Облыс бойынша 1998 жылы заңды және жеке тұлғалардың мүліктерінен салық алу құнын айқындау әдістемесі туралы

Заңды және жеке тұлғаларға салық салу үшін мүліктің рыноктік бағасын дәлірек көрсету мақсатында, облыс әкімі ШЕШІМ ШЫҒАРДЫ:

1. Қосымшаға сәйкес 1998 жылғы Солтүстік Қазақстан облысы бойынша заңды тұлғалардың әдістемесі бекітілсін.

2. Аудандардың, Петропавл мен Көкшетау қалаларының әкімдері аудандар мен қала шеңберінде «Әдістеменің» 2.11 тармағына сәйкес жылжымайтын мүлік нысанының тұрған жеріне байланысты рыноктік бағаның өзгерісін ескертетін зоналық коэфициенттерді бекітсін.

3. Жылжымайтын мүлік жөніндегі Солтүстік Қазақстан орталығы /А.Е.Жанжұманов/ заңды және жеке тұлғалардың жылжымайтын мүліктерін бағалау барысында бекітілген әдістемені және зоналық коэффициентті басшылыққа алсын.

4. Солтүстік Қазақстан облысы бойынша салық комитеті мүліктерге салық есептеу барысында жылжымайтын мүлік жөніндегі орталық берген баға туралы ақпараты басшылыққа болсын.

5. Аудан, Петропавл және Көкшетау қалаларының әкімдері ай сайын есеп берген айдан кейінгі 15-нен кешіктірмей салық салу мақсаты үшін жылжымайтын мүліктерге бағалау қызметін жүргізген де жұмсаған шығындардың өтему тәртібінде жеке тұлғалардың мүліктерінен түскен салық сомасының 5 пайызы жылжымайтын мүлік жөніндегі орталыққа аударылсын.

6. Аудандар мен Петропавл және Көкшетау қалаларының әкімдері, Щучинск қаласының әкімі жылжымайтын мүлік орталағына салық салу мақсатында бағалау жүргізу үшін 15 наурызға дейінгі мерзімде саяжай учаскелерінің және кооперативтар бойынша гараждардың иелері туралы тізім берсін.

Облыс әкімі

Д.Ахметов