Зеренді ауданы әкімдігінің кейбір қаулыларының күші жойылды деп тану туралы
«Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31, 37 баптарына сәйкес, Зеренді ауданының әкімдігі ҚАУЛЫ ЕТЕДІ:
1. Зеренді ауданы әкімдігінің кейбір қаулыларының күші жойылды деп танылсын:
«Қылмыстық-атқару инспекциясы пробация қызметінің есебінде тұрған тұлғалар үшін жұмыс орындарының квотасын белгілеу туралы» Зеренді ауданы әкімдігінің 2012 жылғы 25 маусымдағы № 388 қаулысы (Нормативтік құқықтық актілерді мемлекеттік тіркеудің тізілімінде № 1-14-186 болып тіркелген, 2012 жылдың 17 шілдесінде «Зеренді» газетінде жарияланған);
«Зеренді ауданы әкімдігінің кейбір қаулыларына өзгерістер енгізу туралы» Зеренді ауданы әкімдігінің 2013 жылғы 30 қыркүйектегі № 593 қаулысы (Нормативтік құқықтық актілерді мемлекеттік тіркеудің тізілімінде № 3843 болып тіркелген, 2013 жылдың 25 қазанында «Зерделі Зеренді», «Зерен» газеттерінде жарияланған).
2. Осы қаулы қол қойылған күннен бастап қолданысқа енгізіледі.
Аудан әкімі
А. Мұратұлы
Мәтін танысу мақсатында ұсынылған; ресми қолдану үшін Қазақстан Республикасы заңнамасының қолданыстағы редакциясымен салыстырыңыз.