Қазақстан Республикасының кейбiр заң актiлерiне көшi-қон мәселелерi бойынша толықтырулар енгiзу туралы
Қазақстан Республикасының мына заң актiлерiне толықтырулар енгiзiлсiн:
1. Қазақстан Республикасы Президентiнiң "Қазақстан Республикасындағы шетел азаматтарының құқықтық жағдайы туралы" 1995 жылғы 19 маусымдағы N 2337 заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., N 9-10, 68-құжат; Қазақстан Республикасы Парламентiнiң Жаршысы, 1997 ж., N 12, 184-құжат; 2001 ж., N 8, 50, 54-құжаттар):
28-баптың екiншi бөлiгi "iшкi iстер органдарының" деген сөздердiң алдынан "Қазақстан Республикасының Yкiметi белгiлеген тәртiппен" деген сөздермен толықтырылсын.
2. "Халықтың көшi-қоны туралы" 1997 жылғы 13 желтоқсандағы Қазақстан Республикасының Заңына (Қазақстан Республикасы Парламентiнің Жаршысы, 1997 ж., N 24, 341-құжат; 2001 ж., N 8, 50-құжат):
мынадай мазмұндағы 29-1-баппен толықтырылсын:
"29-1-бап. Қазақстан Республикасының шегiнен шығарып жiберу
Көшiп келушiлердi Қазақстан Республикасының шегiнен шығарып жiберу Қазақстан Республикасының шетелдiктер мен азаматтығы жоқ адамдардың құқықтық жағдайы туралы заңдарында белгiленетiн жағдайларда және тәртiппен жүзеге асырылады".
Қазақстан Республикасының Президенті
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.