«2016-2018 жылдарға арналған облыстық бюджет туралы» Оңтүстік Қазақстан облыстық мәслихатының 2015 жылғы 9 желтоқсандағы №44/351-V шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджет кодексінің 106 бабының 3, 4 тармақтарына және «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 бабының 1 тармағының 1) тармақшасына сәйкес Оңтүстік Қазақстан облыстық мәслихаты ШЕШІМ ҚАБЫЛДАДЫ:

1. Оңтүстік Қазақстан облыстық мәслихатының 2015 жылғы 9 желтоқсандағы №44/351-V «2016-2018 жылдарға арналған облыстық бюджет туралы» (Нормативтік құқықтық актілерді мемлекеттік тіркеу тізілімінде 3458-нөмірмен тіркелген, 2015 жылғы 24 желтоқсанда «Оңтүстік Қазақстан» газетінде жарияланған) шешіміне мынадай өзгерістер енгізілсін:

1-тармақ мынадай редакцияда жазылсын:

«1. Оңтүстік Қазақстан облысының 2016-2018 жылдарға арналған облыстық бюджеті 1, 2 және 3– қосымшаларға сәйкес, оның ішінде 2016 жылға мынадай көлемде бекiтiлсiн:

1) кiрiстер – 408 929 668 мың теңге, оның iшiнде:

салықтық түсiмдер – 12 537 555 мың теңге;

салықтық емес түсiмдер – 505 058 мың теңге;

негізгі капиталды сатудан түсетін түсімдер – 4 000 мың теңге;

трансферттер түсiмi – 395 883 055 мың теңге;

2) шығындар – 410 741 296 мың теңге;

3) таза бюджеттiк кредиттеу – 3 252 061 мың теңге, оның ішінде:

бюджеттік кредиттер – 3 807 586 мың теңге;

бюджеттік кредиттерді өтеу – 555 525 мың теңге;

4) қаржы активтерімен операциялар бойынша сальдо – 0;

5) бюджет тапшылығы – - 5 063 689 мың теңге;

6) бюджет тапшылығын қаржыландыру – 5 063 689 мың теңге.»;

2-тармақтың екінші абзацы мынадай редакцияда жазылсын:

«төлем көзінен салық салынатын табыстардан ұсталатын жеке табыс салығы аудандар (облыстық маңызы бар қалалар) бюджеттеріне:

Бәйдібек ауданының – 46,9 пайыз;

Қазығұрт ауданының – 46,3 пайыз;

Мақтарал ауданының – 46,1 пайыз;

Ордабасы ауданының – 46,8 пайыз;

Отырар ауданының – 48,1 пайыз;

Сайрам ауданының – 44,9 пайыз;

Сарыағаш ауданының – 59,4 пайыз;

Созақ ауданының – 82,1 пайыз;

Төлеби ауданының – 44,4 пайыз;

Түлкібас ауданының – 46,2 пайыз;

Шардара ауданының – 45,1 пайыз;

Арыс қаласының – 47,4 пайыз;

Кентау қаласының – 64,4 пайыз;

Түркістан қаласының – 43,3 пайыз;

Шымкент қаласының – 94,1 пайыз;

облыстық бюджетке:

Бәйдібек ауданынан – 53,1 пайыз;

Қазығұрт ауданынан – 53,7 пайыз;

Мақтарал ауданынан – 53,9 пайыз;

Ордабасы ауданынан – 53,2 пайыз;

Отырар ауданынан – 51,9 пайыз;

Сайрам ауданынан – 55,1 пайыз;

Сарыағаш ауданынан - 40,6 пайыз;

Созақ ауданынан – 17,9 пайыз;

Төлеби ауданынан – 55,6 пайыз;

Түлкібас ауданынан – 53,8 пайыз;

Шардара ауданынан – 54,9 пайыз;

Арыс қаласынан – 52,6 пайыз;

Кентау қаласынан – 35,6 пайыз;

Түркістан қаласынан – 56,7 пайыз;

Шымкент қаласынан – 5,9 пайыз; »;

4-тармақ мынадай редакцияда жазылсын:

«4. 2016 жылға арналған облыстық бюджетте аудандардың (облыстық маңызы бар қалалардың) бюджеттеріне берілетін ағымдағы нысаналы трансферттердің қарастырылғаны ескерілсін, оның iшiнде:

облыстың энергетика және тұрғын үй-коммуналдық шаруашылық басқармасы;

облыстың білім басқармасы;

облыстың мәдениет басқармасы;

облыстың ауыл шаруашылығы басқармасы;

облыстың жолаушылар көлігі және автомобиль жолдары басқармасы.

Көрсетілген трансферттерді аудандардың (облыстық маңызы бар қалалардың) бюджеттеріне бөлу облыс әкімдігінің қаулысы негізінде жүзеге асырылады.»;

6-тармақта:

«облыстың тұрғын үй-коммуналдық шаруашылық және жолаушылар көлігі басқармасы» деген сөздер «облыстың энергетика және тұрғын үй-коммуналдық шаруашылық басқармасы» деген сөздермен ауыстырылсын;

көрсетілген шешімнің 1, 2, 3-қосымшалары осы шешімнің 1, 2, 3-қосымшаларына сәйкес жаңа редакцияда жазылсын.

2. Осы шешім 2016 жылдың 1 қаңтарынан бастап қолданысқа енгізіледі.

Облыстық мәслихат сессиясының төрағасы

Қ. Тұрлыбек

Облыстық мәслихат хатшысы

Қ. Ержан