«2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне өзгерістер мен толықтыру енгізу туралы

«Қазақстан Республикасының Бюджет кодексі» Қазақстан Республикасының 2008 жылғы 4 желтоқсандағы кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 1-тармағының 1) тармақшасына сәйкес Қармақшы аудандық мәслихаты ШЕШІМ ҚАБЫЛДАДЫ:

1. «2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне (нормативтік құқықтық актілердің мемлекеттік тіркеу тізілімінде 5279 нөмірімен тіркелген, аудандық «Қармақшы таңы» газетінің 2016 жылғы 13 қаңтарда жарияланған) мынадай өзгерістер мен толықтыру енгізілсін:

1-тармақтың 1), 2), 4) тармақшалары жаңа редакцияда жазылсын:

«1) кірістер – 8 999 401,8 мың теңге, оның ішінде:

салықтық түсімдер – 1 084 499 мың теңге;

салықтық емес түсімдер – 49 741,8 мың теңге;

негізгі капиталды сатудан түсетін түсімдер – 23 531 мың теңге;

трансферттер түсімі – 7 841 630 мың теңге;

2) шығындар – 9 122 137,5 мың теңге;»;

«4) қаржы активтерімен жасалатын операциялар бойынша сальдо – 9 825 мың теңге;

қаржы активтерін сатып алу – 9 825 мың теңге;

мемлекеттің қаржы активтерін сатудан түсетін түсімдер – 0;»;

2-тармақ жаңа редакцияда жазылсын:

«2. 2016 жылғы аудандық бюджетке кірістерді бөлу нормативі 2016 жылдың 1 қаңтарынан бастап төмендегідей көлемінде белгіленгені ескерілсін:

1) 101.201 «Төлем көзінен салық салынатын табыстардан ұсталатын жеке табыс салығы» және 101.205 «Төлем көзінен салық салынбайтын шетелдік азаматтар табыстарынан ұсталатын жеке табыс салығы» кодтары бойынша 86,6%, облыстық бюджетке 13,4%;

2) 101.202 «Төлем көзінен салық салынбайтын табыстардан ұсталатын жеке табыс салығы» коды бойынша 100%, облыстық бюджетке 0%;

3) 103.101 «Әлеуметтік салық» коды бойынша 76,4%, облыстық бюджетке 23,6%.»;

4-тармақтың 14) тармақшасы жаңа редакцияда жазылсын:

«14) Қармақшы ауданы Жосалы кентіндегі 12 көшені орташа жөндеуге – 44 569 мың теңге.»;

жаңа мазмұндағы 4-1 тармақпен толықтырылсын:

«4-1. 2016 жылға арналған аудандық бюджетте облыстық бюджеттен төмендегі көлемде нысаналы даму трансферттер қаралғаны ескерілсін:

1) «Қармақшы ауданы Жосалы кентінің инженерлік-коммуникациялық инфрақұрылымын дамыту және жайластыру» жобасын қоса қаржыландыруға – 80 061 мың теңге.»;

аталған шешімнің 1, 4, 6, 7-қосымшалары осы шешімнің 1, 2, 3, 4-қосымшаларына сәйкес жаңа редакцияда жазылсын.

2. Осы шешім алғашқы ресми жарияланған күнінен бастап қолданысқа енгізіледі және 2016 жылдың 1 қаңтарынан бастап туындаған қатынастарға таралады.

Қармақшы аудандық мәслихатының кезектен тыс 4-сессиясының төрағасы

__________ Т. Ералиев

Қармақшы аудандық мәслихатының хатшысы

_________ М. Наятұлы