Сандықтау ауданының бюджет шығыстарының басым бағыттарының тізбесін анықтау туралы

«Бюджеттің атқарылуы және оған кассалық қызмет көрсету ережесін бекіту туралы» Қазақстан Республикасы Қаржы министрінің 2014 жылғы 4 желтоқсандағы № 540 бұйрығына (Нормативтік құқықтық актілерді мемлекеттік тіркеу тізілімінде № 9934 болып тіркелген) сәйкес, Сандықтау ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес, Сандықтау ауданы бюджет шығыстарының басым бағыттарының тізбесі анықталсын.

2. Осы қаулының орындалуын бақылау Сандықтау ауданы әкімінің орынбасары Қ.С. Омаровқа жүктелсін.

3. Осы қаулы Ақмола облысының Әділет департаментінде мемлекеттік тіркелген күнінен бастап күшіне енеді және ресми жарияланған күнінен бастап қолданысқа енгізіледі.

Сандықтау ауданының әкімі

А. Исмағамбетов

Сандықтау ауданы әкімдігінің

2016 жылғы 7 шілдедегі

№ А-7/150 қаулысына

қосымша

Сандықтау ауданы бюджет шығыстарының басым бағыттарының тізбесі

1. Жалақыны және басқа да ақшалай төлемдер, оның ішінде штаттан тыс техникалық персоналдың жалақысы, жалақыдан барлық ұстаулары.

2. Қазақстан Республикасының заңнамалық актілерімен көзделген ақшалай өтемақылар.

3. Алименттері, міндетті зейнетақы жарналары, кәсіптік және ерікті зейнетақы жарналары, әлеуметтік аударымдары, міндетті әлеуметтік медициналық сақтандыруға аударымдары және (немесе) жарналары, жәрдемақылары, стипендиялары.

4. Банктік қызмет ақысын төлеу, борыштық міндеттемелерін өтеу және қызмет көрсету жөніндегі төлемдер, салықтар және бюджетке төленетін басқа да міндетті төлемдер.

5. Отын (ғимараттарды жылыту бөлігінде), тамақтануды ұйымдастыру және тамақ өнімдерін сатып алу бойынша қызметтерді сатып алуға шығыстар.

6. Атқарушылық құжаттар мен сот актілерін орындау.

7. Іссапар және қызметтік сапарлар.