Бөрлі аудандық мәслихатының 2015 жылғы 23 желтоқсандағы №32-3 «2016-2018 жылдарға арналған аудандық бюджет туралы» шешіміне өзгерістер мен толықтыру енгізу туралы

Қазақстан Республикасының 2008 жылғы 4 желтоқсандағы Бюджет кодексіне және Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңына сәйкес, Бөрлі аудандық мәслихаты ШЕШІМ ҚАБЫЛДАДЫ:

1. Бөрлі аудандық мәслихатының 2015 жылғы 23 желтоқсандағы №32-3 «2016-2018 жылдарға арналған аудандық бюджет туралы» шешіміне (Нормативтік құқықтық актілерді мемлекеттік тіркеу тізілімінде №4237 тіркелген, 2016 жылғы 26 қаңтарда «Бөрлі жаршысы-Бурлинские вести» газетінде жарияланған) мынадай өзгерістер мен толықтыру енгізілсін:

1-тармақ мынадай редакцияда жазылсын:

«1. 2016-2018 жылдарға арналған аудандық бюджет 1, 2 және 3-қосымшаларға сәйкес, соның ішінде 2016 жылға келесі көлемде бекітілсін:

1) кірістер – 9 180 090 мың теңге:

салықтық түсімдер – 6 178 616 мың теңге;

салықтық емес түсімдер – 69 888 мың теңге;

негізгі капиталды сатудан түсетін түсімдер – 912 804 мың теңге;

трансферттер түсімі – 2 018 782 мың теңге;

2) шығындар 8 772 731 мың теңге;

3) таза бюджеттік кредиттеу – 679 768 мың теңге:

бюджеттік кредиттер – 703 176 мың теңге;

бюджеттік кредиттерді өтеу – 23 408 мың теңге;

4) қаржы активтерімен операциялар бойынша сальдо – 0 мың теңге:

қаржы активтерін сатып алу – 0 мың теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – -272 409 мың теңге;

6) бюджет тапшылығын қаржыландыру (профицитін пайдалану) – 272 409 мың теңге:

қарыздар түсімі – 703 176 мың теңге;

қарыздарды өтеу – 934 481 мың теңге;

бюджет қаражатының пайдаланылатын қалдықтары – 503 714 мың теңге.»;

4-тармақ мынадай редакцияда жазылсын:

«4. 2016 жылға арналған аудандық бюджетте республикалық бюджеттен бөлінетін нысаналы трансферттердің және кредиттердің жалпы сомасы 1 349 803 мың теңге көлемінде ескерілсін, соның ішінде:

азаматтық хал актілерін тіркеу бөлімдерінің штат санын ұстауға – 1 428 мың теңге;

мектепке дейінгі білім беру ұйымдарында мемлекеттік білім беру тапсырысын іске асыруға – 78 100 мың теңге;

арнайы әлеуметтік қызмет көрсетудің стандарттарын енгізуге – 20 381 мың теңге;

жергілікті бюджеттерден қаржыландырылатын азаматтық қызметшілерге еңбекақы төлеу жүйесінің жаңа моделіне көшуге, сондай –ақ оларға лауазымдық айлықақыларына ерекше еңбек жағдайлары үшін ай сайынғы үстемеақы төлеуге – 1 027 017 мың теңге;

әкімшілік мемлекеттік қызметшілердің еңбекақысының деңгейін арттыруға – 71 000 мың теңге;

экономикалық тұрақтылықты қамтамасыз етуге – 92 088 мың теңге;

агроөнеркәсіптік кешеннің жергілікті атқарушы органдарының бөлімшелерін ұстауға – 5 704 мың теңге;

жергілікті атқарушы органдарға әлеуметтік сала мамандарын әлеуметтік қолдау шараларын іске асыру үшін берілетін бюджеттік кредиттерге – 54 085 мың теңге.»;

мынадай мазмұндағы 4-1 тармақпен толықтырылсын:

«4-1. 2016 жылға арналған аудандық бюджетте Қазақстан Республикасының Ұлттық қорынан бөлінген нысаналы трансферттер мен кредиттердің жалпы сомасы 1 278 308 мың теңге көлемінде қарастырылғаны ескерілсін:

инженерлік – коммуникациялық инфрақұрылымды жобалауға, дамытуға және (немесе) жайластыруға – 629 217 мың теңге;

жылу, сумен жабдықтау және су бұру жүйелерін реконструкциялауға және құрылыс үшін– 649 091 мың теңге.»;

5- тармақ мынадай редакцияда жазылсын:

«5. 2016 жылға арналған аудандық бюджетте облыстық бюджеттен бөлінетін нысаналы трансферттердің жалпы сомасы 93 847 мың теңге көлемінде ескерілсін:

балалар мен жасөспірімдердің психикалық денсаулығын зерттеу және халыққа психологиялық-медициналық-педагогикалық консультациялық көмек көрсетуге – 15 010 мың теңге;

патронат тәрбиешілерге берілген баланы (балаларды) күтіп-бағуға – 11 074 мың теңге;

білім беру мекемелерінде бейнебақылау жүйесін орнатуға – 1 600 мың теңге;

жалпы білім беретін мектептер мен колледждерге компьютер сатып алуға – 8 832 мың теңге;

балалар мен жасөспірімдерге қосымша білім беруге – 37 331 мың теңге;

аудандық маңызы бар автомобиль жолдарын ағымдағы жөндеуге және күтіп ұстауға – 20 000 мың теңге.»;

аталған шешімнің 1-қосымшасы осы шешімнің қосымшасына сәйкес жаңа редакцияда жазылсын.

2. Аудандық мәслихат аппаратының басшысы (Б.Б.Мұқашева) осы шешімнің әділет органдарында мемлекеттік тіркелуін, «Әділет» ақпараттық-құқықтық жүйесінде және бұқаралық ақпарат құралдарында оның ресми жариялануын қамтамасыз етсін.

3. Осы шешім 2016 жылдың 1 қаңтарынан бастап қолданысқа енгізіледі.

Сессия төрайымы

Н.Шиганакова

Мәслихат хатшысы

А.Куликешев

Бөрлі аудандық мәслихатының 2016 жылғы 21 сәуірдегі №2-1 шешіміне қосымша

Бөрлі аудандық мәслихатының 2015 жылғы 23 желтоқсандағы №32-3 шешіміне

1-қосымша

2016 жылға арналған аудан аудандық бюджет

мың. теңге