Орал қалалық мәслихатының 2015 жылғы 24 желтоқсандағы №40-3 «2016-2018 жылдарға арналған қалалық бюджет туралы» шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджет кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес Орал қалалық мәслихаты ШЕШІМ ҚАБЫЛДАДЫ:

1. Орал қалалық мәслихатының 2015 жылғы 24 желтоқсандағы №40-3 «2016-2018 жылдарға арналған қалалық бюджет туралы» шешіміне (Нормативтік құқықтық актілерді мемлекеттік тіркеу тізілімінде №4194 тіркелген, 2016 жылғы 7 қаңтарда «Жайық үні-Жизнь города» газетінде жарияланған) мынадай өзгерістер енгізілсін:

1-тармақ мынадай редакцияда жазылсын:

«1. 2016-2018 жылдарға арналған қалалық бюджет тиісінше 1, 2 және 3 қосымшаларға сәйкес, оның ішінде 2016 жылға арналған бюджет мынадай көлемде бекітілсін:

1) кірістер – 26 641 498 мың теңге, соның ішінде:

салықтық түсімдер – 13 892 252 мың теңге;

салықтық емес түсімдер – 173 941 мың теңге;

негізгі капиталды сатудан түсетін түсімдер – 2 084 504 мың теңге;

трансферттер түсімі – 10 490 801 мың теңге;

2) шығындар – 28 265 103 мың теңге;

3) таза бюджеттік кредиттеу – 0 мың теңге:

бюджеттік кредиттер – 0 мың теңге;

бюджеттік кредиттерді өтеу – 0 мың теңге;

4) қаржы активтерімен операциялар бойынша сальдо – 0 мың теңге:

қаржы активтерін сатып алу – 0 мың теңге;

мемлекеттің қаржы активтерін сатудан түсетін түсімдер – 0 мың теңге;

5) бюджет тапшылығы (профициті) – -1 623 605 мың теңге;

6) бюджет тапшылығын қаржыландыру (профицитін пайдалану) – 1 623 605 мың теңге:

қарыздар түсімі – 3 460 457 мың теңге;

қарыздарды өтеу – 1 839 973 мың теңге;

бюджет қаражатының пайдаланылатын қалдықтары – 3 121 мың теңге.»;

6-тармақ мынадай редакцияда жазылсын:

«6. 2016 жылға арналған жергілікті атқарушы органдарының резерві – 85 064 мың теңге сомасында бекітілсін.»;

8-тармақ мынадай редакцияда жазылсын:

«8. 2016 жылға арналған қалалық бюджетте республикалық бюджеттен нысаналы трансферттер қарастырылғаны ескерілсін:

мектепке дейінгі білім беру ұйымдарында мемлекеттік білім беру тапсырысын іске асыруға – 755 562 мың теңге;

азаматтық хал актілерін тіркеу бөлімдерінің штат санын ұстауға – 6 818 мың теңге;

белгіленген тұрғылықты жері жоқ тұлғаларды әлеуметтік бейімдеуге – 15 280 мың теңге;

мүгедектердің құқықтарын қамтамасыз ету және өмір сүру сапасын жақсарту жөніндегі іс-шаралар жоспарын іске асыруға – 74 023 мың теңге;

мұқтаж мүгедектерді міндетті гигиеналық құралдармен қамтамасыз ету нормасын көбейтуге – 58 063 мың теңге;

жергілікті бюджеттерден қаржыландырылатын азаматтық қызметшілеріне еңбекақы төлеу жүйесінің жаңа моделі бойынша еңбекақы төлеуге және олардың лауазымдық айлық ақыларына ерекше еңбек жағдайлары үшін ай сайынғы үстемеақы төлеуге – 2 967 460 мың теңге;

мемлекеттік әкімшілік қызметшілер еңбекақысының деңгейін арттыруға – 102 000 мың теңге;

елді мекендердің санитариясын қамтамасыз етуге – 48 901 мың теңге;

агроөнеркәсіптік кешеннің жергілікті атқарушы органдарының бөлімшелерін ұстауға – 9 006 мың теңге;

коммуналдық тұрғын үй қорының тұрғын үйін жобалау және (немесе) салу, реконструкциялауға – 443 985 мың теңге;

