Теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидаларын бекіту туралы

Теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидаларын бекіту туралы

«Сауда мақсатында теңізде жүзу туралы» 2002 жылғы 17 қаңтардағы Қазақстан Республикасы Заңының 4-бабы 3-тармағының 55-15) тармақшасына сәйкес БҰЙЫРАМЫН:

1. Қоса беріліп отырған Теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидалары бекітілсін.

2. Қазақстан Республикасы Инвестициялар және даму министрлігінің Көлік комитеті (Ә.А. Асавбаев):

1) осы бұйрықтың Қазақстан Республикасы Әділет министрлігінде мемлекеттік тіркелуін;

2) осы бұйрық Қазақстан Республикасы Әділет министрлігінде мемлекеттік тіркелгеннен кейін, күнтізбелік он күн ішінде оның көшірмесін мерзімді баспа басылымдарында және «Әділет» ақпараттық-құқықтық жүйесінде ресми жариялауға жіберуді;

3) осы бұйрықтың Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

4) осы бұйрық Қазақстан Республикасы Әдiлет министрлiгiнде мемлекеттiк тiркелгеннен кейiн он жұмыс күні iшiнде Қазақстан Республикасы Инвестициялар және даму министрлiгiнiң Заң департаментiне осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәлiметтердi ұсынуды қамтамасыз етсiн.

3. Осы бұйрықтың орындалуын бақылау жетекшлік ететін Қазақстан Республикасының Инвестициялар және даму вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының Инвестициялар және даму министрі

Ә. Исекешев

КЕЛІСІЛДІ»:

Қазақстан Республикасының

Ауыл шаруашылығы министрі

________________ А.С. Мамытбеков

2016 жылғы «___» ___________

«КЕЛІСІЛДІ»:

Қазақстан Республикасының

Ұлттық қауіпсіздік комитетінің төрағасы

________________ В. Жұмақанов

2016 жылғы «___» ___________

«КЕЛІСІЛДІ»

Қазақстан Республикасының

Ұлттық экономика министрі

________________ Е. А. Досаев

20__ жылғы «___» ___________

«КЕЛІСІЛДІ»

Қазақстан Республикасының

Ішкі істер министрі

________________ Қ.Н.Қасымов

20__ жылғы «___» ___________

«КЕЛІСІЛДІ»

Қазақстан Республикасының

Қаржы министрі

________________ Б.Т. Сұлтанов

20__ жылғы «___» ___________

Қазақстан Республикасы

Инвестициялар және даму министрінің

2015 жылғы 28 сәуірдегі

№ 519 бұйрығымен

бекітілген

Теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидалары

Тарау 1. Жалпы ережелер

1. Осы Теңіз порттарын, оның ішінде халықаралық маңыздағы мәртебесі бар теңіз порттарын, порт құрылыстарын және теңіз порты акваториясын пайдалану қағидалары (бұдан әрі – Қағидалар) «Сауда мақсатында теңізде жүзу туралы» 2002 жылғы 17 қаңтардағы Қазақстан Республикасы Заңының (бұдан әрі – Заң) 4-бабы 3-тармағының 55-15) тармақшасына сәйкес әзірленді және теңіз порттарын, оның ішінде халықаралық маңыздағы мәртебесі бар теңіз порттарын (бұдан әрі – порттар), порт құрылыстарын және теңіз порты акваториясын пайдалану тәртібін айқындайды.

2. Осы Қағидаларда пайдаланылатын негiзгi ұғымдар:

1) бақылау органдары – кедендiк, шекаралық, фитосанитарлық, ветеринарлық, санитариялық-эпидемиологиялық қызметтер, Порттың теңiз әкiмшiлiгi;

2) жобалау ұйымы – портты немесе құрылысты салуға, қайта жаңартуға немесе қайта жайластыруға арналған жобаларды әзiрлеген ұйым;

3) жүк жоспары – жүк үй-жайларын неғұрлым оңтайлы пайдалану мақсатында жүктi теңiз кемесiнде орналастыру жоспары;

4) жүк манифесi – жүк туралы барлық негiзгi мәлiметтерi әр порт бойынша бөлек жазылған құжат;

5) жұмыс технологиялық карталары – теңiз портында жүктердi өңдеу, қоймаға жинау және жүктердi кемеге тиеу мен жүктердi кемеден түсiрудiң технологиялық процестерiн сипаттайтын порттың техникалық құжаттары;

6) коносамент – тасымалдаушымен жіберушіге берілетін және жүкті тасымалдауға қабылдауды растайтын құжат;

7) пайдалану режимi – жобада немесе құрылысты пайдалану үдерiсiнде белгiленген параметрлермен бiрге бағыты бойынша құрылыстарды пайдалану қарқындылығы;

8) пайдалану шарттары – құрылысты пайдалану кезiнде оған әсер ететiн қозғаушы күштердiң жиынтығы;

9) палубалық жүк – кеменiң ашық палубасында және қауiпсiз жерiнде тасымалданатын, тоннаждың брутто/нетто өлшемiне кiрмеген жүктер;

10) порттың үрдiстер жиынтығы – жүк операцияларын ұйымдастырумен, ол бойынша шығындарды бөлумен, жүк жұмыстарын нормалаумен және сталиялық, контрсталиялық уақытты есептеумен байланысты тасымалдауға қатысушылардың өзара қарым-қатынасын реттейтiн осы порттың қалыптасқан үрдiстерi мен практикасы көрiнiс тапқан, порт иесi бекiткен құжат;

11) пайдаланатын ұйым – өз қызметін теңіз порты акваториясында жүзеге асыратын және порт құрылыстарын қолдаумен байланысты қызметтер атқаратын ұйым;

12) порт құрылыстары – теңiзде жүзу және кемелер тұрағының қауiпсiздiгiн қамтамасыз етуге арналған, су ортасымен байланысатын теңiз портының аумағында және (немесе) акваториясында орналасқан инженерлiк-техникалық құрылыстар (жағалауды қорғайтын құрылыстар, толқын тосқылары, бөгеттер, молдар, пирстер, айлақтар, сонымен қатар түбiн тереңдету жұмыстары нәтижесiнде пайда болған кiру арналары, су асты құрылыстары);

13) порт құрылысының паспорты – құрылыстың арнауы, сипаттамасы және техникалық жай-күйi (ақаулықтар, жөндеулер, сындарлылық өзгерiстер, авариялар және пайдалану берiктiлiгiн бұрынғы қалпына келтiру жөнiндегi қабылданған шаралар) көрсетiлген техникалық құжат;

14) теңіз портының паспорты – портқа жүктелген өндiрiстiк мiндеттердi орындауға арналған порттың өндiрiстiк мүмкiндiгiн, өндiрiс құралдары мен материалдық ресурстар жиынтығының қолдағысы мен жай-күйiн куәландыратын құжат;

15) тальмандық қолхат – кемеден/ге жүктердi қабылдау немесе түсiру кезiндегi жүктiң саны мен оның жай-күйiн куәландыратын және жүк орындары есебiнiң фактiсiн растайтын жүк құжаты;

16) теңiзде жүзушiлерге хабарлау қағазы – навигациялық карталарды түзету жөнiндегi гидрографиялық деректердiң өзгерiстерi қамтылған, теңiзде жүзу үшiн құралдары мен басшылығы бар құжат;

17) техникалық тексерiп қарау журналы – құрылысты тұрақты түрде техникалық тексерiп қарауды өткiзу үдерiсiнде жүзеге асырылатын порт құрылыстарын пайдалану, техникалық жай-күйiне және режимiне бақылауды есепке алу жөнiндегi құжат;

18) халықаралық теміржол жүк қатынасы туралы келісім жүкқұжаты (бұдан әрі – ХТЖҚК) – 1951 жыдың 1 қарашасындағы Халықаралық темiр жол жүк қатынасы туралы келiсiмге қатысушы елдердің темір жолдары бойынша халықаралық жүк тасымалдауға қолданылтын халықаралық жүкқұжат нұсқасы;

19) штурмандық қолхат – капитанның аға көмекшiсi беретiн және қол қоятын кеме бортына жүк қабылданғанын растайтын құжат.

2-тарау. Теңіз порттарын, оның ішінде халықаралық маңыздағы мәртебесі бар теңіз порттарын пайдалану тәртібі

3. Жүктердi көлiктiң бiр түрiнен екiншi түрiне және кейiн қарай ауыстырып тиеу үшiн портты пайдалану порттың инфрақұрылымы мен құрал-жабдығын пайдаланумен жүзеге асырылады.

4. Жүктердi ауыстырып тиеу бойынша порт жұмысын ұйымдастыру портқа жүк келуiн жоспарлау, жүктi қабылдау, порттың қойма алаңдарында қоймаға жинау, сондай-ақ жүктi теңiз терминалдарынан не қойма алаңдарынан тиеу жолымен жүзеге асырылады.

