«2016-2018 жылдарға арналған Шемонаиха ауданының бюджеті туралы» Шемонаиха аудандық мәслихатының 2015 жылғы 23 желтоқсандағы № 35/2-V шешіміне өзгерістер мен толықтырулар енгізу туралы

Қазақстан Республикасының 2008 жылғы 4 желтоқсандағы Бюджет кодексінің 106, 109-баптарына, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабы 1-тармағы 1)-тармақшасына, «2016-2018 жылдарға арналған облыстық бюджет туралы» Шығыс Қазақстан облыстық мәслихатының 2015 жылғы 9 желтоқсандағы № 34/406-V шешіміне өзгерістер мен толықтырулар енгізу туралы» Шығыс Қазақстан облыстық мәслихатының 2016 жылғы 18 наурыздағы № 37/444-V шешіміне (мемлекеттік құқықтық актілерді мемлекеттік тіркеу Тізілімінде № 4429 болып тіркелген) сәйкес Шемонаиха аудандық мәслихаты ШЕШТІ:

1. «2016-2018 жылдарға арналған Шемонаиха ауданының бюджеті туралы» Шемонаиха аудандық мәслихатының 2015 жылғы 23 желтоқсандағы № 35/2-V шешіміне (Нормативтік құқықтық актілерді мемлекеттік тіркеу Тізілімінде № 4339 нөмірімен тіркелген, 2016 жылғы 09 ақпанда «Әділет» ақпараттық құқықтық жүйесінде, «ЛЗ Сегодня» газетінің 2016 жылғы 27 қаңтардағы № 4 жарияланған) келесі өзгерістер мен толықтырулар енгізілсін:

1-тармақ келесі редакцияда жазылсын:

«1. 2016 - 2018 жылдарға арналған аудандық бюджет 1, 2 және 3 қосымшаларға сәйкес, оның ішінде 2016 жылға келесі көлемдерде бекітілсін:

1) кірістер – 3 540 266 мың теңге, оның ішінде:

салықтық түсімдер – 1 410 560 мың теңге;

салықтық емес түсімдер – 7 333 мың теңге;

негізгі капиталды сатудан түсетін түсімдер – 29 373 мың теңге;

трансферттердің түсімдері – 2 093 000 мың теңге;

2) шығындар – 3 543 000,8 мың теңге;

3) таза бюджеттік кредит беру – 7 262 мың теңге, оның ішінде:

бюджеттік кредиттер – 9 545 мың теңге;

бюджеттік кредиттерді өтеу – 2 283 мың теңге;

4) қаржы активтерімен жасалатын операциялар бойынша сальдо – 0 мың теңге, оның ішінде:

қаржы активтерін сатып алу – 0 мың теңге;

мемлекеттің қаржы активтерін сатудан түсетін түсімдер – 0 мың теңге;

5) бюджет тапшылығы (профицит) – - 9 996,8 мың теңге;

6) бюджет тапшылығын қаржыландыру (профицитті пайдалану) – 9 996,8 мың теңге, оның ішінде:

қарыздардың түсімі – 9 545 мың теңге;

қарыздарды өтеу – 2 283 мың теңге;

пайдаланылатын бюджет қаражаттарының қалдықтары – 2 734,8 мың теңге;»;

7-тармақ келесі редакцияда жазылсын:

«7. 2016 жылға арналған аудандық бюджетте облыстық бюджеттен мұқтаж азаматтардың жеке санаттарына әлеуметтік көмекке арналған ағымдағы нысаналы трансферттер 20 464 мың теңге сомасында көзделсін.»;

8-тармақ келесі редакцияда жазылсын:

«8. 2016 жылға арналған аудандық бюджетте облыстық бюджеттен 35 239 мың теңге сомасында ағымдағы нысаналы трансферттер көзделсін.»;

9-тармақ келесі редакцияда жазылсын:

«9. 2016 жылға арналған аудандық бюджетте республикалық бюджеттен 1 039 097 мың теңге сомасында ағымдағы нысаналы трансферттер көзделсін.»;

10-тармақта:

1) және 2) тармақшалар келесі редакцияда жазылсын:

«1) 5-қосымшаға сәйкес қаладағы ауданның, аудандық маңызы бар қаланың, кенттің, ауыл, ауылдық округ әкімінің қызметін қамтамасыз ету жөніндегі қызметтерге 180 487 мың теңге сомасында;»;

2) 6-қосымшаға сәйкес жергілікті өзін-өзі басқару органдарына берілетін трансферттер 148 861 мың теңге сомасында;»;

келесі мазмұндағы 4) тармақшамен толықтырылсын:

«4) 8-қосымшаға сәйкес ауылдық жерлерде балаларды мектепке дейін тегін алып баруды және кері алып келуді ұйымдастыруға 1 749 мың теңге сомасында.»;

аталған шешімнің 1, 5 және 6 қосымшалары осы шешімнің 1, 2 және 3 қосымшаларына сәйкес жаңа редакцияда жазылсын;

осы шешімнің 4-қосымшасына сәйкес жоғарыда аталған шешімнің 9 қосымшасымен толықтырылсын;

2. Осы шешім 2016 жылғы 1 қаңтардан бастап қолданысқа енгізіледі.

Сессия төрағасы

Т. Абайдельдинов

Шемонаиха аудандық мәслихатының хатшысы

А. Боровикова