«Көшелерге атау беру туралы» 2008 жылғы 26 маусымдағы № 2 шешіміне өзгерістер енгізу туралы

Қазақстан Республикасының 2013 жылғы 3 шілдедегі «Қазақстан Республикасының Конституциялық заңына және Қазақстан Республикасының кейбір заңнамалық актілеріне әртүрлі заңнамалық актілердің құқық нормалары арасындағы қайшылықтарды, олқылықтарды, коллизияларды және сыбайлас жемқорлық құқық бұзушылықтар жасауға ықпал ететін нормаларды жою мәселелері бойынша өзгерістер мен толықтырулар енгізу туралы» Конституциялық Заңына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 35 бабына сәйкес, Жабасақ ауылдық округінің әкімі ШЕШІМ ҚАБЫЛДАДЫ:

1. Жабасақ селолық округі әкімінің мемлекеттік тіліндегі 2008 жылғы 26 маусымдағы № 2 «Көшелерге атау беру туралы» (нормативтік құқықтық актілерді мемлекеттік тіркеу тізілімінде № 3-2-52 тіркелген, 2008 жылғы 14 тамыздағы аудандық «Жаңалық жаршысы» газетінде жарияланған) шешіміне келесідей өзгерістер енгізілсін:

көрсетілген мемлекеттік тіліндегі шешімнің деректемелерінде және бүкіл мәтіні бойынша «селолық», «селосы» сөздері «ауылдық», «ауылы» сөздерімен ауыстырылсын;

мемлекеттік тіліндегі шешімнің кіріспе бөлігіндегі «, Қазақстан Республикасы Үкіметінің 2005 жылғы 21 қаңтардағы № 45 «Қазақстан Республикасындағы мемлекеттік ономастикалық жұмыс тұжырымдамасы туралы» қаулысына» сөздері алынып тасталынсын;

2. Осы шешімнің орындалуын бақылауды өзіме қалдырамын.

3. Осы шешім оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Жабасақ ауылдық округінің әкімі

Т. Жусупов