5. Осы Қағидаларда айқындалмаған жүк тегiне, порт жұмысының технологиясына және тасымал түрiне (экспорт, импорт, транзит) байланысты жүктердi ауыстырып тиеу кезiнде жүргiзiлетiн техникалық операциялар порттың үрдiстер жиынтығына, порттың нұсқаулықтары мен стандарттарына, сондай-ақ порттың жұмыс технологиялық картасына сәйкес жүзеге асырылады.

6. Жүктi ауыстырып тиеу бойынша жоспарлар:

1) кемелер, вагондар, өзге де жүктер, контейнерлер және автокөлiк құралдарының келуi туралы;

2) жүк тиеу-түсiру орындарында жүк тиеп-түсiретiн вагондардың бар-жоғы, өзге жүктiң, контейнерлердiң және қойма алаңдарында автокөлiк құралдарының бар-жоғы туралы;

3) вагондарды кiргiзуге, палубалық жүктi, дөңгелек техниканы тиеуге жасалған жүк жоспарларының бар-жоғы туралы;

4) ресiмделген жүк құжаттары туралы тәулiктiк ақпарат негiзiнде қалыптастырылады.

7. Порт арқылы жүктің нақты көлемін тиеу мүмкіндігін жүк жөнелтуші темір жолмен, темір жол портымен, ал порт кеме иесімен (агентпен) келіседі.

8. Жүктердi темiр жол құрамынан қабылдау және түсiру «Теміржол көлігі туралы» 2001 жылғы 8 желтоқсандағы Қазақстан Республикасы Заңының 14-бабы 2-тармағының 34-15) тармақшасында көзделген Жолаушыларды, багажды, жүктерді, жүк-багажды және почта жөнелтілімдерін тасымалдау қағидаларына сәйкес және Халықаралық жүк қатынасы туралы келiсiммен көзделген тасымал құжаттарының толық топтамасы болған жағдайда жүзеге асырылады.

9. Тасымалдаушы вагондарды алдағы жүк түсiруге беруден 2 сағаттан кешiктiрмей портқа хабарлайды.

10. Жүк вагоннан порттың қойма аумағына түсiрiлгеннен кейiн порт қызметкерi жүктiң саны бойынша есебiн жүргiзедi, ХТЖҚК жүкқұжатына енгiзiлген мәлiметтермен салыстырып тексередi, жүктiң, орауыштың, ыдыстың зақымданғанын немесе бүлiнгенiн тексерудi жүргiзедi.

Одан әрi тасымалдауда немесе алушыға бергенге немесе бағыты бойынша жөнелтiлгенге дейiн жүктiң сақталуын қамтамасыз етпейтiн жүктiң бұзылғаны, орауыштың, ыдыстың ақаулықтары анықталған жағдайда тасымалдаушы жүк алушы (экспедитор) мен порт арасында жалпы нысандағы акт жасалады.

11. Порт қызметкерi жүк вагоннан түсiрiлгеннен кейiн жүкке таңба басады (вагонның соңғы төрт саны, лоты, қосымшасы, порт экспедиторы, күнi).

12. Портта вагондардың нақты тұрған уақыты нөмiрлiк әдiспен есепке алынады және вагондарды тиеу/түсiру жерiне нақты берген сәттен бастап тасымалдаушыға вагондарды жинастыруға дайын екенi туралы хабарлама берген сәтке дейiн есептеледi.

13. Жүктi (контейнердi) автокөлiкпен кiргiзу жүк жөнелтушiнiң (экспедитордың) хаты және Қазақстан Республикасы Инвестициялар және даму министрінің 2015 жылғы 30 сәуірдегі № 546 бұйрығымен бекітілген Автомобильмен жүк тасымалдау қағидаларына (Нормативтік құқықтық актілерді мемлекеттік тіркеу реестрінде № 12463 тіркелген) сәйкес тауарлық-көлiктiк жүкқұжаты болуының негiзiнде жүзеге асырылады.

Тауарлық-көлiктiк жүкқұжатына сәйкес бос контейнерлердi порт қызметкерi сыртқы түрi және нөмiрi бойынша, жүк тиелген контейнерлердi жүк жөнелтушiнiң жарамды пломбасы және нөмiрi бойынша, өзге жүктi жөнелтушiнiң салмаққа саны бойынша қабылдайды.

14. Бақылау органдары Қазақстан Республикасының Мемлекеттiк шекарасы арқылы кеменiң өткенiн ресiмдегеннен кейiн кемеден жүк қабылдау жүзеге асырылады.

Порт қызметкерi кемеден жүктi қабылдағанға дейiн жүктiң сыртқы көрiнiсiн тексерiп қарауды жүргiзедi, кеме иесi (агент) алдын ала ұсынған жүктi түсiруге тапсырма бойынша орын санына сәйкестiгiн тексередi.

15. Кемеден жүк қабылдау жүк орнын (стандарттық көтерудi) есептеумен жүзеге асырылады, жүктiң әр 10-көтерiлiмiнен кейiн порт қызметкерi мен кеме капитанының аға көмекшiсi жүктiң қабылдап/тапсырған фактiсiн тальмандық және штурмандық қолхаттарға өз мөрлерi мен қол таңбаларын қойып бекiту жолымен тiркейдi. Тальмандық қолхаттың бiр данасы кеме капитанының аға көмекшiсiне, штурмандық қолхаттыкi – порт қызметкерiне берiледi.

Автокөлiк құралдарын трюмде және палубада қабылдау кезiнде кеме капитанының аға көмекшiсi автокөлiк құралдарының кiлттерiн порт қызметкерiне бередi.

16. Жүктiң немесе ораудың жетпеуi, бұзылуы анықталған жағдайда жалпы нысандағы акт жасалады. Жалпы нысандағы актiге порт қызметкерi, кеме капитаны, агент қол қояды және порт, кеме капитаны және агент мөрлерiмен куәландырылады.

17. Жүктi ашық және жабық алаңдарда сақтау порт, жүк иесi (экспедитор) арасындағы шарт негiзiнде жүзеге асырылады.

Жүктi ашық және жабық алаңдарда бөлiп орналастыру жүктердi қоймаға жинауға арналған алаңдардың сызбасына және жүк тиеудiң жұмыс технологиялық карталарына сәйкес жүргiзiледi.

18. Жүк алушы жүктi алу (тапсыру) үшiн жүктi әкетуге/әкелуге еркін түрде жазылатын өтiнiмдi ресiмдейдi, оған порт әкiмшiлiгi қол қояды және бақылау органдарымен келiсiледi.

19. Жүк жөнелтушi автокөлiк құралын темiр жол көлiгiмен жөнелткен кезде порттың кiрме жолдарында автокөлiк құралдарын тиеуге рұқсат алу үшiн порт әкiмшiлiгiне жазбаша өтiнiш бередi.

Өтiнiште автокөлiк құралының маркасы, шассиi, коносамент нөмiрi және автокөлiк тиелетiн вагон нөмiрi көрсетiледi.

Тасымалдаушы порт қызметкерiне жүк тиеуге келген бос вагонның анықтама парағын ұсынады. Жүк жөнелтушi өз қаражатымен тиеудi жүргiзедi.

20. Порт қызметкерi вагондарды паромға тиеудi дайындау үшiн тасымалдаушының деректерi (вагондар нөмiрi, жүк атауы, ыдыс салмағы, нетто, брутто) негiзiнде жүк жоспарын қалыптастырады, ал паром портқа келуден 12 сағат бұрын вагондарды алдағы тиеуге iрiктеу үшiн тасымалдаушыға тапсырылады.

21. Тасымалдаушы, порт, бақылау органдарының қатысуымен техникалық және коммерциялық тексеру үшiн паром портқа келуден 6 сағат бұрын вагондар паром жолдарына берiледi.

Ақаулықтар болған жағдайда барлық тексеруге қатысушылар қол қоятын жалпы нысандағы акт жасалады.

22. Паромға дөңгелек техниканы кiргiзу және палубалық жүктi тиеу жүк жөнелтушiнiң мына ақпарат: өтiнiм берген күнi, дөңгелек техниканың нөмiрi мен ауқымы, жүктiң сипаты мен салмағы, алып жүрушi адамдар саны мен олардың байланыс телефондары көрсетiле отырып, порт әкiмшiлiгiне берген өтiнiмi негiзiнде жүзеге асырылады.

Бұл ретте палубалық жүктi паромға тиеу үшiн кеме иесiнен жүк жөнелтушi, жүктiң түрi, орын саны, тоннажы көрсетiлетiн тиеудi растаудың болуы қажет.

Берiлген өтiнiм мен кеме иесiнiң растауы негiзiнде порт қызметкерi тиеуге тапсырманы дайындайды. Палубалық жүктi тасымалдау кеме капитанының келiсiмi болған жағдайда ғана жүзеге асырылады.

