«2016-2018 жылдарға арналған Глубокое ауданының бюджеті туралы» 2015 жылғы 23 желтоқсандағы № 41/2-V Глубокое аудандық мәслихатының шешіміне өзгерістер енгізу туралы

2008 жылғы 4 желтоқсандағы Қазақстан Республикасы Бюджеттік кодексінің 109-бабына, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасы Заңының 6 - бабы 1 - тармағының 1) - тармақшасына, «2016-2018 жылдарға арналған облыстық бюджет туралы» 2015 жылғы 9 желтоқсандағы № 34/406-V Шығыс Қазақстан облыстық мәслихатының шешіміне өзгерістер енгізу туралы» 2016 жылғы 14 шілдедегі № 5/37-VІ Шығыс Қазақстан облыстық мәслихатының шешіміне сәйкес (нормативтік құқықтық актілерді мемлекеттік тіркеу Тізілімінде № 4607 болып тіркелген) Глубокое аудандық мәслихаты ШЕШТІ:

1. «2016-2018 жылдарға арналған Глубокое ауданының бюджеті туралы» 2015 жылғы 23 желтоқсандағы № 41/2-V Глубокое аудандық мәслихатының шешіміне (нормативтік құқықтық актілерді мемлекеттік тіркеу Тізілімінде № 4323 болып тіркелген, 2016 жылы 18 қаңтарда "Әділет" ақпараттық-құқықтық жүйесінде, 2016 жылы 22 қаңтарда «Ақ бұлақ», «Огни Прииртышья» газеттерінде жарияланған) мынадай өзгерістер енгізілсін:

1 - тармақ жаңа редакцияда жазылсын:

«1. 2016-2018 жылдарға арналған аудандық бюджет тиісінше 1, 2 және 3 қосымшаларға сәйкес, соның ішінде 2016 жылға арналған мынадай көлемдерде бекітілсін:

1) кірістер – 4671347,3 мың теңге, оның ішінде:

салықтық түсімдер – 1793610,8 мың теңге;

салықтық емес түсімдер – 3176 мың теңге;

негізгі капиталды сатудан түсетін түсімдер – 55171 мың теңге;

трансферттердің түсімдері – 2819389,5 мың теңге;

2) шығындар – 4746722,8 мың теңге;

3) таза бюджеттік кредиттеу - 36899 мың теңге, оның ішінде:

бюджеттік кредиттер - 57267 мың теңге;

бюджеттік кредиттерді өтеу – 20368 мың теңге;

4) қаржы активтерімен операциялар бойынша сальдо - 0 мың теңге, оның ішінде:

қаржы активтерін сатып алу - 0 мың теңге;

мемлекеттің қаржы активтерін сатудан түсетін түсімдер - 0 мың теңге;

5) бюджет тапшылығы (профициті) - -112274,5 мың теңге;

6) бюджет тапшылығын қаржыландыру (профицитін пайдалану) – 112274,5 мың теңге, оның ішінде:

қарыздар түсімі – 57267 мың теңге;

қарыздарды өтеу – 20368 мың теңге;

бюджет қаражатының пайдаланатын қалдықтары – 75375,5 мың теңге.»;

5-тармақ жаңа редакцияда жазылсын:

«5. Аудандық бюджетте облыстық бюджеттен нысаналы трансферттер 55569 мың теңге сомасында ескерілсін.»;

6 - тармақ жаңа редакцияда жазылсын:

«6. Аудандық бюджетте республикалық бюджеттен нысаналы трансферттер 1354377,5 мың теңге сомасында ескерілсін.»;

осы шешімнің 1, 2, 3-қосымшаларына сәйкес 1, 5, 6-қосымшалар жаңа редакцияда жазылсын.

2. Осы шешім 2016 жылдың 1 қаңтарынан бастап қолданысқа енгізіледі.

Сессия төрағасы

М. Карибаева

Глубокое аудандық мәслихатының хатшысы

А. Баймульдинов