Қазақстан Республикасы Үкiметiнiң 22.12.1997 ж. "Жеке меншiк ғимараттарға (кондоминиумға қатысушыларға) жер учаскелерiн беру тәртiбiн бекiту туралы" N 1813 Қаулысын орындауды жүзеге асыру туралы
Қазақстан Республикасы Үкiметiнiң 22.12.1997 ж. "Жеке меншiк ғимараттарға (кондоминиумға қатысушыларға) жер учаскелерiн беру тәртiбiн бекiту туралы" N 1813 Қаулысын орындауды жүзеге асыру мақсатында, ШЕШIМ ЕТТI:
1. Аудандардың және Қапшағай, Талдықорған, Текелi қалаларының әкiмдерiне, облыстық жер ресурстарын басқару комитетiне:
- атқарушы органдардың және жеке меншiк пәтер иелерi кооперативтерiнiң тапсырыстары бойынша шешiмдерi бойынша жүргiзiлетiн жерге орналастыруды және өзге де жұмыстарды қаржыландыру бюджет есебiнен ақша аудару арқылы жүзеге асырылады;
- жер учаскелерiн меншiктеушiлердiң және жердi пайдаланушылардың тапсырыстары бойынша орындалатын жерге орналастыру, өзге де жұмыстар солардың қаражаттары есебiнен жүргiзiледi;
- жеке меншiк пәтерлер кооперативтерiне, заңды және жеке тұлғаларға - кондоминиум объектiлерi болып саналатын көппәтерлi үйлердi меншiктеушiлерге жер учаскелерiн беру кезеңiнде заң талаптарының бұзылуын жою жөнiнде бiр ай мерзiмде шаралар қолданылсын;
- жеке меншiк пәтерлер кооперативтерiн қатыстыра отырып жер учаскелерiнiң шекарасын анықтау және үйдi меншiктеушiлерге (кондоминиумға қатысушыларға) жер учаскелерiн беру құқын ресiмдеу жөнiндегi жұмыстарды ұйымдастырып, тиiстi шаралар қолданылсын;
- үйдi меншiктеушiлерге (кондоминиумға қатысушыларға) жер учаскелерiн берудiң белгiленген тәртiбiнiң бұлжытпай орындалуын бақылау қамтамасыз етiлсiн.
2. "Қазақстан Республикасы Үкiметiнiң 1996 жылғы 27 мамырдағы "Жеке меншiк пәтерлердiң тұтыну кооперативтерi мен тұрғын емес үй-жайларды тұрғын үйлерге пайдалануды дамыту жөнiндегi шаралар туралы" Алматы облысы әкiмiнiң 1997 жылғы 20 маусымдағы шешiмiнiң соңғы 4-тармағы "жеке меншiк пәтерлер кооперативтерi" сөзiмен аяқталсын, қалғаны алынып тасталсын.
3. Осы шешiмнiң орындалуына бақылау жасау облыс әкiмiнiң орынбасары А.К. Каримулинге жүктелсiн.
Алматы облысының әкiмi
З. Нұрқаділов
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.