Облыста егiн орағын ұйымшылдықпен өткiзудiң шаралары туралы

Облыста егiн орағын ұйымшылдықпен өткiзу мақсатында облыс әкiмияты ҚАУЛЫ ЕТЕДI:

1. Облыста егiн орағын ұйымшылдықпен өткiзу жөнiндегi iс-шаралар мен облыстық үйлестiру жұмысшы тобының құрамы № 1, 2 қосымшаларға сәйкес бекiтiлсiн.

2. Егiн орағы кезiнде аудандарға, ауылдық округтерге облыс әкiмiнiң орынбасарлары мен облыстық мекеме басшылары жауапты ұйымдастырушы болып № 3 қосымшаға сәйкес бекiтiлсiн.

3. Аудандар мен Қызылорда қаласының әкiмдерi, облыстық ауыл шаруашылығы басқармасы (Қ.Ахметов) аудандарға, ауылдық округтерге бекiтiлген жауапты ұйымдастырушылар, мүдделi құрылымдармен бiрлесiп:

1) егiн орағын агротехникалық мерзiмдерде өткiзудi, астықтың ысырапқа, талан-таражға түсуiне жол бермеуiн;

2) егiн орағын қосалқы бөлшектермен, жанар-жағар маймен, қырмандарға электр қуатының үзiлiссiз берiлуiн;

3) "Азық-түлiк келiсiм-шарт корпорациясы" жабық акционерлiк қоғамына тұқым үшiн алынған астық несиесiн қайтару есебiнде астық өткiзудi және астықтың мемлекеттiк сатып алуын ұйымдастыруды, көктемгi дала жұмыстарын жүргiзуге алынған бюджеттiк несиенi, сондай-ақ алынған материалды-техникалық ресурстар үшiн бiрiншi кезекте қайтаруға тиiстi басқа-да қарыздарды № 4 қосымшаға сәйкес көлемде 2001 жылдың 15 қазанына дейiн қайтаруды қамтамасыз етсiн.

4. Осы қаулының орындалуына бақылау жасау облыс әкiмiнiң орынбасары Б.Нұртазаевқа жүктелсiн.

Облыс әкімі

С.Нұрғисаев