23. Дөңгелек техниканың немесе палубалық жүктiң тиелгенiн растайтын фактi паром капитанының коносаменттерге және жүк манифесiне қойған мөрi болып табылады, паром капитаны олардың бiр-бiр данасын бақылау органдары мен порт қызметкерiне ұсынады.

24. Бақылау органдары Қазақстан Республикасының Мемлекеттік шекарасы арқылы паромдардың өткенін ресімдегеннен кейін паромдардан вагондарды порт аумағына шығару жүзеге асырылады.

Вагондар паромнан шығарылып, порттың кірме жолдарына берілгеннен кейін (бос вагондар мен қауіпті жүктері бар вагондардан басқа) вагондарға коммерциялық тексеріп қарау жүргізіледі.

Жүк алушы (порт экспедиторы) жүк құжаттарын, оның ішінде бақылау органдарында ресімдеуді «Жолаушыларды, багажды, жүктерді, жүк-багажды және почта жөнелтілімдерін тасымалдау қағидаларын бекіту туралы» Қазақстан Республикасы Инвестициялар және даму министрінің 2015 жылғы 30 сәуірдегі № 545 бұйрығына (Нормативтік құқықтық актілерді мемлекеттік тіркеу тізілімінде № 13714 болып тіркелген) сәйкес белгіленген тәртіппен және мерзімдерде жүргізеді.

Порт аумағынан вагондарды шығару тасымалдаушының тепловоздарымен жүргізіледі.

25. Паромнан дөңгелек техниканы шығаруды және палубалық жүктi түсiрудi ұйымдастыру үшiн порт қызметкерi жүк декларациясын, бас декларацияны, келген жолаушылардың тiзiмiн және басқа құжаттарды ресiмдейдi, олар паром капитанымен келiсiледi.

Порт әкiмшiлiгi айқындаған порт аумағындағы тексерiп қарау алаңына дөңгелек техниканы шығару және палубалық жүктi түсiру жүзеге асырылады.

25-1. Қауіпті жүктер теңіз портында тиеу немесе түсіру үшін Қазақстан Республикасының Инвестициялар және даму министрінің 2015 жылғы 30 сәуірдегі № 542 бұйрығымен бекітілген Қазақстан Республикасының теңіз көлігімен жүктерді тасымалдау қағидаларының (Нормативтік құқықтық актілерді мемлекеттік тіркеу тізілімінде № 11930 болып тіркелген) (бұдан әрі – Жүктерді тасымалдау қағидалар) 3-тарау талаптарына сәйкес тиісті түрде жіктелген, буып-түйілген, таңбаланған, қауіп белгісімен жабдықталған және көлік құжаттарында сипатталған жағдайда қабылданады.

25-2. Қауіпті жүкті теңіз портының аумағына кіргізу порт әкімшілігінің (теңіз терминалы операторының) жазбаша растауын алғаннан кейін рұқсат етіледі, онда жүкті жеткізудің тәртібі, мерзімдері және орны көрсетіледі. Жазбаша растауды порт әкімшілігі (теңіз терминалының операторы) кеме иесінің (агентінің) өтінімі келіп түскен күннен бастап бір күнтізбелік күн ішінде береді.

25-3. Порт әкімшілігі (теңіз терминалының операторы) жүк қасиеттеріне, олардың қаптамасына және порттың жергілікті жағдайларына байланысты қауіпті жүктерді сақтау және тиеудің немесе түсірудің қауіпсіз жағдайларын қамтамасыз етуге бағытталған жұмыс технологиялық карталары мен нұсқаулықтарын әзірлейді.

Әзірленген құжаттамада мынадай ақпарат көрсетіледі:

қауіпті жүктердің номенклатурасы (атауы, кластары немесе кіші кластары бойынша);

порттың қойма алаңдарында сақтауға рұқсат етілген қауіпті жүктердің саны;

портта көліктің бір түрінен екіншісіне тікелей тиелетін қауіпті жүктердің номенклатурасы (атауы, кластары немесе кіші кластары бойынша);

апаттық жағдайларда кеме мен порт әкімшілігі (теңіз терминалының операторы) арасындағы байланыс пен өзара іс-қимыл тәртібі;

жөнелтушінің Жүктерді тасымалдау қағидаларының 3-тарауы ның талаптарын орындамауы салдарынан тасымалдауға (тиеуге) қабылданбаған жүктерді порт аумағынан әкету тәртібі;

ыдысты немесе көлік құралдарын жөндеу және жүкті қайта өлшеуге арналған тәртібі мен арнайы орындар;

апаттық жағдайларды жоюдан кейін қауіпті жүктердің қалдықтарын сақтау арнайы орындары және кәдеге жарату немесе көму үшін әкету тәртібі.

25-4. Қауіпті жүктермен жүк операцияларын жүргізу үшін айлақ аумағында тұрақты қоршау орнатылады.

Қауіпті жүктерді тиеу немесе түсіру бір ауысымнан аз уақытты алса, уақытша қоршаудың орнына қауіпсіздік белгісі бар бағандар қоюға рұқсат етіледі.

Қауіпсіздік белгілері жүк операцияларын жүргізу орындарына апаратын жолдарға да орнатылады.

25-5. Қауіпті жүктермен операциялар бойынша оқытудан өтпеген порт қызметкерлеріне қауіпті жүктерді тиеуге, түсіруге және сақтауға қатысуға тыйым салынады.

26. Кемеге жолаушыларды отырғызу және кемеден жолаушыларды түсiру порттың теңiз вокзалы арқылы жүзеге асырылады.

Кететiн жолаушыларды ресiмдеу, соның iшiнде шекаралық және кедендiк бақылаудан өту жолаушылар кемесi портқа келерден 3 сағат бұрын жүзеге асырылады.

Қол жүгi бар келген жолаушыларды шекара жасағы порттың қызметтiк автобусымен теңiз вокзалындағы шекара және кеден бақылау аумағына алып жүредi, жолаушылардың жолжүгi порттың теңiз вокзалына арнаулы көлiгiмен жеткiзiледi.

Тарау 3. Порт құрылыстары мен теңiз порты акваториясын пайдалану тәртiбi

1-параграф. Жалпы ережелер

27. Порт құрылыстары мен теңіз порты акваториясын пайдалану оларды тиiмдi пайдаланған және қауiпсiздiк талаптарын орындаған кездерде қызмет ету мерзiмi iшiнде олардың пайдаланымдық сипаттамаларының сақталуын қамтамасыз етуi тиiс. Порт құрылыстары мен акваториясының пайдаланымдық сипаттамаларын ұстап тұру және қауiпсiздiк талаптарын орындау үшiн оларға техникалық қызмет көрсету, олардың техникалық жай-күйiн бақылау және оларды жөндеу жөнiнде ұйымдастырушылық және инженерлiк-техникалық iс-шаралар кешенi көзделуi тиiс.

28. Порт құрылыстарын пайдалану:

1) порт құрылыстарының паспорттарын әзiрлеумен және жүргiзумен;

2) құрылыстарды пайдалану режимiн белгiлеумен және оны сақтаумен;

3) порт құрылыстары мен акваториясын техникалық тексерiп қарау мен (тексерудi) жүргiзумен;

4) қажеттi көлемдегi жөндеу-қалпына келтiру жұмыстарын уақтылы жүргiзумен;

5) аса маңызды құрылыстарды қайта жаңартуды және жөндеудi жаңа құрылыспен байланыстыра және үйлестiре отырып, перспективалы жоспарлаумен;

6) құрылыстарды ағымдағы және күрделi жөндеумен;

7) құрылыстар мен акваториялардың қауiпсiз пайдаланылуын қамтамасыз ететiн нұсқаулықтар мен басқа да құжаттарды әзiрлеумен және оларды орындаумен;

8) порт құрылыстарына қызмет көрсететiн бiлiктi персоналдың болуымен;

29. Порт құрылыстарын пайдалануды осы құрылыстарды жалға алушы немесе оның иесi жүзеге асырады.

30. Теңiз порты үшiн тұтастай және порттың әрбiр құрылысы үшiн бөлек-бөлек паспорттар жасалуы тиiс.

31. Теңiз портының және порт құрылыстарының паспорттарын жобалау ұйымы әзірлейді.

Қолданыстағы құрылыстарға арналған паспорттар болмаған жағдайда, оларды теңiз порттары мен порт құрылыстарын жобалау жөнiндегi, қызметтiң осындай түрiмен айналысуға лицензиясы бар мамандандырылған ұйымның көмегiмен қалпына келтiру керек.

32. Құрылыстар кезек-кезек салынған жағдайда, порт құрылыстарының паспорттары құрылыстың әрбiр кезегi үшiн бөлек, осы кезектiң объектiсi пайдалануға енгiзiлгеннен кейiн жасалады.

