“2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешіміне өзгерістер мен толықтырулар енгізу туралы

“Қазақстан Республикасының Бюджет кодексі” Қазақстан Республикасының 2008 жылғы 4 желтоқсандағы Кодексінің 109-бабына, “Қазақстан Республикасындағы жергілікті мемлекеттік басқару және өзін-өзі басқару туралы” Қазақстан Республикасының 2001 жылғы 23 қаңтардағы Заңының 6-бабы 1-тармағының 1) тармақшасына және “2016-2018 жылдарға арналған облыстық бюджет туралы” Қызылорда облыстық мәслихатының 2015 жылғы 10 желтоқсандағы №325 шешіміне өзгерістер мен толықтырулар енгізу туралы” Қызылорда облыстық мәслихатының 2016 жылғы 13 шілдедегі №38 шешіміне (нормативтік құқықтық актілерді мемлекеттік тіркеу Тізілімінде 5563 нөмірімен тіркелген) сәйкес Жалағаш аудандық мәслихаты ШЕШІМ ҚАБЫЛДАДЫ:

1. “2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешіміне (нормативтік құқықтық актілерді мемлекеттік тіркеу Тізілімінде 5284 нөмірімен тіркелген, “Жалағаш жаршысы” газетінде 2016 жылғы 13 қаңтарда жарияланған) мынадай өзгерістер мен толықтырулар енгізілсін:

1-тармақ жаңа редакцияда жазылсын:

“1. 2016-2018 жылдарға арналған аудан бюджеті тиісінше 1, 2 және 3- қосымшаларға сәйкес, оның ішінде 2016 жылға мынадай көлемде бекітілсін:

1) кірістер – 5 711 504 мың теңге, оның ішінде:

салықтық түсімдер – бойынша 1 335 769 мың теңге;

салықтық емес түсімдер – бойынша 10 588 мың теңге;

негізгі капиталды сатудан түсетін түсімдер бойынша – 5 374 мың теңге;

трансферттер түсімі бойынша – 4 359 773 мың теңге;

2) шығындар – 5 765 614,7 мың теңге;

3) таза бюджеттік кредиттеу – 291 142 мың теңге;

бюджеттік кредиттер – 346 784 мың теңге;

бюджеттік кредиттерді өтеу – 55 642 мың теңге;

4) қаржы активтерімен операциялар бойынша сальдо – 10 000 мың теңге;

қаржы активтерін сатып алу – 10 000 мың теңге;

мемлекеттің қаржы активтерін сатудан түсетін түсімдер – 0;

5) бюджет тапшылығы (профициті) – - 355 252,7 мың теңге;

6) бюджет тапшылығын қаржыландыру (профицитін пайдалану)– 355 252,7 мың теңге;

қарыздар түсімі – 346 784 мың теңге;

қарыздарды өтеу – 61 611 мың теңге;

бюджет қаражатының пайдаланылатын қалдықтары – 70 079,7 мың теңге.”;

2- тармақ жаңа редакцияда жазылсын:

“2. 2016 жылдың 1 шілдесінен аудан бюджеті кірістерінің құрамында ауданға бөлу нормативі жеке табыс салығы бойынша 72 пайыз, әлеуметтік салық бойынша 70 пайыз болып белгіленгені ескерілсін.”;

мынадай мазмұндағы 1- 9 және 1-10 тармақтармен толықтырылсын:

“1-9. “2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешімін іске асыру туралы” Жалағаш ауданы әкімдігінің 2016 жылғы 5 қаңтардағы №1 қаулысына өзгерістер мен толықтыру енгізу туралы” Жалағаш ауданы әкімдігінің 2016 жылғы 10 маусымдағы №125 қаулысымен 2016 жылға арналған аудан бюджетіне облыстық бюджеттен 5 394 мың теңге көлемінде ағымдағы нысаналы трансферттер қосымша қаралғаны ескерілсін.

1-10. 2015 жылға арналған аудан бюджетіне республикалық бюджеттен бөлінген нысаналы трансферттерден пайдаланылмаған (толық пайдаланылмаған) 2925 мың теңге облыстық бюджетке қайтарылғаны ескерілсін.”;

мынадай мазмұндағы 4-2-тармақпен толықтырылсын:

“4-2. 2016 жылға арналған аудан бюджетіне облыстық бюджеттен бөлінген ағымдағы нысаналы трансферттерден 827 мың теңге қысқартылғаны ескерілсін.”;

мынадай мазмұндағы 5-3-тармақпен толықтырылсын:

“5-3. 2016 жылға арналған аудан бюджетіне республикалық бюджеттен қосымша 340 мың теңге көлемінде ағымдағы нысаналы трансферттер бөлінгені ескерілсін.”;

6- тармақ жаңа редакцияда жазылсын:

“6. 2016 жылға арналған ауданның жергілікті атқарушы органның резерві 15899 мың теңге көлемінде бекітілсін.”;

көрсетілген шешімнің 1, 4, 5, 6, 8, 9-қосымшалары осы шешімнің 1, 2, 3, 4, 5, 6-қосымшаларына сәйкес жаңа редакцияда жазылсын.

2. Осы шешім 2016 жылғы 1 қаңтардан бастап қолданысқа енгізіледі және ресми жариялауға жатады.

Жалағаш аудандық мәслихатының 5-сессиясының төрағасы

Е.БАҚБЕРГЕНҰЛЫ

Жалағаш аудандық мәслихатының хатшысы

М.ЕСПАНОВ

2016 жылғы “01”тамыздағы№5-2