“2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешіміне өзгерістер мен толықтырулар енгізу туралы

“Қазақстан Республикасының Бюджет кодексі” Қазақстан Республикасының 2008 жылғы 4 желтоқсандағы Кодексінің 109-бабына, “Қазақстан Республикасындағы жергілікті мемлекеттік басқару және өзін-өзі басқару туралы” Қазақстан Республикасының 2001 жылғы 23 қаңтардағы Заңының 6-бабы 1-тармағының 1) тармақшасына және “2016-2018 жылдарға арналған облыстық бюджет туралы” Қызылорда облыстық мәслихатының 2015 жылғы 10 желтоқсандағы №325 шешіміне өзгерістер мен толықтырулар енгізу туралы” Қызылорда облыстық мәслихатының 2016 жылғы 1 сәуірдегі №9 шешіміне (нормативтік құқықтық актілерді мемлекеттік тіркеу Тізілімінде 5444 нөмірімен тіркелген) сәйкес Жалағаш аудандық мәслихаты ШЕШІМ ҚАБЫЛДАДЫ:

1. “2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешіміне (нормативтік құқықтық актілерді мемлекеттік тіркеу Тізілімінде 5284 нөмірімен тіркелген, “Жалағаш жаршысы” газетінде 2016 жылғы 13 қаңтарда жарияланған) мынадай өзгерістер мен толықтырулар енгізілсін:

1-тармақ жаңа редакцияда жазылсын:

“1. 2016-2018 жылдарға арналған аудан бюджеті тиісінше 1, 2 және 3- қосымшаларға сәйкес, оның ішінде 2016 жылға мынадай көлемде бекітілсін:

1) кірістер – 5 703 672 мың теңге, оның ішінде:

салықтық түсімдер – бойынша 1 335 769 мың теңге;

салықтық емес түсімдер – бойынша 7 663 мың теңге;

негізгі капиталды сатудан түсетін түсімдер бойынша – 5 374 мың теңге;

трансферттер түсімі бойынша – 4 354 866 мың теңге;

2) шығындар – 5 767 782,7 мың теңге;

3) таза бюджеттік кредиттеу – 291 142 мың теңге;

бюджеттік кредиттер – 346 784 мың теңге;

бюджеттік кредиттерді өтеу – 55 642 мың теңге;

4) қаржы активтерімен операциялар бойынша сальдо – 10 000 мың теңге;

қаржы активтерін сатып алу – 10 000 мың теңге;

мемлекеттің қаржы активтерін сатудан түсетін түсімдер – 0;

5) бюджет тапшылығы (профициті) – - 285 173 мың теңге;

6) бюджет тапшылығын қаржыландыру (профицитін пайдалану)– 285 173 мың теңге;

қарыздар түсімі – 346 784 мың теңге;

қарыздарды өтеу – 61 611 мың теңге;

бюджет қаражатының пайдаланылатын қалдықтары – 70 079,7 мың теңге.”;

мынадай мазмұндағы 1-6, 1-7 және 1-8-тармақтармен толықтырылсын:

“1-6. “2016-2018 жылдарға арналған аудан бюджеті туралы” Жалағаш аудандық мәслихатының 2015 жылғы 23 желтоқсандағы №49-3 шешімін іске асыру туралы” Жалағаш ауданы әкімдігінің 2016 жылғы 5 қаңтардағы №1 қаулысына өзгерістер мен толықтыру енгізу туралы” Жалағаш ауданы әкімдігінің 2016 жылғы 31 наурыздағы №71 қаулысымен 2016 жылға арналған аудан бюджетіне республикалық бюджеттің қаражаты есебінен 68 361 мың теңге көлемінде ағымдағы нысаналы трансферттер қосымша қаралғаны ескерілсін;

1-7. 2016 жылға арналған бюджеттік инвестициялық жобалардың тізбесі 12-қосымшаға сәйкес бекітілсін;

1-8. 2016 жылға арналған аудан бюджетінен жергілікті өзін-өзі басқару органдарына бағытталған трансферттердің кент және ауылдық округтер бойынша бөлінісі 13-қосымшаға сәйкес бекітілсін.”;

мынадай мазмұндағы 4-1-тармақпен толықтырылсын:

“4-1. 2016 жылға арналған аудан бюджетіне облыстық бюджеттен бөлінген ағымдағы нысаналы трансферттерден 11 783 мың теңге қысқартылғаны ескерілсін.”;

мынадай мазмұндағы 5-2-тармақпен толықтырылсын:

“5-2. 2016 жылға арналған аудан бюджетіне республикалық бюджеттен қосымша 104 793 мың теңге көлемінде ағымдағы нысаналы трансферттер бөлінгені ескерілсін.”;

көрсетілген шешімнің 1, 4, 5, 6, 8, 9-қосымшалары осы шешімнің 1, 2, 3, 4, 5, 6-қосымшаларына сәйкес жаңа редакцияда жазылсын;

көрсетілген шешім осы шешімнің 7, 8-қосымшаларына сәйкес 12, 13-қосымшалармен толықтырылсын.

2. Осы шешім оның алғаш ресми жарияланған күнінен бастап қолданысқа енгізіледі және 2016 жылғы 1 қаңтардан бастап пайда болған қатынастарға таралады.

Жалағаш аудандық мәслихатының 2-сессиясының төрағасы

К.СУЛЕЙМЕНОВ

Жалағаш аудандық мәслихатының хатшысы

М.ЕСПАНОВ

2016 жылғы “13” сәуірдегі №2-1