«2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне өзгерістер мен толықтырулар енгізу туралы

«Қазақстан Республикасының Бюджет кодексі» Қазақстан Республикасының 2008 жылғы 4 желтоқсандағы кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы Заңының 6-бабының 1-тармағының 1) тармақшасына сәйкес Қармақшы аудандық мәслихаты ШЕШІМ ҚАБЫЛДАДЫ:

1. «2016-2018 жылдарға арналған аудандық бюджет туралы» Қармақшы аудандық мәслихатының 2015 жылғы 23 желтоқсандағы №308 шешіміне (нормативтік құқықтық актілердің мемлекеттік тіркеу тізілімінде 5279 нөмірімен тіркелген, аудандық «Қармақшы таңы» газетінің 2016 жылғы 13 қаңтарда жарияланған) мынадай өзгерістер мен толықтырулар енгізілсін:

1-тармақтың 1), 2) тармақшалары жаңа редакцияда жазылсын:

«1) кірістер – 8 866 589,8 мың теңге, оның ішінде:

салықтық түсімдер – 1 066 246 мың теңге;

салықтық емес түсімдер – 37 334,8 мың теңге;

негізгі капиталды сатудан түсетін түсімдер – 7 000 мың теңге;

трансферттер түсімі – 7 756 009 мың теңге;

2) шығындар – 8 999 150,5 мың теңге;»;

4-тармақтың 11) тармақшасы алынып тасталсын;

4-тармақ жаңа мазмұндағы 13), 14) тармақшалармен толықтырылсын:

«13) Қармақшы ауданы Жосалы кентіндегі Е.Көшербаев көшесін күрделі жөндеуге – 86 537 мың теңге;

14) Қармақшы ауданы Жосалы кентіндегі 12 көшені орташа жөндеуге – 54 611 мың теңге.»;

5-тармақтың 4), 5) тармақшалары жаңа редакцияда жазылсын:

«4) азаматтық хал актілерін тіркеу бөлімдерінің штат санын ұстауға – 3 797 мың теңге;

5) мемлекеттік әкімшілік қызметшілер еңбекақысының деңгейін арттыруға – 90 413 мың теңге;»;

5-тармақ жаңа мазмұндағы 8) тармақшамен толықтырылсын:

«8) жергілікті бюджеттердің шығыстарын өтеуді және өңірлердің экономикалық тұрақтылығын қамтамасыз етуге – 68 195 мың теңге.»;

жаңа мазмұндағы 6-5 тармақпен толықтырылсын:

«6-5. Жергілікті мемлекеттік басқарудың құрылымына өзгерістер енгізілуіне байланысты 2016 жылға арналған аудандық бюджеттен облыстық бюджетке 918 мың теңгені қайтару көзделсін.»;

аталған шешімнің 1, 4, 7-қосымшалары осы шешімнің 1, 2, 3-қосымшаларына сәйкес жаңа редакцияда жазылсын.

2. Осы шешім алғашқы ресми жарияланған күнінен бастап қолданысқа енгізіледі және 2016 жылдың 1 қаңтарынан бастап туындаған қатынастарға таралады.

Қармақшы аудандық мәслихатының кезектен тыс 2-сессиясының төрағасы

__________ Н. Пірмантаев

Қармақшы аудандық мәслихатының хатшысы

_________ М. Наятұлы