Теректі аудандық мәслихатының 2015 жылғы 25 желтоқсандағы №32-2 «2016-2018 жылдарға арналған аудандық бюджет туралы» шешіміне өзгерістер мен толықтырулар енгізу туралы

Қазақстан Республикасының 2008 жылғы 4 желтоқсандағы Бюджет кодексіне және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес Теректі аудандық мәслихат ШЕШІМ ҚАБЫЛДАДЫ:

1. Теректі аудандық мәслихатының 2015 жылғы 25 желтоқсандағы №32-2 «2016-2018 жылдарға арналған аудандық бюджет туралы» шешіміне (Нормативтік құқықтық актілерді мемлекеттік тіркеу тізілімінде №4221 тіркелген, 2016 жылғы 16 қаңтардағы «Сатып Алу Ақпарат» газетінде жарияланған) мынадай өзгерістер мен толықтырулар енгізілсін:

1 - тармақ мынадай редакцияда жазылсын:

«1. 2016-2018 жылдарға арналған аудандық бюджет 1, 2 және 3- қосымшаларға сәйкес, соның ішінде 2016 жылға келесі көлемдерде бекітілсін:

1) кірістер – 5 670 631 мың теңге:

салықтық түсімдер – 943 387 мың теңге;

салықтық емес түсімдер – 214 мың теңге;

негізгі капиталды сатудан түсетін түсімдер – 7 006 мың теңге;

трансферттер түсімі – 4 720 024 мың теңге;

2) шығындар – 5 810 206 мың теңге;

3) таза бюджеттік кредиттеу – 66 275 мың теңге:

бюджеттік кредиттер – 95 618 мың теңге;

бюджеттік кредиттерді өтеу – 29 343 мың теңге;

4) қаржы активтерімен операциялар бойынша сальдо – 0 теңге:

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – -205 850 мың теңге;

6) бюджет тапшылығын қаржыландыру (профицитін пайдалану) – 205 850 мың теңге:

қарыздар түсімі – 95 445 мың теңге;

қарыздарды өтеу – 29 343 мың теңге;

бюджет қаражатының пайдаланылатын қалдықтары – 139 748 мың теңге.»;

4- тармақтың 1) тармақшасында:

бірінші абзац мынадай редакцияда жазылсын:

«1) республикалық бюджеттен жалпы сомасы 1 258 912 мың теңге:»;

жетінші абзац мынадай редакцияда жазылсын:

«жергілікті бюджеттерден қаржыландырылатын азаматтық қызметшілерге еңбекақы төлеу жүйесінің жаңа моделіне көшуге, сондай-ақ оларға лауазымдық айлықақыларына ерекше еңбек жағдайлары үшін ай сайынғы үстемеақы төлеуге – 937 506 мың теңге;»;

4- тармақтың 2) тармақшасында:

бірінші абзац мынадай редакцияда жазылсын:

«2) облыстық бюджеттен жалпы сомасы 250 916 мың теңге:»;

екінші абзац мынадай редакцияда жазылсын:

«балалар мен жасөспірімдердің психикалық денсаулығын зерттеуге және психологиялық-медициналық және педагогикалық консультациялық көмек көрсетуге – 6 701 мың теңге;»;

сегізінші абзац мынадай редакцияда жазылсын:

«Ұзынкөл ауылының әлеуметтік нысандарын газбен жабдықтауға – 34 475 мың теңге;»;

мынадай мазмұндағы тоғызыншы абзацпен толықтырылсын:

«ұлттық бірыңғай тестілеуге дайындық бағдарламасы бойынша виртуалды білім берудің кешенін пайдалануға қызмет ақысын төлеуге «iTest», «BilimLand», «iMektep» – 1 710 мың теңге;»;

мынадай мазмұндағы оныншы абзацпен толықтырылсын:

«кәмелет жасқа толмағандар арасындағы суицидтың алдын алу жобасын жүзеге асыруға – 1 122 мың теңге;»;

мынадай мазмұндағы он бірінші абзацпен толықтырылсын:

«мектептерде көптілдікті енгізуге – 10 809 мың теңге;»;

мынадай мазмұндағы он екінші абзацпен толықтырылсын:

«Роботтық техника» базалық жиынтығын сатып алуға – 32 558 мың теңге;»;

мынадай мазмұндағы он үшінші абзацпен толықтырылсын:

«Батыс Қазақстан облысы Теректі ауданы Приречный ауылының Приречный жалпы орта білім беретін мектебі ғимаратын күрделі жөндеу – 20 106 мың теңге;»;

мынадай мазмұндағы он төртінші абзацпен толықтырылсын:

«ауру мал иелеріне 50% өтеуге – 39 411 мың теңге;»;

мынадай мазмұндағы он бесінші абзацпен толықтырылсын:

«анықталмаған сібір жарасы көмiнділері орындарын анықтауға және зертханалық зерттеулер жүргізуге – 16 340 мың теңге;»;

мынадай мазмұндағы он алтыншы абзацпен толықтырылсын:

«су қоймаларының жер актілері мен техникалық паспорттарын әзірлеуге – 10 715 мың теңге;»;

мынадай мазмұндағы он жетінші абзацпен толықтырылсын:

«Батыс Қазақстан облысы Теректі ауданы Тоқпай ауылындағы толық жоспарлау жобасы электр желісінің құрылысы – 1 000 мың теңге;»;

мынадай мазмұндағы он сегізінші абзацпен толықтырылсын:

«Батыс Қазақстан облысы Теректі ауданы Юбилейное ауылындағы толық жоспарлау жобасы электр желісінің құрылысы – 1 000 мың теңге;»;

мынадай мазмұндағы он тоғызыншы абзацпен толықтырылсын:

«Батыс Қазақстан облысы Теректі ауданы Ақжайық ауылындағы толық жоспарлау жобасы электрмен жабдықтау желісінің құрылысы – 1 000 мың теңге;»;

аталған шешімнің 1-қосымшасы осы шешімнің қосымшасына сәйкес жаңа редакцияда жазылсын.

2. Аудандық мәслихат аппаратының басшысы (В.Мустивко) осы шешімді әділет органдарында мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.

3. Осы шешім 2016 жылдың 1 қаңтарынан бастап қолданысқа енгізіледі.

Сессия төрайымы

Ж. Уразгалиева

Аудандық мәслихат хатшысы

Ә. Нұрғалиев

Теректі аудандық мәслихатының

2016 жылғы 8 тамыздағы №6-2 шешіміне

қосымша

Теректі аудандық мәслихатының

2015 жылғы 25 желтоқсандағы №32-2 шешіміне

1-қосымша

2016 жылға арналған аудандық бюджет

мың теңге