«2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне өзгерістер мен толықтыру енгізу туралы

«Қазақстан Республикасының Бюджет кодексі» Қазақстан Республикасының 2008 жылғы 4 желтоқсандағы кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 1-тармағының 1) тармақшасына сәйкес Қармақшы аудандық мәслихаты ШЕШІМ ҚАБЫЛДАДЫ:

1. «2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне (нормативтік құқықтық актілердің мемлекеттік тіркеу тізілімінде 5279 нөмірімен тіркелген, аудандық «Қармақшы таңы» газетінің 2016 жылғы 13 қаңтарда жарияланған) мынадай өзгерістер мен толықтыру енгізілсін:

1-тармақтың 1), 2) тармақшалары жаңа редакцияда жазылсын:

«1) кірістер – 8 932 191,8 мың теңге, оның ішінде:

салықтық түсімдер – 1 110 161 мың теңге;

салықтық емес түсімдер – 37 334,8 мың теңге;

негізгі капиталды сатудан түсетін түсімдер – 13 085 мың теңге;

трансферттер түсімі – 7 771 611 мың теңге;

2) шығындар – 9 064 752,5 мың теңге;»;

4-тармақтың 1)-4) тармақшалары жаңа редакцияда жазылсын:

«1) білім беруге – 44 781 мың теңге, оның ішінде жаңадан іске қосылған білім нысандарын ұстауға – 8 816 мың теңге, психологиялық-медициналық-педагогикалық консультациялар кабинеттерін ұстауға – 7 015 мың теңге, патронаттық тәрбиелеу шығындарына – 1 607 мың теңге, жалпы білім беру мектептерінде оқушылардың саны көбеюіне байланысты класс-комплектерін

ұлғайтуға – 8 481 мың теңге, оқулықтар мен оқу-әдістемелік кешендермен қамтамасыз етуге – 11 902 мың теңге, 1 сынып оқушыларын оқулықтар мен оқу-әдістемелік кешендермен қамтамасыз етуге – 6 960 мың теңге;

2) Ұлы Отан соғысының қатысушылары мен мүгедектеріне, Ұлы Отан соғысы жылдарында қаза тапқан жауынгерлердің екінші рет некеге тұрмаған жесірлеріне, Екінші дүниежүзілік соғысы кезінде концлагерлердің жасы кәмелетке толмаған бұрынғы тұтқындарына, Ұлы Отан соғысы жылдарында тылдағы жанқиярлық еңбегі мен әскери міндеттерді мінсіз орындағаны үшін бұрынғы Кеңес Социалистік Республикалар Одағының ордендерімен және медальдарымен марапатталған адамдарға сауықтыруға біржолғы материалдық көмекке – 891 мың теңге;

3) Ұлы Отан соғысы жылдарында тылда кемінде 6 ай жұмыс істеген адамдарға коммуналдық қызметтердің ақысын төлеу бойынша әлеуметтік көмекке – 33 406 мың теңге;

4) өңірге қажет мамандықтар бойынша әлеуметтік тұрғыдан халықтық осал тобы қатарынан білім алушы студенттерге әлеуметтік көмек көрсетуге – 28 228 мың теңге;»;

жаңа мазмұндағы 6-6 тармақпен толықтырылсын:

«6-6. Бейне конференциялық мәжілістерінің байланыс шығындарының орталықтандыруға байланысты 2016 жылға арналған аудандық бюджеттен облыстық бюджетке 525,6 мың теңгені қайтару көзделсін.»;

аталған шешімнің 1, 4, 6, 7-қосымшалары осы шешімнің 1, 2, 3, 4-қосымшаларына сәйкес жаңа редакцияда жазылсын.

2. Осы шешім алғашқы ресми жарияланған күнінен бастап қолданысқа енгізіледі және 2016 жылдың 1 қаңтарынан бастап туындаған қатынастарға таралады.

Қармақшы аудандық мәслихатының кезекті 3-сессиясының төрағасы, аудандық мәслихаттың хатшысы

_________ М. Наятұлы