"2016 – 2018 жылдарға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2015 жылғы 8 желтоқсандағы № 972 қаулысына өзгерістер мен толықтырулар енгізу туралы

Қазақстан Республикасының Үкіметі ҚАУЛЫ ЕТЕДІ:

1. «2016 – 2018 жылдарға арналған республикалық бюджет туралы» Қазақстан Республикасының Заңын іске асыру туралы» Қазақстан Республикасы Үкіметінің 2015 жылғы 8 желтоқсандағы № 972 қаулысына мынадай өзгерістер мен толықтырулар енгізілсін:

1-тармақ мынадай редакцияда жазылсын:

«1. 2016 – 2018 жылдарға арналған республикалық бюджет, оның ішінде 2016 жылға мынадай:

1) кірістер – 7 648 362 885 мың теңге, оның ішінде мыналар бойынша:

салықтық түсімдер – 3 918 018 771 мың теңге;

салықтық емес түсімдер – 272 651 673 мың теңге;

негізгі капиталды сатудан түсетін түсімдер – 9 504 814 мың теңге;

трансферттер түсімдері – 3 448 187 627 мың теңге;

2) шығындар – 8 045 742 230 мың теңге;

3) таза бюджеттік кредиттеу – 223 163 225 мың теңге, оның ішінде:

бюджеттік кредиттер – 315 031 873 мың теңге;

бюджеттік кредиттерді өтеу – 91 868 648 мың теңге;

4) қаржы активтерімен жасалатын операциялар бойынша сальдо – 282 143 545 мың теңге, оның ішінде:

қаржы активтерін сатып алу – 285 913 545 мың теңге;

мемлекеттің қаржы активтерін сатудан түсетін түсімдер – 3 770 000 мың теңге;

5) тапшылық – -902 686 115 мың теңге немесе елдің жалпы iшкi өнiміне қатысты 2 пайыз;

6) бюджет тапшылығын қаржыландыру – 902 686 115 мың теңге көлемінде атқаруға қабылдансын.»;

2-тармақта:

мынадай мазмұндағы 4-1) және 8-1) тармақшалармен толықтырылсын:

«4-1) осы қаулыға 4-1-қосымшаға сәйкес облыстық бюджеттерге, Астана және Алматы қалаларының бюджеттеріне ішкі істер органдарының әкімшілік полиция қызметкерлерін оқытуға берiлетін ағымдағы нысаналы трансферттердің сомаларын бөлу;»;

«8-1) осы қаулыға 8-1-қосымшаға сәйкес облыстық бюджеттерге, Астана және Алматы қалаларының бюджеттеріне мал шаруашылығы өнімдерінің өнімділігін және сапасын арттыруды, асыл тұқымды мал шаруашылығын дамытуды субсидиялауға берілетін ағымдағы нысаналы трансферттердің сомаларын бөлу;»;

9-2) тармақша мынадай редакцияда жазылсын:

«9-2) осы қаулыға 9-2-қосымшаға сәйкес облыстық бюджеттерге, Астана және Алматы қалаларының бюджеттеріне ауыл шаруашылығы малын, техниканы және технологиялық жабдықты сатып алуға кредит беру, сондай-ақ лизинг кезінде сыйақы мөлшерлемесін субсидиялауға берілетін ағымдағы нысаналы трансферттердің соммаларын бөлу;»;

мынадай мазмұндағы 12-1) тармақшамен толықтырылсын:

«12-1) осы қаулыға 12-1-қосымшаға сәйкес облыстық бюджеттерге, Астана және Алматы қалаларының бюджеттеріне цифрлық білім беру инфрақұрылымын құруға берілетін ағымдағы нысаналы трансферттердің сомаларын бөлу;»;

27) тармақша алып тасталсын;

көрсетілген қаулыға 1, 2, 3, 6, 7, 8, 9, 9-1, 9-2, 10, 12, 13, 14, 15, 16, 19, 21, 22, 23, 24, 25, 26, 28, 29, 29-1, 30, 32, 33, 34, 36 және 42-қосымшалар осы қаулыға 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 33 және 34-қосымша ларға сәйкес жаңа редакцияда жазылсын;

көрсетілген қаулы осы қаулыға 30, 31 және 32-қосымша ларға сәйкес 4-1, 8-1 және 12-1-қосымшалармен толықтырылсын.

2. Орталық атқарушы органдар Қазақстан Республикасы Үкіметінің бұрын қабылданған шешімдерін осы қаулыға сәйкес келтіру туралы ұсыныстарын екі апта мерзімде Қазақстан Республикасының Үкіметіне енгізсін.

3. Осы қаулы 2016 жылғы 1 қаңтардан бастап қолданысқа енгiзiледi.

Қазақстан Республикасының Премьер-Министрі

Б.Сағынтаев

Қазақстан Республикасы

Үкіметінің

2016 жылғы 8 қазандағы

№ 579 қаулысына

1-қосымша

Қазақстан Республикасы

Үкіметінің

2015 жылғы 8 желтоқсандағы

№ 972 қаулысына

1-қосымша

Басым республикалық бюджеттік инвестициялар тізбесі