Егіндікөл аудандық мәслихаттың 2015 жылғы 28 желтоқсандағы № 5С40-2 «Ауданның 2016-2018 жылдарға арналған бюджеті туралы» шешіміне өзгерістер енгізу туралы

Қазақстан Республикасының 2008 жылғы 4 желтоқсандағы Бюджет кодексінің 106 бабының 4 тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6 бабының 1 тармағының 1) тармақшасына сәйкес Егіндікөл аудандық мәслихаты ШЕШІМ ЕТТІ:

1. Егіндікөл аудандық мәслихатының «Ауданның 2016-2018 жылдарға арналған бюджеті туралы» 2015 жылғы 28 желтоқсандағы № 5С40-2 (Нормативтік құқықтық актілерді мемлекеттік тіркеу тізілімінде № 5218 тіркелген, 2016 жылғы 25 қаңтарда аудандық «Егіндікөл» газетінде жарияланған) шешіміне келесі өзгерістер енгізілсін:

1 тармақ жаңа редакцияда баяндалсын:

«1. 2016-2018 жылдарға арналған аудан бюджеті 1, 2, 3 қосымшаларға сәйкес, оның ішінде 2016 жылға арналған аудан бюджеті келесі көлемдерде бекітілсін:

1) кірістер – 1120527,8 мың теңге, оның ішінде:

салықтық түсімдер – 164995 мың теңге;

салықтық емес түсімдер – 2369 мың теңге;

негізгі капиталды сатудан түсетін түсімдер – 4911 мың теңге;

трансферттер түсімі– 948252,8 мың теңге;

2) шығындар – 1131599,3 мың теңге;

3) таза бюджеттік кредиттеу – 5783,1 мың теңге, оның ішінде:

бюджеттік кредиттер – 9545,1 мың теңге;

бюджеттік кредиттерді өтеу – 3762 мың теңге;

4) қаржы активтерімен операциялар бойынша сальдо – 2050 мың теңге, оның ішінде:

қаржы активтерін сатып алу – 2050 мың теңге;

мемлекеттің қаржы активтерін сатудан түсетін түсімдер – 0 мың теңге;

5) бюджет тапшылығы (профициті) – -18904,6 мың теңге;

6) бюджет тапшылығын қаржыландыру (профицитін пайдалану) – 18904,6 мың теңге;

қарыздар түсімі – 9545 мың теңге;

қарыздарды өтеу – 4908,8 мың теңге;

бюджет қаражатының пайдаланылатын қалдықтары – 14268,4 мың теңге.»;

6 тармақ жаңа редакцияда жазылсын:

«6. 2016 жылға арналған аудан бюджетінде бюджеттік кредиттер бойынша негізгі қарыздар сомасын өтеу, 2010, 2011, 2012, 2013, 2014 және 2015 жылдар республикалық бюджеттен мамандарға әлеуметтік қолдау шараларын көрсетуді іске асыру 4908,8 мың теңге сомасында бөлінгені, ескерілсін.»;

көрсетілген шешімінің 1, 4, 5, 7, 8 қосымшалары осы шешімнің 1, 2, 3, 4, 5 қосымшаларына сәйкес жаңа редакцияда баяндалсын.

2. Осы шешім Ақмола облысының Әділет департаментінде мемлекеттік тіркелген күннен бастап күшіне енеді және 2016 жылдың 1 қаңтарынан бастап қолданысқа енгізіледі.

Аудандық мәслихат сессиясының төрағасы

М. Серикбаев

Аудандық мәслихаттың хатшысы

Б. Абилов

КЕЛІСІЛДІ

Егіндікөл ауданының әкімі

Н. Төлепов

2016 жылғы 18 мамыр