Өрт қауіпсіздігі жөнінде облыстық айлық өткізу туралы

Облыста өрт қауiпсiздiгi айлықтарын өткiзiп отыру өрт санының азаюына айтарлықтай әсер еттi. Соңғы 5 жылда облыста өрт санының, одан болатын материалдық шығынның тұрақты түрде азаюы байқалады. Осы жылдарда өрт саны 45,6% кемiдi. Облыс тұрғындарының өрт қауiпсiздiгi ережелерiн сақтауға деген жауапкершiлiгi артты, өртте адамдардың қаза болуы кемiдi.

Бiрақ оңды алға басу бола тұрғанына қарамастан өрт саны әлі де жоғары деңгейде қалып отыр. Ауылдық жерлерде шаруашылық құрылыстарын және жем шөп қораларын өртеу қауiпi өсе түсуде. Қыстың түсуiне байланысты пеш жағу, электрмен қыздыру приборларын пайдалану кездерiнде болған өрттер саны көбейе түсуде.

Қазақстан Республикасының «Қазақстан Республикасындағы жергiлiктi мемлекеттiк басқару туралы» 2001 жылғы 23 қаңтардағы № 148-II Заңының 27-бабын және Қазақстан Республикасының «Табиғи және техногендiк сипаттағы төтенше жағдайлар туралы» 1996 жылғы 5 шілдедегі № 19-I Заңының 13-бабын басшылыққа ала отырып, облыстың тұрғын үйлерi мен шаруашылық объектiлерiнде өрт қауiпсiздiгiн күшейту, өрттердi болдырмау мақсатында әкiмият ҚАУЛЫ ЕТЕДI:

1. 2001 жылдың 1-30 қарашасы аралығында өрт қауiпсiздiгiнiң облыстық айлығы өткiзiлсiн.

2. Өрт қауiпсiздiгi айлығын өткiзудiң жоспары бекiтiлсiн (жалғанды).

3. Батыс Қазақстан облыстық мемлекеттiк өртке қарсы қызмет (Маштаков):

а) облыстың тұрғын үйлерi мен шаруашылық объектiлерiнде өрт қауiпi жағдайларының алдын алу жөнiнде шаралар алсын.

Көп қабатты үйлердiң, өрт - жарылу қауіпi бар өндiрiстер мен адамдардың көп болатын объектiлерiнiң өртке қарсы жағдайларына ерекше көңiл бөлсiн;

б) кәсiпорындар басшыларымен бiрлесiп, еңбек ұжымдарында өртке қарсы шараларды ұйымдастыру жөнiнде практикалық сабақтар өткiзсiн;

в) облыстың шаруашылық объектiлерiндегi және тұрғын үй секторларындағы өртке қарсы жағдайларды тексеру жөнiнде рейдтер өткiзсiн, оны бұқаралық ақпарат құралдарында кеңiнен жарияласын.

4. Облыстық бiлiм басқармасы (Қасымбеков), облыстық денсаулық сақтау басқармасы (Мырзахметов) оқу, емдеу мекемелерiнде өрт қауiпсiздiгi жөнiнде семинарлар және өрт туындаған жағдайларда адамдарды көшiру жөнiнде практикалық сабақтар өткiзсiн, оқу және емдеу ғимараттарын өртке қарсы тақырыптағы көрнекi үгiт құралдарымен жабдықтасын.

5. Облыстық iшкi iстер басқармасы (Тыныбеков):

а) облыс аумағындағы қолайсыз отбасыларды және тұрақты мекен - жайы жоқ адамдардың тұрағын анықтау жөнiнде учаскелiк инспекторлардың жұмысын жандандырсын. Тұрмыста қауiпсiздiк нормаларын сақтау және құқық бұзушылықтың алдын алу жөнiндегi жұмыстарды ұйымдастырсын;

б) тұрғын үйлердi, жем шөп қорларын және басқа да облыс тұрғындарының мүлiктерiн қасақана өртеген фактiлердiң тергелуiне бақылауды күшейтсiн.

6. Осы қаулының орындалуын бақылау облыс әкiмiнiң бiрiншi орынбасары Я.К. Чудровқа жүктелсiн.

Облыс әкiмi

Қ.Көшербаев

Облыс әкiмiнiң

2001 жылғы 1 қарашадағы

№ 47 қаулысына қосымша

Батыс Қазақстан облысында өрт қауiпсiздiгi айлығы кезiнде алдын-алу шараларын өткiзу ЖОСПАРЫ