Қалалық мәслихаттың 2015 жылғы 11 желтоқсандағы №35/343 «2016-2018 жылдарға арналған қалалық бюджет туралы» шешіміне өзгерістер мен толықтырулар енгізу туралы

Қазақстан Республикасының 2008 жылғы 4 желтоқсандағы Бюджет кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» 2001 жылғы 23 қаңтардағы Қазақстан Республикасының Заңына және «Облыстық мәслихаттың 2015 жылғы 10 желтоқсандағы №29/428 «2016-2018 жылдарға арналған облыстық бюджет туралы» шешіміне өзгерістер мен толықтырулар енгізу туралы» 2016 жылғы 11 наурыздағы №33/491 Маңғыстау облыстық мәслихатының шешіміне (нормативтік құқықтық актілерді мемлекеттік тіркеу Тізілімінде №2981 болып тіркелген) сәйкес, Ақтау қалалық мәслихаты ШЕШІМ ҚАБЫЛДАДЫ:

1. Қалалық мәслихаттың 2015 жылғы 11 желтоқсандағы №35/343 «2016-2018 жылдарға арналған қалалық бюджет туралы» шешіміне (нормативтік құқықтық актілерді мемлекеттік тіркеу Тізілімінде №2925 болып тіркелген, 2016 жылғы 12 қаңтардағы №5-6 «Маңғыстау» газетінде жарияланған) келесідей өзгерістер мен толықтырулар енгізілсін:

көрсетілген шешімнің 1 тармағы келесі мазмұндағы жаңа редакцияда жазылсын: 

«1. 2016-2018 жылдарға арналған қалалық бюджет қосымшаға сәйкес, оның ішінде 2016 жылға мынадай көлемдерде бекітілсін:

1)кірістер – 27 798 006,6 мың теңге, оның ішінде:

салықтық түсімдер бойынша – 14 747 484 мың теңге;

салықтық емес түсімдер бойынша – 18 137,6 мың теңге;

негізгі капиталды сатудан түсетін түсімдер бойынша – 3 262 500 мың теңге;

трансферттер түсімі бойынша – 9 769 885 мың теңге;

2)шығындар – 22 497 269,7 мың теңге;

3) таза бюджеттік кредиттеу – 1 586 849 мың теңге, соның ішінде:

бюджеттік кредиттер – 1 586 849 мың теңге;

бюджеттік кредиттерді өтеу – 0 мың теңге;

4) қаржы активтерiмен операциялар бойынша сальдо – 0 мың теңге, соның ішінде:

қаржы активтерiн сатып алу – 0 мың теңге;

мемлекеттің қаржы активтерін сатудан түсетін түсімдер – 0 мың теңге;

5) бюджет тапшылығы (профициті) – 3 713 887,9 мың теңге;

6) бюджет тапшылығын қаржыландыру (профицитін пайдалану) – 3 713 887,9 мың теңге, соның ішінде:

қарыздар түсімі – 1 586 849 мың теңге;

қарыздарды өтеу – 5 352 822 мың теңге;

бюджет қаражатының пайдаланылатын қалдықтары – 52 085,1 мың теңге.»;

2 тармақта:

бірінші, екінші абзацтар келесі мазмұндағы жаңа редакцияда жазылсын:

«төлем көзінен салық салынатын табыстардан ұсталатын жеке табыс салығы – 15,7 пайыз;

әлеуметтік салық – 15,7 пайыз;».

4 тармақта:

екінші, тоғызыншы абзацтар келесі мазмұндағы жаңа редакцияда жазылсын:

«118 936 мың теңге – үш деңгейлік жүйе бойынша біліктіліктерін арттыруден өткен мұғалімдердің еңбек ақысын көтеруге;

30 536 мың теңге – «Өрлеу» жобасы бойынша келісілген қаржылай көмекті енгізу;»;

мынадай мазмұндағы он төртінші, он бесінші, он алтыншы, он жетінші, он сегізінші абзацтармен толықтырылсын:

34 410 мың теңге – «Жұмыспен қамту 2020 жол картасы» Бағдарламаның бірінші бағытын жүзеге асыру шеңберінде ауылдың елді мекендерді дамытуға;

85 694 мың теңге – «Жұмыспен қамту 2020 жол картасы» шеңберінде білікті қызметкерлердің жоғалтқан табысының үштен екі бөлігін уақытша субсидиялауға;

6 299 мың теңге – «Жұмыспен қамту 2020 жол картасы» шеңберінде жалдамалы қызметкерлерді, оның ішінде 18-ден бастап 24-ке дейінгі жастағы жастарды, қайта даярлауға және олардың бiлiктiлiгiн арттыруға;

5 590 мың теңге – «Жұмыспен қамту 2020 жол картасы» шеңберінде 55-тен 64-ке дейінгі жастағы тұлғаларды қайта даярлауға және олардың бiлiктiлiгiн арттыруға;

170 000 мың теңге – экономикалық тұрақтылықты қамтамсыз етуге.».

мынадай мазмұндағы 4-1-тармақпен толықтырылсын:

«4-1. Осы шешімнің 2 қосымшасыне сәйкес 2016 жылға арналған Өмірзақ ауылының жергілікті өзін-өзі басқару органдарына қалалық бюджеттен трансферттер қарастырылғаны ескерілсін.»;

5 тармақ келесі мазмұндағы жаңа редакцияда жазылсын:

«5. 2016 жылға арналған қалалық бюджеттен жергілікті инвестициялық жобаларды жүзеге асыруға республикалық бюджеттен жалпы сомасы 2 981 426 мың теңге дамытуға арналған нысаналы трансферттер қарастырылғаны ескерілсін.»;

мынадай мазмұндағы 5-1-тармақпен толықтырылсын:

«5-1. 2016 жылға арналған қалалық бюджетте жергілікті инвестициялық жобаларды жүзеге асыруға 1 586 849 мың теңге сомасында республикалық бюджеттен бюджеттік кредиттер қарастырылғаны ескерілсін.».

2. Көрсетілген шешімнің 1 қосымшасы осы шешімнің қосымшасына сәйкес жаңа редакцияда жазылсын.

3. Осы шешімнің 2 қосымшасына сәйкес көрсетілген шешім 5 қосымшамен толықтырылсын.

4. Ақтау қалалық мәслихаты аппарат басшысының міндеттін атқарушы (Л. Сүйіндік) Маңғыстау облысының әділет департаментінде мемлекеттік тіркелгеннен кейін, осы шешімнің «Әділет» ақпараттық-құқықтық жүйесінде және бұқаралық ақпарат құралдарында ресми жариялануын қамтамасыз етсін.

5. Осы шешімнің орындалуын бақылау қалалық мәслихаттың экономика және бюджет мәселелері жөніндегі комиссиясына жүктелсін (А. Бүркітбаев).

6. Осы шешім Маңғыстау облысының әділет департаментінде мемлекеттік тіркелген күннен бастап күшіне енеді, ол алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2016 жылдың 1 қаңтарынан басталатын қатынастарға қатысты таралады.

Сессия төрағасы

С. Закенов

Қалалық мәслихат хатшысы

М. Молдағұлов

«КЕЛІСІЛДІ»

«Ақтау қалалық экономика

және бюджеттік жоспарлау

бөлімі» мемлекеттік мекемесінің

басшысы

А. Ким

"11" наурыз 2016 жыл

Ақтау қалалық мәслихатының

2016 жылғы 11 наурыздағы

№38/373 шешіміне

1 қосымша

2016 жылға арналған Ақтау қаласының бюджеті

Ақтау қалалық мәслихатының

2016 жылғы 11 наурыздағы

№38/373 шешіміне

2 қосымша

2016 ЖЫЛҒА АРНАЛҒАН ЖЕРГІЛІКТІ ӨЗІН-ӨЗІ БАСҚАРУ ОРГАНДАРЫНЫҢ ТРАНСФЕРТТЕРІНІҢ ӨМІРЗАҚ АУЫЛЫНЫҢ БӨЛІНУІ