33. Порт құрылыстарының паспорттарын жүргiзудi порт құрылыстары және күрделi құрылыс қызметi (бұдан әрi – ПҚжКҚҚ) жүзеге асырады, теңiз портының паспортын жүргiзу теңiз порты басшысының бұйрығы бойынша теңiз порты қызметiне немесе бөлiмiне жүктеледi.

Порт құрылыстарының паспортын жасау және жүргiзу осы Қағиданың 1-қосымшасы на сәйкес үлгiлiк нысандар бойынша жүзеге асырылады.

Теңiз портының паспортын жасау және жүргiзу осы Қағиданың 2-қосымшасы на сәйкес үлгiлiк нысан бойынша жүзеге асырылады.

Порт құрылыстары паспорттарына порт құрылыстарын техникалық тексеру мен зерттеулердiң деректерi мен оларды қалыпты пайдалану мүмкiндiгi туралы қорытындылар енгiзiледi.

Порт құрылыстары паспорттарының даналары ПҚжКҚҚ-да, порт құрылысын пайдаланатын ұйымда және жобалау ұйымында сақталады.

34. Порт құрылыстарын қауiпсiз пайдалануды қамтамасыз ету үшiн пайдаланушы ұйым мыналарды:

1) теңiз порты аумағының, онда орналасқан порт құрылыстарының, акваториясының, сондай-ақ олардың ауданындағы атмосфераның ластануын болдырмау жөнiндегi нұсқаулықты;

2) Порт құрылыстары мен акваториясын техникалық тексерулердiң және зерттеулердiң бағдарламасын әзiрлейдi және бекiтедi.

2-параграф. Порт құрылыстары

35. Порт құрылыстарын пайдалану режимi олардың жобалық сипаттамаларына, iс жүзiндегi техникалық жай-күйiне, пайдалану талаптарына, олардың қызмет ету мерзiмiне және әрбiр порт құрылысының тағайындалуына сәйкес жүзеге асырылады.

36. Порт құрылысының пайдалану режимiн өзгерту жобалау ұйымымен келiсiледi, теңiз порты басшысының өкiмдiк құжатымен ресiмделедi және порт құрылысының паспортында көрсетiледi. Порт құрылысының пайдалану режимi өзгерген жағдайда, теңiз портының басшысы үш жұмыс күнi iшiнде азаматтық қорғау саласындағы уәкiлеттi органының аумақтық бөлiмшенi хабардар етедi.

37. Порт құрылыстарын пайдаланудан шығарған кезде теңiз портының басшысы үш жұмыс күнi iшiнде азаматтық қорғау саласындағы уәкiлеттi органының аумақтық бөлiмшенi бұл туралы хабардар етедi. Порт құрылыстарын пайдаланудан шығару құрылыстың меншiк иесi тағайындайтын Жұмыс комиссиясының қорытындысы бойынша жүргiзiледi және порт құрылысын пайдаланудан шығару қажеттiгi туралы актiмен ресiмделедi. Актiнi теңiз портының басшысы бекiтедi.

38. Порт құрылыстарын пайдалану үдерiсiнде техникалық құжаттама жүргiзiледi. Техникалық құжаттаманың тiзбесi осы Қағиданың 3-қосымшасы нда келтiрiлген.

39. Қайта жаңарту, жаңғырту немесе күрделi жөндеу аяқталғаннан кейiн порт құрылыстарын пайдалануға қабылдау Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» Заңының 75 бабына сәйкес жүргiзiледi.

40. Порт құрылыстарын салу, қайта жаңарту, жаңғырту, күрделi жөндеу және пайдалануға енгiзу жөнiндегi барлық құжаттама ПҚжКҚҚ-да және порт құрылысының меншiк иесiнде сақталады.

41. Порт құрылыстарын пайдалану режимi порт құрылысын пайдаланатын теңiз порты қызметкерлерi мен кемелер экипаждары орындайтын шарттар мен талаптардың жиынтығын бiлдiредi.

42. Порт құрылыстарын пайдаланудың белгiленген режимiне өзгерiстер енгiзу порт құрылыстарын жүйелi түрде бақылаулар нәтижелерiнiң және оларды пайдалану шарттарының өзгергенi туралы деректердiң негiзiнде жүргiзiледi.

43. Порт құрылыстарын пайдалану:

1) кемелердiң жүзуi, арқандап байлануы, тұрақтары мен оларды өңдеу үшiн қауiпсiз жағдайларды;

2) құрылыстардың кемелермен өзара әрекеттесуi кезiнде, жабдықтар мен көлiктiң жұмысы кезiнде, жүктердi қоймалап жинау кезiнде және гидрометеорологиялық факторлардың әсерi кезiнде қауiпсiздiгiн, сақталуын және қызмет ету ұзақтығын арттыруды қамтамасыз етедi.

44. Порт құрылыстарын қалыпты пайдалануға кедергi келтiретiн немесе құрылыстың жекелеген элементтерiнiң қирауына әкеп соғатын табиғи тозуы бар порт құрылыстарын пайдалануға жол берiлмейдi.

45. Барлық айлақтық құрылыстар олардың паспорттарында көрсетiлген, жобалау ұйымы әзiрлеген олар үшiн белгiленген пайдалану жүктемесiнiң нормаларын қатаң түрде сақтай отырып пайдаланылады.

46. Айлақтық құрылыстарға белгiленген нормалардан жоғары жүктемелердi арттыруға рұқсат етiлмейдi. Айлақтарды пайдалануды жүзеге асыратын ұйым басшылары теңiз портының айлақтық құрылыстарына, рұқсат берiлетiн жүктемелер нормаларының сақталуын қамтамасыз етедi.

47. Айлақтық құрылыстарға арналған пайдаланымдық жүктемелердiң нормалары құрылыстың конструктивтiк элементтерiнiң iс жүзiндегi жай-күйiн және оның қызмет ету шарттарының жобалау және салу кезiнде алғаш қабылданған шарттарға сәйкестiгiн ескере отырып, ұдайы қайта қаралады және айлақтық фронттың әрбiр учаскесi үшiн бөлек белгiленедi. Пайдаланымдық жүктемелер нормаларын қайта қарау жобалау ұйымының зерттеулерден кейiнгi ұсынымдары негiзiнде жүргiзiледi.

48. Айлақтарды пайдалану шарттары мен олардың техникалық жай-күйi өзгерген жағдайда, жобалау ұйымы құрылысты салыстырып тексеру есептеулерiн жүргiзедi, олардың нәтижелерi айлақтарды пайдаланудың жаңа режимi тағайындалған кезде ескерiледi.

49. Айлақтық құрылыстарға түсiрiлетiн жүктемелердiң схемалары айлақтардағы, тиеу кешендерiнiң үй-жайларындағы, кордон жанындағы қоймалардағы және айлақтық құрылыстарды пайдаланумен байланысты қызметкерлер бар басқа да қызметтiк үй-жайлардағы көрiнетiн жерде iлiнедi.

50. Рейдтiк айлақтық құрылыстар (арқандап байланатын палдар мен бөшкелер) арқандап байланатын кемелерден оларға белгiленген түсiрiлетiн жүктемелердiң порт құрылыстарының паспортында көрсетiлетiн нормаларын қатаң түрде сақтай отырып пайдаланылады.

Кері итергіш құрылғылардың жоқтығы немесе зақымдалғаны кеме корпусына немесе құрылыстарға нақты зақымдану қауіп-қатерін көрсетсе құрылыстарға кемелердi арқандап байлауға рұқсат етiлмейдi.

Зақымдалған кері итергіш құрылғыларды ауыстыру және жөндеу кемелердің айлақтық құрылысында жоқ кезінде іске асырылуы тиіс.

51. Айлақтарды пайдалану үдерiсiнде портты жобалау кезiнде осы айлақ үшiн есептелген тереңдiк сақталады. Тиiстi түрдегi тереңдiктердiң сақталуын бақылауды Порттың теңiз әкiмшiлiгi жүзеге асырады.

Кемелердiң жақындап келуi мен арқандап байлануы, қауiпсiз тұрағы, орын ауыстыруы, кемелердiң гидротехникалық құрылыстарды зақымдауларының алдын алу шаралары теңiз портының режимiмен белгiленедi.

52. Кордон маңындағы әртүрлi тереңдiктерi мен әртүрлi тiрек қабiлеттерi бар айлақтардың шекаралары сол орында тұтас ақ көлденең сызықпен, ал пайдаланымдық жүктемелердiң схемалары – айлақтағы сызық үстiнде орнатылған көрiнетiн жердегi плакатта белгiленедi.

