«2016-2018 жылдарға арналған Бородулиха ауданының бюджеті туралы» Бородулиха аудандық мәслихатының 2015 жылғы 23 желтоқсандағы № 38-2-V шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджеттік кодексінің 106, 109-баптарына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабы 1-тармағының 1) тармақшасына және «2016-2018 жылдарға арналған облыстық бюджет туралы» 2015 жылғы 9 желтоқсандағы № 34/406-V шешіміне өзгерістер енгізу туралы» Шығыс Қазақстан облыстық мәслихатының 2016 жылғы 5 қазандағы № 6/57-VI шешіміне сәйкес (нормативтік құқықтық актілерді мемлекеттік тіркеу Тізілімінде 4689 нөмірімен тіркелген) Шығыс Қазақстан облысы Бородулиха ауданының мәслихаты ШЕШТІ:

1. «2016-2018 жылдарға арналған Бородулиха ауданының бюджеті туралы» Бородулиха аудандық мәслихатының 2015 жылғы 23 желтоқсандағы № 38-2-V шешіміне (нормативтік құқықтық актілерді мемлекеттік тіркеу Тізілімінде 4338 нөмірімен тіркелген, аудандық «Пульс района» газетінің 2016 жылғы 22 қаңтардағы № 4 (6937), «Аудан тынысы» газетінің 2016 жылғы 22 қаңтардағы № 04 (618) сандарында жарияланды) мынадай өзгерістер енгізілсін:

1 - тармақта:

1) тармақша жаңа редакцияда жазылсын:

«кірістер – 3879888,1 мың теңге, оның ішінде:

салықтық түсімдер – 916844 мың теңге;

салықтық емес түсімдер – 11628,4 мың теңге;

негізгі капиталды сатудан түсетін түсімдер – 26778 мың теңге;

трансферттердің түсімдері – 2924637,7 мың теңге»;

2) тармақша жаңа редакцияда жазылсын:

«шығындар – 3881505,8 мың теңге»;

3) тармақша жаңа редакцияда жазылсын:

«таза бюджеттік кредиттеу – 36346 мың теңге, оның ішінде:

бюджеттік кредиттер – 51746 мың теңге;

бюджеттік кредитті өтеу – 15400 мың теңге»;

5) тармақша жаңа редакцияда жазылсын:

«бюджет тапшылығы (профицит) – - 37963,7 мың теңге»;

6) тармақша жаңа редакцияда жазылсын:

«бюджет тапшылығын қаржыландыру (профицитті пайдалану) – 37963,7 мың теңге»;

5 - тармақ алынып тасталсын;

7 - тармақ жаңа редакцияда жазылсын:

«2016 жылға арналған аудандық бюджетте республикалық бюджеттен ағымдағы нысаналы трансферттер 844471 мың теңге сомасында ескерілсін.»;

8 - тармақ жаңа редакцияда жазылсын:

«2016 жылға арналған аудандық бюджетте облыстық бюджеттен ағымдағы нысаналы трансферттер 51788,7 мың теңге сомасында ескерілсін.»;

9 - тармақ жаңа редакцияда жазылсын:

«2016 жылға арналған аудандық бюджеттің түсімдер құрамында мамандарды әлеуметтік қолдау шараларын іске асыру үшін 51746 мың теңге көлемінде республикалық бюджеттен несиелер есептелсін.»;

10 - тармақ жаңа редакцияда жазылсын:

«2016 жылға арналған «Қаладағы аудан, аудандық маңызы бар қала, кент, ауыл, ауылдық округі әкімінің аппараты» 123 бюджеттік бағдарламалардың әкімшілері бойынша шығындар көлемі жалпы сомасы 293523,3 мың теңге көлемінде бекітілсін.»;

11 - тармақ жаңа редакцияда жазылсын:

«2016 жылға арналған аудандық бюджетте жергілікті өзін-өзі басқару органының трансферттері 132721 мың теңге сомасында ескерілсін.»;

5, 7, 8, 9, 12, 13 қосымшалары 2, 3, 4, 5, 6, 7 қосымшаларына сәйкес жаңа редакцияда жазылсын;

аталған шешімнің 1 қосымшасы осы шешімнің 1 қосымшасына сәйкес жаңа редакцияда жазылсын.

2. Осы шешім 2016 жылдың 1 қаңтарынан бастап қолданысқа енгізіледі.

Сессия төрағасы

А. Әубәкіров

Аудандық мәслихаттың хатшысы

У. Майжанов