инженерлік-коммуникациялық инфрақұрылымды жобалау, дамыту және (немесе) жайластыруға – 1 835 146 мың теңге;

өңірдің экономикалық орнықтылығын қамтамасыз етуге – 376 480 мың теңге;

жергілікті бюджеттердің шығындарын өтеуді қамтамасыз етуге – 292 488 мың теңге;

облыстық бюджеттен:

білім беру ұйымының ведомстволық бағыныстағы мемлекеттік мекемелерінің және ұйымдарының күрделі шығыстарына – 298 743 мың теңге;

коммуналдық тұрғын үй қорының тұрғын үйін жобалау және (немесе) салу, реконструкциялауға – 294 419 мың теңге;

инженерлік-коммуникациялық инфрақұрылымды жобалау, дамыту және (немесе) жайластыруға – 747 543 мың теңге;

көлік инфрақұрылымын дамытуға – 248 683 мың теңге;

патронат тәрбиешілерге берілген баланы (балаларды) асырап бағуға – 36 526 мың теңге;

балалар мен жасөспірімдердің психикалық денсаулығын зерттеуге және психологиялық-медициналық-педагогикалық консультациялық көмек көрсетуге – 6 258 мың теңге;

балалар мен жасөспірімдерге спорт бойынша қосымша білім беруге – 80 111 мың теңге;

жалпы білім беруге – 181 184 мың теңге;

жылумен, электрмен, газбен, сумен жабдықтау және су бұру нысандары бойынша жерге орналастыру жобасын, мемлекеттік жер актісін, техникалық құжаттарын дайындау және әділет органында тіркеуге – 70 911 мың теңге;

Өңірлерді дамытудың 2020 жылға дейінгі бағдарламасы шеңберінде инженерлік инфрақұрылымды дамытуға – 486 582 мың теңге;

Жұмыспен қамту 2020 жол картасы бойынша қалаларды және ауылдық елді мекендерді дамыту шеңберінде объектілерді жөндеу және абаттандыруға – 147 861 мың теңге;

елді мекендерді абаттандыруға – 411 714 мың теңге;

елді мекендердің санитариясын қамтамасыз етуге – 307 940 мың теңге;

мәдени-демалыс жұмысын қолдауға – 133 740 мың теңге;

әртүрлі спорт түрлері бойынша қала құрама командаларының мүшелерін дайындау және олардың облыстық спорт жарыстарына қатысуына – 3 756 мың теңге;

мектепке дейінгі білім беру ұйымдарында мемлекеттік білім беру тапсырысын іске асыруға – 31 331 мың теңге;

мемлекеттік білім беру мекемелеріне жұмыстағы жоғары көрсеткіштері үшін гранттарды табыс етуге – 18 287 мың теңге.»;

10-тармақ мынадай редакцияда жазылсын:

«10. 2016 жылға арналған қалалық бюджетте коммуналдық тұрғын үй қорының тұрғын үйін жобалауға және (немесе) салуға, реконструкциялауға облыстық бюджеттен 1 555 200 мың теңге сомасында кредит қарастырылғаны және Қазақстан Республикасының Ұлттық қорынан жылу, сумен жабдықтау және су бұру жүйелерін реконструкциялауға және құрылысы үшін 1 905 257 мың теңге кредит берілгені ескерілсін.»;

көрсетілген шешімнің 1-қосымшасы осы шешімнің 1-қосымшасына сәйкес жаңа редакцияда жазылсын.

2. Орал қалалық мәслихаты аппаратының басшысы (С.Давлетов) осы шешімнің әділет органдарында мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.

3. Осы шешім 2016 жылғы 1 қаңтардан бастап қолданысқа енгізіледі.

Сессия төрағасы

С.Мұхамбеталиев

Мәслихат хатшысы

А.Әубекеров

Орал қалалық мәслихатының

2016 жылғы 2 тамыздағы № 6-2 шешіміне

1-қосымша

Орал қалалық мәслихатының

2015 жылғы 24 желтоқсандағы № 40-3 шешіміне

1-қосымша

2016 жылға арналған қалалық бюджет

мың теңге