«Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру, мәдениет, спорт және ветеринария саласындағы мамандар лауазымдарының тізбесін анықтау туралы» Шемонаиха ауданы әкімдігінің 2014 жылғы 28 қазандағы № 346 қаулысына өзгеріс енгізу туралы

Қазақстан Республикасының «Нормативтік құқықтық актілері туралы» 1998 жылғы 24 наурыздағы Заңының 21-бабына сәйкес, Шемонаиха ауданының әкімдігі ҚАУЛЫ ЕТЕДІ:

1. Шемонаиха ауданы әкімдігінің 2014 жылғы 28 қазандағы № 346 «Азаматтық қызметші болып табылатын және ауылдық жерде жұмыс істейтін әлеуметтік қамсыздандыру, білім беру, мәдениет, спорт және ветеринария саласындағы мамандар лауазымдарының тізбесін анықтау туралы» (нормативтік-құқықтық актілерді мемлекеттік тіркеу Тізілімінде 2014 жылғы 26 қарашада № 3558 тіркелген, «Уба-Информ» газетінде 2014 жылғы 10 желтоқсандағы № 50 санында жарияланған) қаулысына келесі өзгеріс енгізілсін:

кіріспе сөз келесі редакцияда жазылсын:

«Қазақстан Республикасының 2015 жылғы 23 қарашадағы Еңбек кодексінің 139-бабы 9-тармағына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 31-бабы 2-тармағына, Қазақстан Республикасының «Нормативтік құқықтық актілері туралы» 1998 жылғы 24 наурыздағы Заңының 21-1 - бабына сәйкес Шемонаиха ауданының әкімдігі ҚАУЛЫ ЕТЕДІ:».

2. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Шемонаиха ауданының әкімі

А.Тоқтаров

Келісілді:

Шемонаиха аудандық

мәслихатының хатшысы Ә.Баяндинов

2016 жылғы «17» наурыз