мөлшерін ұлғайтуға берілетін ағымдағы нысаналы трансферттердің сомаларын бөлу;

14) осы қаулыға 14-қосымшаға сәйкес облыстық бюджеттерге «Ауылдық денсаулық сақтауды жаңғырту» пилоттық ұлттық жобасы шеңберінде денсаулық сақтау объектілеріне күрделі жөндеу жүргізуге берілетін ағымдағы нысаналы трансферттердің сомаларын бөлу;

14-1) осы қаулыға 14-1-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне жергілікті атқарушы органдардың денсаулық сақтау саласындағы ұйымдары жұмыскерлерінің жалақысын көтеруге берілетін ағымдағы нысаналы трансферттердің сомаларын бөлу;

14-2) осы қаулыға 14-2-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне жергілікті атқарушы органдардың денсаулық сақтау саласындағы ұйымдары медицина қызметкерлерінің кәсіптік жауапкершілігін сақтандыру сыйлықақыларына (жарналарына) берілетін ағымдағы нысаналы трансферттердің сомаларын бөлу;

15) осы қаулыға 15-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне жер учаскелерін мемлекет мұқтажы үшін алып қоюға берілетін ағымдағы нысаналы трансферттердің сомаларын бөлу;

16) осы қаулыға 16-қосымшаға сәйкес Астана қаласына іргелес жатқан елді мекендердің көлік инфрақұрылымын жөндеуге Ақмола облысының бюджетіне берілетін ағымдағы нысаналы трансферттердің сомаларын бөлу;

17) осы қаулыға 17-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне халықтың әлеуметтік осал топтары үшін коммуналдық тұрғын үй қорынан тұрғын үй сатып алуға берілетін ағымдағы нысаналы трансферттердің сомаларын бөлу;

18) осы қаулыға 18-қосымшаға сәйкес Маңғыстау облысының бюджетіне радиациялық қауіпсіздікті қамтамасыз етуге берілетін ағымдағы нысаналы трансферттердің сомаларын бөлу;

18-1) осы қаулыға 18-1-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне мемлекеттік дене шынықтыру және спорт ұйымдарының медицина қызметкерлерінің еңбегіне төленетін ақыны ұлғайтуға берілетін ағымдағы нысаналы трансферттердің сомаларын бөлу;

19) осы қаулыға 19-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне кәсіпкерлік субъектілерінің жол бойындағы сервис объектілерін салу бойынша шығындарының бір бөлігін өтеуге берілетін ағымдағы нысаналы трансферттердің сомаларын бөлу;

20) осы қаулыға 20-қосымшаға сәйкес облыстық бюджеттерге аудандардың (облыстық маңызы бар қалалардың) әкімдерін сайлауды қамтамасыз етуге және өткізуге берілетін ағымдағы нысаналы трансферттердің сомаларын бөлу;

21) осы қаулыға 21-қосымшаға сәйкес ауыл халқының кірісін арттыру жөніндегі жобаны ауқымды түрде қолдану мақсатында ауыл халқына микрокредиттер беру үшін облыстық бюджеттерге кредит берудің сомаларын бөлу;

22) осы қаулыға 22-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне агроөнеркәсіптік кешендегі инвестициялық жобаларға кредит берудің сомаларын бөлу;

23) осы қаулыға 23-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне жастардың кәсiпкерлiк бастамасына жәрдемдесуге арналған кредит берудің сомаларын бөлу;

24) осы қаулыға 24-қосымшаға сәйкес облыстық бюджеттерге, республикалық маңызы бар қалалардың, астананың бюджеттеріне кондоминиум объектілерінің ортақ мүлкіне күрделі жөндеу жүргізуге кредит берудің сомаларын бөлу;

25) осы қаулыға 25-қосымшаға сәйкес мамандарды әлеуметтік қолдау шараларын іске асыру үшін жергілікті атқарушы органдарға берілетін бюджеттік кредиттердің сомаларын бөлу;

26) осы қаулыға 26-қосымшаға сәйкес Қазақстан Республикасының Үкіметі резервінің сомаларын бөлу;

27) осы қаулыға 27-қосымшаға сәйкес облыстық бюджеттерден, республикалық маңызы бар қалалар, астана бюджеттерінен трансферттер түсімдерінің сомаларын бөлу бекітілсін.

3. Қазақстан Республикасының Еңбек және халықты әлеуметтiк қорғау министрлiгi заңнамада белгіленген тәртіппен:

1) облыстық бюджеттердің, республикалық маңызы бар қалалардың, астана бюджеттерiнің осы қаулының 2-тармағының 7) тармақшасында көрсетiлген 2024 жылға арналған ағымдағы нысаналы трансферттердi пайдалану тәртібі туралы;

2) облыстық бюджеттерге, республикалық маңызы бар қалалардың, астананың бюджеттерiне осы қаулының 2-тармағының 23) тармақшасында көрсетiлген 2024 жылға арналған кредит беру шарттары туралы шешімдердің жобасын әзірлесін және Қазақстан Республикасының Үкіметіне 2024 жылғы 15 ақпанға дейінгі мерзімде енгізсін.

4. Осы қаулыға 28-қосымшаға сәйкес мемлекеттік-жекешелік әріптестік жобалары бойынша мемлекеттік міндеттемелерді, оның ішінде мемлекеттiк концессиялық мiндеттемелердi республикалық бюджеттен қаржыландыруды талап ететiн, іске асырылуы жоспарланатын мемлекеттік-жекешелік әріптестік жобаларының тiзбесi бекітілсін.

5. Осы қаулыға 29-қосымшаға сәйкес 2024 жылға арналған мемлекеттік тапсырмалардың тізбесі бекітілсін.

6. Орталық атқарушы органдар Қазақстан Республикасы Үкіметінің бұрын қабылданған шешімдерін осы қаулыға сәйкес келтіру туралы ұсыныстарды Қазақстан Республикасының Үкіметіне 2024 жылғы 1 ақпанға дейінгі мерзімде енгізсін.

7. Осы қаулы 2024 жылғы 1 қаңтардан бастап қолданысқа енгiзiледi.

Қазақстан Республикасының Премьер-Министрі

Ә. Смайылов

Қазақстан Республикасы

Үкіметінің

2023 жылғы «12»

желтоқсандағы

№ 1108 қаулысына

1-қосымша

Басым республикалық бюджеттік инвестициялардың тізбесі