53. Кемелердiң қауiпсiз арқандап байлануын және айлақтық құрылыстардың сақталуын қамтамасыз ету үшiн мынадай талаптар сақталады:

1) айлақтық құрылыстың арқандап байлау және керi итергiш құрылғыларының жарамды техникалық жай-күйде болуы және өздерiнiң сипаттамалары бойынша айлаққа арқандап байланатын кемелердiң сипаттамаларымен сәйкес болады;

2) кемелердi арқандап байлау кезiнде айлақтардың еркiн ұзындығының iс жүзiндегi қоры арқандап байланатын кеменiң ұзындығына байланысты нормативтiк қордан кем болмайды;

3) кемелердiң айлақтарға жақындап келу жылдамдықтарының қалыпты құрауыштары оларды арқандап байлау кезiнде порт құрылысына арналған жобаның талаптарымен сәйкес болады.

54. Кемелердiң, порт құрылыстарының зақымдануларын және адамдармен болуы мүмкiн қасiреттi жағдайларды болдырмау үшiн айлақты пайдаланатын ұйым кеменi қабылдауға қатысты айлақты алдын ала дайындайды. Айлақты қауiпсiз пайдаланудың қамтамасыз етiлуiн бақылауды Порттың теңiз әкiмшiлiгi жүзеге асырады.

55. Кемелердi арқандап байлау арқандап байлауға арналған арқандармен жүргiзiледi. Арқандап байлауға зәкiр шынжырларын ұсынуға тыйым салынады.

56. Теңiз дауылы туралы ескертулер алынғаннан кейiн кемелердi арқандап байлау дауылдық арқандап байлау құрылғылары арқылы жүргiзiледi, егер олар порт құрылысына арналған жобада көзделген болса.

57. Арнайы арқандап байлау үшiн тағайындалмаған керi итергiш құрылғыларға және құрылыс бөлiктерiне кеменi арқандап байлауға тыйым салынады.

58. Порттық құрылыстарын қысқы кезеңде пайдаланған кезде теңiз порты ауданның климаттық және гидрометеорологиялық сипаттамалары мен гидротехникалық құрылыстардың конструктивтiк ерекшелiктерiн ескере отырып, порт құрылыстарын, акваториялар мен кеме жүзетiн каналдарды қысқы жағдайларда пайдалану жөнiндегi iс-шаралар әзiрлейдi. Қажет болған жағдайда әзiрлемелерге жобалау ұйымдары тартылады.

59. Айлақтық құрылыстар кордон бойынша кері итергіш айлақтық құрылғылар және доңғалақ ұрғыш құрылғылармен жабдықталады.

Еркiн жүрiстi кемелердi (Ро-Ро үлгiдегi) айлақтарда қабылдаған кезде айлаққа аппарелидi түсiруге тек сол үшiн арнайы тағайындалған және тиiстi жазулармен жабдықталған орындарда ғана рұқсат етiледi. Аппарелидi орнатуға арналған учаске алынбалы-салынбалы доңғалақ ұрғыш бiлеумен жабдықталады. Аппарели төсеу аймағының өлшемдерi айлақта айқын сызықтармен бояумен немесе басқа тәсiлмен белгiленедi.

60. Әрбiр арқандап байлау тумбасының бас кеңiстiгiнде жағалау жақтан оқылатын цифрлық белгiлеулер енгiзiледi:

1) жоғарыдан – айлақтың жағалау сызығынан бастап есептелетiн тумбаның реттiк нөмiрi (толассыз нөмiрлеу);

2) төменде, көлденең сызықтың астында – ең жақын арқандап байлау тумбаларына дейiнгi метрмен алғандағы қашықтық – сол жақтан және оң жақтан бiр-бiрiнен тiк сызықтармен бөлiнген.

61. Қадалық үлгiдегi порт айлағында арқандап байлау, тұраққа тұрған және тиеу-түсiру жұмыстарын жүргiзу кезiнде кеменiң сыртқы қабырғаға (жаққа) қисаюына жол берiлмейдi. Гравитациялық үлгiдегi айлақта кеменiң сыртқы қабырғаға (жаққа) 50 артық емес шамаға қисаюына жол берiледi.

62. Айлаққа жақындап келгенде және одан керi кеткенде кемелер машинамен жұмыс iстейдi, бұл ретте кеменiң алдыңғы бөлiгi гидротехникалық құрылыстардан кемiнде 10 метр қашықтықта болады.

63. Порт айлағынан жөнелетiн iрi тоннажды кемелерге өз машиналарымен айлаққа жақын маңда маневрлеуге тыйым салынады. Олар тiркеп сүйретулердiң көмегiмен акватория ауданына қарай жылжиды, мұнда маневрлеу басқа кемелердiң, гидротехникалық құрылыстардың зақымдану және құрылыс түбiн шаю қаупiн тудырмайды.

64. Есу бұрандасының жұмысымен байланысты кемелердiң арқандап байлау сынақтарын осы мақсатқа тағайындалмаған гидротехникалық құрылыстарда жүргiзуге тыйым салынады.

65. Кемелер тiкелей айлақта тұрақта тұрған кезде машиналарды жылыту үшiн есу бұрандасын барынша аз айналу жиiлiгiмен айналдыруға жол берiледi.

66. Кемелер айлаққа жақын келгенде және айлақтан кеткен кезде тіркеп сүйреуіштерді пайдалану кеменің тіркелімдік сыйымдылығына және порттың жергілікті (географиялық, гидрологиялық және басқа) ерекшеліктерімен байланысты теңіз портының режимімен регламенттеледі.

Тіркелген порт акваториясында жүзу кезіндегі сүйрегіш қызметін қолдану Қазақстан Республикасының Халықаралық кеме тіркелімінде тіркелген және халықаралық тасымалдауды жүзеге асыратын кемелер үшін (бортында қауіпті жүктер бар кемелерден басқа), оларда маневр операцияларын өздігінен жасауға мүмкіндік беретін рульдеу құралының бар болған жағдайында және осы порттың акваториясында кеме капитанның жүзу тәжірибесі 12 айдан кем емес болса және капитанның сұратуы бойынша осы порттың әкімшілігімен (теңіз терминалының операторы) келісімі бойынша жүзеге асырылады.

67. Айлақта тұрған кемелер айлақты артық су балластын айдап шығарған кезде және палубаны жинастырғанда оған су шашырамауы үшiн, борт саңылаулары арқылы шығарылатын будың әсерiнен қорғау үшiн айлақты қоршайды.

68. Айлақ аумағында кеме жабдығын және басқа да ауыр салмақты жүктердi түсiруге тиеу-түсiру кешенi басшысының немесе айлақты пайдаланатын бөлiмше басшысының рұқсатымен ғана жол берiледi.

69. Айлақ құрылыстарының кордонында кемелердi арқандап байлаудың қажеттi жағдайларын және басқа операциялардың орындалуын қамтамасыз ету үшiн кордон сызығынан енi кемiнде 2 метр жолақ шегiнде жүктердi текшелеп қоймалауға тыйым салынады.

70. Құбырлар мен айлақ бетiнен жоғары шығып тұрған басқа да коммуникация арқылы адамдардың қауiпсiз жүрiп өтуi үшiн өтпе көпiршелер орнатылады.

71. Сұйықтық құйылатын терминалдар мен айлақтарды пайдалану режимi олардың жарамды техникалық жай-күйiн, құйма өнiмдердi қауiпсiз ауыстырып тиеудi, өрт қауiпсiздiгi талаптарының, санитарлық-эпидемиологиялық талаптардың, сондай-ақ еңбек қауiпсiздiгi талаптары мен қауiпсiздiк техникасы талаптарының орындалуын қамтамасыз етедi.

72. Қауіпті құймалы жүктерді (шикі мұнай мен мұнай өнімдері, сұйық химиялық заттар) ауыстырып тиеу қауіпті жүктің түріне, физика-химиялық қасиеттеріне және адамның денсаулығы мен қоршаған ортаға төндіретін қауіптілік дәрежесімен байланысты қауіпті жүктің әрбір класы үшін айлақты пайдаланатын ұйым теңіз портымен келісім бойынша әзірлеген технологияға сәйкес, мамандандырылған айлақтарда жүзеге асырылады.

Қауіпті жүктерді қайта ауыстырып тиеу Теңізде адам өмірін қорғау жөніндегі халықаралық конвенцияда түзетулермен 1974 жылғы талаптары, өрт қауіпсіздігі талаптары, сондай-ақ еңбекті қорғау, қауіпсіздік техникасы және өндірістік санитариялық талаптары сақталған жағдайда мамандандырылмаған айлақтарда жүзеге асырылады.

73. Қоршау құрылыстарының және жағалау нығайтқыш құрылыстардың кескiнi оларды пайдаланудың барлық кезеңi iшiнде жобалық жағдайда ұсталады.

74. Массивтердi, темiрбетон бұйымдарды және басқа да жүктердi қоршаулы және жағалау нығайтқыш құрылыстарда олардың көтергiштiк қабiлеттерiн тексермей және оларға жол берiлетiн жүктемелердi айқындамай қоймалауға тыйым салынады.

