Қарағанды қалалық мәслихатының LIV сессиясының 2015 жылғы 23 желтоқсандағы № 532 «Қарағанды қаласының 2016-2018 жылдарға арналған бюджеті туралы» шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Заңына сәйкес Қарағанды қалалық мәслихаты ШЕШІМ ЕТТІ:

1. Қарағанды қалалық мәслихатының LIV сессиясының 2015 жылғы 23 желтоқсандағы № 532 «Қарағанды қаласының 2016-2018 жылдарға арналған бюджеті туралы» шешіміне (Нормативтік құқықтық актілерді мемлекеттік тіркеу тізілімінде № 3583 болып тіркелген, 2015 жылғы 31 желтоқсандағы № 165 (1562) «Взгляд на события» газетінде, 2016 жылғы 13 қаңтардағы «Әділет» ақпараттық-құқықтық жүйесінде жарияланған) келесі өзгерістер енгізілсін:

1) 1-тармақ келесі редакцияда мазмұндалсын:

«1. Қаланың 2016-2018 жылдарға арналған бюджеті тиісінше 1, 2 және 3 қосымшаларға сәйкес, оның ішінде 2016 жылға келесі көлемдерде бекітілсін:

1) кірістер – 41 622 841 мың теңге, оның ішінде:

салықтық түсімдер бойынша – 27 354 990 мың теңге;

салықтық емес түсiмдер бойынша – 253 737 мың теңге;

негізгі капиталды сатудан түсетін түсімдер бойынша – 476 135 мың теңге;

трансферттердің түсімдері – 13 537 979 мың теңге;

2) шығындар – 44 383 702 мың теңге;

3) таза бюджеттік кредиттеу – 2 681 310 мың теңге, оның ішінде:

бюджеттік кредиттер – 2 681 310 мың теңге;

бюджеттік кредиттерді өтеу - 0 мың теңге;

4) қаржы активтерімен жасалатын операциялар бойынша сальдо – минус 50 000 мың теңге, оның ішінде:

қаржы активтерін сатып алу – 0 мың теңге;

мемлекеттің қаржы активтерін сатудан түсетін түсімдер – 50 000 мың теңге;

5) бюджет тапшылығы (профициті) – минус 5 392 171 мың теңге;

6) бюджет тапшылығын қаржыландыру (профицитін пайдалану) – 5 392 171 мың теңге;

қарыздар түсімдері – 4 053 893 мың теңге;

қарыздарды өтеу – 3 212 мың теңге;

бюджеттік қаражаттың пайдаланылатын қалдықтары – 1 341 490 мың теңге.»;

2) 2-тармақ келесі редакцияда мазмұндалсын:

«2. 2016 жылғы Қарағанды қаласының бюджетіне аударымдардың нормативтері келесі мөлшерлерде ескерілсін:

жеке табыс салығы бойынша төлем көзінен салық салынатын табыстардан ұсталатын – 49 пайыз;

әлеуметтік салық бойынша – 50 пайыз.»;

3) көрсетілген шешімнің 1, 4, 5 – қосымшалары осы шешімнің 1, 2, 3– қосымшаларына сәйкес жаңа редакцияда мазмұндалсын.

2. Осы шешім қолданысқа 2016 жылғы 1 қаңтардан бастап енгізіледі.

Сессия төрағасы

Т. Әшімов

Қарағанды қалалық мәслихатының хатшысы

Қ. Бексұлтанов