«Қызылорда қаласында жолаушыларды және багажды тұрақты автомобильмен тасымалдау тарифiн белгiлеу туралы» Қызылорда қаласы әкімдігінің 2012 жылғы 06 сәуірдегі №3438 қаулысына өзгерістер енгізу туралы
«Автомобиль көлiгi туралы» Қазақстан Республикасының 2003 жылғы 4 шілдедегі Заңына, « Құқықтық актілер туралы » Қазақстан Республикасының 2016 жылғы 6 сәуірдегі Заңына сәйкес Қызылорда қаласының әкiмдiгi ҚАУЛЫ ЕТЕДI:
1. «Қызылорда қаласында жолаушыларды және багажды тұрақты автомобильмен тасымалдау тарифiн белгiлеу туралы» Қызылорда қаласы әкімдігінің 2012 жылғы 06 сәуірдегі №3438 қаулысына (нормативтік құқықтық актілерді мемлекеттік тіркеу Тізілімінде №10-1-210 тіркелген, «Кызылорда Таймс» газетінде 2013 жылғы 4 мамырдағы №18 жарияланған) келесі өзгерістер енгізілсін:
аталған қаулының тақырыбы келесі редакцияда жазылсын:
«Жолаушылар мен багажды қалалық қатынастарда автомобильмен тұрақты тасымалдау тарифін барлық маршруттар үшін бірыңғай белгiлеу туралы»;
қаулының 1-тармағы келесі редакцияда жазылсын:
«1. Жолаушылар мен багажды қалалық қатынастарда автомобильмен тұрақты тасымалдаудың тарифін барлық маршруттар үшін бірыңғай белгіленсін:
1) автобус және шағын автобустарда 70 теңге көлемінде;
2) 6 жастан 17 жасқа дейінгі балаларға 30 теңге көлемінде.».
3. Осы қаулы алғашқы ресми жарияланған күнінен бастап қолданысқа енгізіледі.
Қызылорда қаласының әкімі
Н. Нәлібаев
«КЕЛIСIЛДI»
Қызылорда қалалық
мәслихатының хатшысы
Р. Боханова
__________________
«10» маусым 2016 жыл
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.