75. Қоршаулы және жағалау нығайтқыш құрылыстарға кемелердi арқандап байлауға, осы құрылыстардың конструкциясы кемелердiң жақындап келуiне және тұраққа тұруына жол беретiн, ал құрылыстардың арқандап байлау мен ұрғыш құрылғылары болған жағдайларды қоспағанда, тыйым салынады. Белгiлi бiр өлшемдегi және түрдегi кемелердi қоршаулы және жағалау нығайтқыш құрылыстарға арқандап байлауға рұқсат теңiз портының режимiнде алдын ала ескерiледi.

76. Ашық жүк қоймалары тiкелей жанаса орналасқан жағалау нығайтқыш құрылыстары үшiн кордон жанындағы белдеуде пайдаланымдық жүктеменiң теңiз порттарымен порт құрылыстарын жобалау жөнiндегi, қызметтiң бекiтiлген нормалары белгiленедi.

77. Төсемесi жоқ жағалау нығайтқыш құрылыстардың беткейiн судың шаюынан қорғайды. Жағалау нығайтқыш құрылыстардың беткейiнде пайда болатын және олардың төсемесiнiң қирауына әкелетiн өсiмдiктер мұқият жүйелi түрде жойылады.

78. Жағалау нығайтқыш құрылыстардың беткейiнде қандай да болмасын бiр заттарды текшелеп жинауға тыйым салынады.

79. Iшкi және сыртқы рейдтердiң шекаралары теңіз порты Паспортымен және Мемлекеттік шекара арқылы азаматтарды, көлік құралдарын және және жүктерді өткізу ұйымдастыру схемасымен анықталады және көрсетіледі.

Iшкi және сыртқы рейдтерде шетелдік бағыттағы кемелер үшін айлақтартарда зәкір тұрақ орындары порт капитанымен теңіз портында қызмет атқаратын Мемлекеттік шекараны қорғау және күзету және кедендік бақылау саласындағы құзыретті органдардың бөлімшелерімен келісуі арқылы анықталады және теңіз портының схемасында көрсетіледі.

Рейдтердегi зәкiрлердiң тұрақ орындары теңiз порты әкiмшiлiгi әзiрлейтiн теңiз портының схемалық жоспарында көрсетiледi.

80. Рейдтердегi кемелердi қою порт капитанының нұсқауы бойынша жүргiзiледi.

81. Гидротехникалық құрылыстарға, суасты кабельдерiн және құбырларды жағалауға шығару орындарында, тыйым салатын белгiлер орнатылады.

82. Порт құрылыстарына техникалық қызмет көрсету мыналарды:

1) белгiленген пайдалану режимiне және құрылыстардың техникалық жай-күйiне бақылау жасауды қамтамасыз ететiн бақылауларды;

2) арқандап байлау және ұрғыш құрылғылардың, құрғатқыш жүйелердiң жарамды жай-күйiн қамтамасыз ету жөнiндегi жұмыстарды;

3) жағалау нығайтқыш құрылыстардың беткейлерiн ластанудан тазалауды, құрылыстың су үстi бөлiктерiнiң ұсақ зақымданулары мен ақауларын жоюды;

4) құрылыстардың маңайындағы мұзды ойып шығаруды қамтиды.

83. Түбiн тазалау жөнiндегi жұмыстарды және айлақтарға техникалық қызмет көрсетумен байланысты басқа да суасты жұмыстарын сүңгуiр жұмыс саласындағы мамандандырылған ұйымдар жүргiзедi.

84. Гидротехникалық құрылыстардың су асты бөлiктерiн зерттеудi теңiз портының тапсырмасы бойынша жобалау ұйымының мамандандырылған бөлiмшесi жүргiзедi.

85. Жағалау нығайтқыш құрылыстар беткейлерiнiң деформациясы туындаған кезде беткейлердiң кескiнiн қалпына келтiру және оларды бекiту жөнiнде шұғыл шаралар қабылданады.

86. Порт құрылыстарына техникалық қызмет көрсету порт құрылыстарына тұрақты техникалық қарап тексерулердi, кезеңдiк техникалық қарап тексерулердi, кезектi және кезектен тыс тексерiстер жүргiзудi және оларды пайдаланудың белгiленген режимiн бақылауды көздейдi.

87. Порт құрылыстары мен акваториясының техникалық жай-күйi мен оларды пайдалану режимi оларды пайдаланудың барлық кезеңi iшiнде порт құрылыстарын техникалық қарап тексерулер мен тексерiстердi жүзеге асыру жолымен айқындалады. Техникалық қарап тексерулер мен тексерiстер:

1) тұрақты техникалық қарап тексерудi;

2) кезеңдiк техникалық қарап тексерудi;

3) кезектi және кезектен тыс тексерiстердi қамтиды.

88. Тұрақты техникалық қарап тексерулердi порт құрылысын пайдаланатын ұйым жүргiзедi.

89. Тұрақты техникалық қарап тексерудiң нәтижелерi Порт құрылыстарының жай-күйiн және оларды пайдалану режимiн техникалық қарап тексеру журналына түсiрiледi, онда қарап тексеру күнi, құрылыс конструкциясының жаңадан анықталған ақаулары көрсетiлген тексеру нәтижелерi, құрылысқа жол берiлген жүктеменiң сәйкестiгi немесе асып кетуi және оларды жою жөнiнде қабылданған шаралар туралы жазылады.

Теңiз портының басшысы тағайындаған адам техникалық қарап тексеру журналын ай сайын қарап отырады және порт құрылыстарына техникалық қызмет көрсету мен оларды ағымдағы жөндеу сапасына жалпы баға бередi.

90. Кезеңдiк техникалық қарап тексерулердi порт құрылысын пайдаланатын ұйым басшысының бұйрығымен осы ұйымның қызметкерлерi iшiнен тағайындалатын комиссия жүргiзедi.

Кезеңдiк техникалық қарап тексерулер порт құрылысының жай-күйi туралы толық мағлұмдама бередi және жөндеулердi жоспарлау үшiн қажеттi деректер мен пайдалану жөнiндегi басқа да iс-шараларды қамтиды.

91. Порт құрылыстарын кезеңдiк техникалық қарап тексерулер жылына кемiнде бiр рет жүргiзiледi. Кезеңдiк техникалық қарап тексерулердiң нәтижелерi тексерулер актiсi түрiнде ресiмделедi.

Порт құрылыстарына кезеңдiк техникалық қарап тексерулер жүргiзу жөнiндегi материалдарды ПҚжКҚҚ қызметкерлерi жинақтайды.

92. Кезектен тыс тексерiстер оларды қалыпты пайдалану шарттары бұзылған жағдайда немесе олардың авариялық жағдайында жүргiзiледi. Кезектен тыс тексерiстердi теңiз порты басшысының бұйрығымен тағайындалатын комиссия жүргiзедi. Комиссияның жұмысына жобалау ұйымының өкiлдерi тартылады. Кезектен тыс тексерiстiң нәтижелерi актiмен ресiмделедi.

Комиссия құрамына теңiз порты, жобалау ұйымы және порт құрылысын пайдаланушы ұйымының қызметкерлерi кiредi.

93. Теңiз порты аумағындағы порт құрылыстарының техникалық жай-күйiне аспаптық бақылау жүргiзу үшiн (жоспарлық және биiктiк жағдайымен) геодезиялық желiнiң тiректiк белгiлерi (реперлер) орнатылады, ал порттық гидротехникалық құрылыстардың өздерiнде бақылау геодезиялық желiсiнiң белгiлерi (бақылау маркалары) орнатылады.

94. Пайдаланушы ұйым геодезиялық желiнiң тiректiк және бақылау белгiлерiнiң орнатылуын және олардың сақталуын қамтамасыз етедi.

95. Тереңдiктiң iс жүзiндегi нөлдiк деңгейiн тұрақты анықтауға арналған деректердi жақын маңда орналасқан Мемлекеттiк гидрометеорологиялық қызмет жүйесi қосынынан алуға болады.

96. Порт құрылысын пайдаланатын ұйым басшысының гидротехникалық құрылыстардың тұрақты техникалық қарап тексерулердiң мерзiмдiлiгi порт құрылыстарының техникалық жай-күйiне және оларды пайдалану жағдайларына байланысты, бiрақ айына кемiнде бiр рет белгiленедi.

Порт құрылыстарына тұрақты техникалық қарап тексерулердi жүргiзу кезiнде айлақтардағы жүктердi қоймалаудан түсетiн пайдаланымдық жүктеме жобалау ұйымы белгiлеген нормаларының сақталуына ерекше назар аударылады.

97. Пайдаланымдық жүктеменiң белгiленген нормадан тыс асып кетуiн, порт гидротехникалық құрылыстарының, олардың бөлiктерi мен элементтерiнiң зақымдануларын екi жақты актiлермен ресiмделедi, оларға ПҚжКҚҚ өкiлдерi мен осы құрылысты пайдалануды жүзеге асыратын ұйымның өкiлдерi қол қояды.

98. Тұрақты техникалық қарап тексерулердiң нәтижелерi мен айлақтарда жүктердi қоймалаудан түсiрiлетiн пайдаланымдық жүктеме нормаларының сақталуын тексеру деректерi Порт құрылыстарының жай-күйiн және пайдалану режимiн техникалық қарап тексеру журналына енгiзiледi. Осы журналды жүргiзу тәртiбi осы Қағиданың 4-қосымшасы нда айқындалған.

99. Порт құрылыстарын кезеңдiк техникалық қарап тексерулердi құрылысты пайдаланушы ұйым басшысының бұйрығымен тағайындалатын комиссия жылына кемiнде бiр рет жүргiзедi.

100. Теңiз портының басшысы өлшеу құралдарын пайдалана отырып, кезеңдiк техникалық қарап тексеру жүргiзiлуге жататын порт құрылыстарының тiзбесiн бекiтедi.

101. Порт құрылыстарын кезектi тексерiстер құрылыстардың жай-күйiне және оларды пайдалану жағдайларына байланысты жүргiзiледi.

102. Кезектi тексерiстер бағдарламасын ПҚжКҚҚ қызметi жобалау ұйымын тарта отырып жасайды.

103. Кезектi тексерiстер кезiнде айлақтардың iс жүзiндегi көтергiштiк қабiлетiн анықтау үшiн қызмет ететiн, айлақтардың тәжiрибелiк жүктемесiн жобалау ұйымы шарт бойынша немесе жобалау ұйымымен келiсiлген бағдарлама бойынша теңiз портының өзi жүргiзедi.

104. Порт құрылысын пайдаланатын ұйым порт құрылыстарының техникалық жай-күйiнiң жалпы бағалауын және оларды жөндеу немесе қайта жайластыру жөнiндегi ұсынымдарды қамтитын кезектi тексерiстердiң нәтижелерi порт құрылыстарының паспорттарына енгiзiледi.

105. Айлақтық құрылыстарды кезектен тыс тексерiстер олардың ығысулары, деформациясы немесе зақымданулары, пайдаланымдық жүктеменiң белгiленген нормалардан тыс артып кетуi анықталған жағдайларда, сондай-ақ бес баллдан артық толқулары бар аса күштi дауылдардан кейiн жүргiзiледi.

106. Порт құрылысын пайдаланатын ұйым кезектен тыс тексерiстердiң нәтижелерi бойынша тексерiс (зерттеулер) актiлерi негiзiнде анықталған бұзушылықтарды жою жөнiндегi жөндеу жұмыстарының тiзбесi жасайды, олар жылдық жөндеу жұмыстарының жоспарына енгiзiледi.

107. Порт құрылыстарын және рейдтiк айлақтардың жабдығын жөндеу (ағымдағы, күрделi) тұрақты, кезеңдiк қарап тексерулердiң және кезектi және кезектен тыс тексерiстердiң нәтижелерi бойынша жоспарланады.

3-параграф. Теңiз портының акваториялары

108. Теңiз порттар мен кеме қатынасы каналдарының акваториясын техникалық пайдалану оларды неғұрлым тиiмдi пайдалану және қауiпсiздiк талаптарын сақтау кезiнде олардың пайдаланымдық сипаттамаларын қызметтiң есептiк мерзiмi iшiнде сақталуын, сондай-ақ авариясыз жүзу мен кеменiң теңiз портындағы тұрағын қамтамасыз етедi.

109. Теңiз портының акваториясын пайдалану режимiн пайдалану порт әкімшілігімен теңіз порты режимін, өткізу пункті режимін және портың паспорттық сипаттамаларын және техникалық жай-күйiн ескере отырып бекітіледі.

Теңіз порты әкімшілігі теңіз портында қызмет атқаратын бақылау органдарымен келісу арқылы келесі анықталады:

Мемлекеттік шекара арқылы өткізу пункті болатын теңіз порты жұмыс режимін, соның ішінде теңіз портының режимдік аумағына кіру тәртібін және азаматтарды, көлік құралдарын және жүктерді Мемлекеттік шекара өткізу пунктісі арқылы өткізу, шетелдік бағыттағы кемелердің тұрақ орындарын олардың айлақ номерлерін, портың ішкі және сыртқы рейдахтарындағы зәкір тұрақтарын көрсетіп;

порт қызметінің бақылау органдармен қызметтік қарым қатынас тәртібі, соның ішінде шетелдік бағыттағы теңіз кемелерін рәсімдеу үшін бірлескен комиссия шақырту, шетелдік бағыттағы кеменің бортына комиссия мүшелерін рәсімдеуге жеткізу және кері қайтару тәртібін;

Шетелдік кеме капитандарының кемедегі санитарлы-эпидемиологиялық жағдайды, лоцмандық алып өту қажеттігі туралы порт әкімшілігін хабарландыру тәртібін.

110. Теңiз портының акваториясы жобада жобалау ұйымы белгiлеген ауқымдарда ұсталады.

111. Акваторияны немесе кеме қатынасы каналын пайдалану жағдайларында өзгерiстер (тереңдiктердiң, құрылыс конструкциялары элементтерiнiң техникалық жай-күйiнiң және топырақ қабатының, олардың негiздерiнiң өзгеруi) туындаған кезде пайдалану режимi өзгертiледi.

Пайдалану режимiнiң өзгертiлуi құрылыс паспортында көрсетiледi. Теңiзде жүзудiң навигациялық қауiпсiздiгiне әсер ететiн пайдалану режимiнiң өзгеруi туралы теңiз портының капитаны тиiстi өкiм береді, ол Теңiзде жүзушiлерге хабарлама арқылы теңiзде жүзушiлердiң назарына жеткiзiледi.

112. Кемелердiң теңiз портына жақындап келу жолдарында және порттық суларда жүзуi кезiнде шөгуi теңiз портында белгiленген өтулiк шөгуден аспауы тиiс. Кемелердiң рұқсат етiлген өтулiк шөгуi теңiз портының фарвартерлерi мен акваториясындағы ең аз тереңдiктер туралы деректер негiзiнде жүзудiң гидрометеорологиялық шарттарын ескере отырып белгiленедi және теңiз портының капитаны шығаратын өкiммен хабарланады.

113. Теңiз порттарының акватория мен кеме қатынасы каналдары навигациялық жабдық құралдарымен (бұдан әрi - НЖҚ) жарақталады.

НЖҚ-ны пайдалану режимi НЖҚ-ға техникалық қызмет көрсетудi жүзеге асыратын ұйым әзiрлеген және Порт капитанымен келiсiлген нұсқаулықтарға сәйкес жүзеге асырылады.

114. Теңiз порты акваториясының кеме қатынасы учаскелерiнде тереңдiк өзгерген кезде навигациялық жабдықтың белгiлерiн қою бұл туралы теңiзде жүзушiлердi Теңiзде жүзушiлерге хабарлама арқылы хабардар ете отырып өзгертiледi.

115. Навигациялық жабдықтың белгiлерi зақымдалған және олардың жарамсыздығы, кеме қатынасы үшiн қауiп төндiретiн батқан заттардың табылған кезiнде теңiз әкiмшiлiгi кемелер қозғалысының қауiпсiздiгiн қамтамасыз ету бойынша шұғыл шаралар қабылдайды.

116. Белгiленген пайдалану режимiнiң сақталуын және акватория мен кәсiпорының кеме қатынасы каналдарының кепiлдi ауқымдарын қамтамасыз етiлуiн бақылау олардың тереңдiктерiнiң жай-күйiн тұрақты бақылау жолымен жүзеге асырылады. Өлшеу жұмыстарының кезеңдiлiгiн пайдаланушы ұйымның басшысы гидрометеорологиялық факторлардың әсерiне және қызмет көрсетiлетiн акваториялар мен кеме қатынасы каналдарында тасындылардың шөгу қарқындылығына байланысты белгiлейдi.

Акваторияға және кеме қатынасы каналдарына iргелес жатқан аумақта өлшеу және түбiн тереңдету жұмыстарын жүргiзу үшiн тұрақты геодезиялық желi құрылады.

117. Акватория мен кеме қатынасы каналдарына техникалық қызмет көрсету бойынша жұмыстардың тәртiбi мен ұйымдастырылуы:

1) талап етiлетiн навигациялық габариттердiң ұсталуын;

2) жобада белгiленген НЖҚ габариттерiнiң сақталуын және кеме жүрiсiн анықтау кезiнде оларға акваторияда белгiлердi қою схемаларына сәйкес қызмет көрсетiлуiн;

3) қоршаған табиғи ортаның жай-күйiн мемлекеттiк бақылау органдары талаптарының сақталуын қамтамасыз етедi.

118. Теңiз портының акваториясы мен кеме қатынасы каналдарына техникалық қызмет көрсету:

1) тереңдiктердi өлшеудi;

2) акватория мен кеме қатынасы каналдары суларының тазалығын бақылауды;

3) кеме қатынасына бөгет болатын әр тектi заттардан су түбiн тазартуды қамтиды.

Теңiз портының акваториясы мен кеме қатынасы каналдарына техникалық қызмет көрсетудi мамандандырылған ұйым шарт бойынша орындайды.

119. Акваториялар мен кеме қатынасы каналдарын қауiпсiз пайдаланудың қамтамасыз етiлуiн бақылауды порт капитаны жүзеге асырады.

120. Өлшеу және тральдық жұмыстардың кезеңдiлiгiн құрылысты пайдаланушы ұйым қызмет көрсетiлетiн акваториялар мен кеме қатынасы каналдарында тасындылардың шөгу қарқындылығына байланысты белгiлейдi.

121. Акватория мен жақындап келу каналдарына техникалық қызмет көрсетудi жүзеге асыратын ұйым теңiз портында және акваторияда НЖҚ-ның жарамды қолданылуын қамтамасыз етедi.

122. Теңiз портының кеме қатынасы каналдары мен акваториясына жобалау ұйымы әзiрлейтiн паспорттар жасалады. Акватория мен кеме қатынасы каналдарының паспорттары ПҚжКҚҚ-да, Порттың теңiз әкiмшiлiгiнде, жобалау ұйымында және осы объектiлерге техникалық қызмет көрсетудi жүзеге асыратын ұйымда сақталады.

Акваториялар мен кеме қатынасы каналдарының паспорттарын түзетудi жобалау ұйымы жүргiзедi.

123. Акваториялар мен кеме қатынасы шлюздерiн пайдалану мен оларға техникалық қызмет көрсетудi жүзеге асыратын ұйым олардың бетi мен түбiн таза ұсталуын қамтамасыз етедi.

124. Акватория мен кеме қатынасы каналдарының жөндеу түбiн тереңдету жұмыстарының көлемдерiн техникалық қызмет көрсетудi жүзеге асыратын ұйым анықтайды және теңiз портының басшысымен және порт капитанымен келiсiледi.

125. Акваториялар мен кеме қатынасы каналдардың жөндеу түбiн тереңдетуге техникалық тапсырманы техникалық қызмет көрсетудi жүзеге асыратын ұйым жасайды және теңiз портының басшысымен және теңіз порттың капитанымен келiсiледi. Теңiз портының басшысымен және теңіз порттың капитанымен айлақтардағы жұмыстарды орындау мерзiмдерi, порт құрылыстарын жұмыстық тереңдiгi мен көсiп алу шектерi келiсiледi.

Халықаралық маңыздағы мәртебесi

бар теңiз порттарын, порт құрылыстарын

және теңiз порты акваториясын пайдалану қағидаларына

1-қосымша

Нысан

Титул парағы __________________ ПОРТ ҚҰРЫЛЫСЫНЫҢ ПАСПОРТЫ _________ жыл ________ бастап _________ ______ аралығындағы жылдар кезеңi (пайдалануға жаңадан енгiзiлген порт құрылыстары үшiн ғана толтырылады) жасалған жерi

Гидротехникалық және порт құрылыстарының (ғимаратты қоса алғанда) жалпы сипаттамасы

Халықаралық маңыздағы мәртебесiбар

теңiз порттарын, порт құрылыстарын

және теңiз порты акваториясын

пайдалану қағидаларына

2-қосымша

Нысан

Титул парағы

___________________ ТЕҢIЗ ПОРТЫНЫҢ ПАСПОРТЫ _________ жыл ________ бастап _________ ______ аралығындағы жылдар кезеңi (пайдалануға жаңадан енгiзiлген порттар үшiн ғана толтырылады) жасалған жерi Порттың деректемелерi Порттың атауы _______________________________________________________ Жоғары тұрған ұйым __________________________________________________ Облысы ______________________________________________________________ Мекенжайы ___________________________________________________________ Пошталық мекенжайы __________________________________________________ Телефон (қалааралық кодты қоса алғанда)______________________________ Факс (қалааралық кодты қоса алғанда)_________________________________ Электрондық пошта ___________________________________________________ Бiрiншi басшының Т.А.Ә (болған жағдайда).____________________________ Банктiк деректемелер ________________________________________________ Жасалған күнi _______________________________________________________ Порт басшысының қолы ________________________________________________

1-бөлiм

Тарихи анықтама

2-бөлiм

Геологиялық және гидрологиялық деректер

Геологиялық деректер

Гидрологиялық деректер

Толқулар, ағыстар, тасындылар туралы деректер

Гидрологиялық деректер

Ординатадан басталатын теңiз деңгейiнiң тербелiстерi

20 ____ жылғы «____»___________ бастап 20 ______ жылғы «____» _____________ қоса алғандағы кезеңге дейiн

_____________________________________________ деректерi бойынша

3-бөлiм

Порттың топографиясы мен акваториясы

Порттың топографиясы мен акваториясы

4-бөлiм

Метеорологиялық деректер

Метеорологиялық деректер

Ауаның температурасы, жауын-шашындар

20____ жылғы «____»___________бастап 20______жылғы «____»_____________қоса алғандағы кезеңге дейiн

_______________________________________________ деректерi бойынша

Метеорологиялық деректер

Желдер

20 ____ жылғы «____»___________ бастап 20______жылғы «____» _____________ қоса алғандағы кезеңге дейiн

_______________________________________________ деректерi бойынша

5-бөлiм

Гидротехникалық және порт құрылыстары (ғимаратты қоса алғанда)

Гидротехникалық және порт құрылыстарының (ғимаратты қоса алғанда) жалпы сипаттамасы

Айлақтар

Қоршаулық құрылыстар

Жағалау нығайтқыш құрылыстар

Қойма

Жөндеу-механикалық шеберханалар

Темiр жол жүк фронттары

Тазарту құрылыстары

Ғимараттар мен басқа құрылыстар

6-бөлiм

Технологиялық жабдықтың болуы және құрамы, оның техникалық сипаттамалары

Ауыстырып тиеу жабдығы

Жүктердiң массасын өлшеу құралдары

  Бункерлеу базасының жүзбелi сыйымдылықтары

Бункерлеу базасының жағалау құрылыстары

7-бөлiм

Флоттың болуы және сипаттамасы

Порт флотының болуы және сипаттамасы

8-бөлiм

Төтенше жағдайлар зардаптарын жоюға арналған құралдардың болуы мен сипаттамалары

Төтенше жағдайлар зардаптарын жоюға арналған арнайы жабдық

Төтенше жағдайлар зардаптарын жоюға арналған материалдар

Төтенше жағдайлардың зардаптарын жоюға арналған материалдық ресурстардың резервi

Авариялық-құтқару қызметтерi

Санитарлық-медициналық қамтамасыз ету

9-бөлiм

Жүктер түрлерiнiң, айлақтардың бөлiнiсiндегi жобалық және нақты өндiрiстiк қуаттылықтар

Өндiрiстi мамандандыру

Порттың жүк айналымы

Ауыстырып тиеу кешендерi

Ауыстырып тиеу жабдығының түрлерi мен уақыты бойынша пайдалану

Жүк қоймалары қуаттылығының болуы және пайдаланылуы

10-бөлiм

Басқарманың құрылымдық бөлiмшелерi мен ұйымдастыру құрылымдары

Құрылымдық бөлiмшелер

11-бөлiм

Негiзгi техника-экономикалық, пайдаланымдық және қаржылық көрсеткiштер

Тиеу-түсiру жұмыстарын жүргiзу

Түбiн тереңдету жұмыстарының көлемi

Табиғатты қорғау және табиғи ресурстарды ұтымды пайдалану

Негiзгi қорлар

Негiзгi қорларды пайдалану тиiмдiлiгiнiң көрсеткiштерi

Күрделi құрылыс

Табиғатты қорғау жөнiндегi iс-шараларға арналған шығындар

Қаржылық көрсеткiштер

12-бөлiм

Энергетикалық шаруашылық

Энергия және жылумен жабдықтау жүйесi

13-бөлiм

Көлiк шаруашылығы

Көлiк шаруашылығы

14-бөлiм

Сумен жабдықтау және кәрiз объектiлерi

Сумен жабдықтау және кәрiз жүйесi

15-бөлiм

Байланыс және сигнал беру объектiлерiнiң сипаттамасы

Сым байланысының станциялық қондырғылары

Байланыс және сигнал беру кабельдiк желiсi