Жер қойнауын мемлекеттік геологиялық зерттеу жөніндегі жұмыстарды жүргізуге арналған уақыт және баға нормаларын, сондай-ақ оларды есептеу әдістемесін бекіту туралы

«Жер қойнауы және жер қойнауын пайдалану туралы» Қазақстан Республикасы Кодексінің 64-бабының 19) тармақшасына сәйкес БҰЙЫРАМЫН:

1. Жер қойнауын мемлекеттік геологиялық зерттеу жөніндегі жұмыстарды жүргізуге арналған уақыт және баға нормалары, сондай-ақ оларды есептеу әдістемесі бекітілсін.

2. Қазақстан Республикасы Өнеркәсіп және құрылыс министрлігінің Геология комитеті заңнамада белгіленген тәртіппен осы бұйрық ресми жарияланғаннан кейін оны Қазақстан Республикасы Өнеркәсіп және құрылыс министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Өнеркәсіп және құрылыс вице-министріне жүктелсін.

4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Министр

Е. Нағаспаев

Қазақстан Республикасы

Өнеркәсіп және құрылыс

министрінің

2026 жылғы ___________

№ _____ бұйрығымен

бекітілген

Жер қойнауын мемлекеттік геологиялық зерттеу жөніндегі жұмыстарды жүргізуге арналған уақыт пен баға нормаларын есептеу әдістемесі

1-тарау. Жалпы ережелер

1. Осы Жер қойнауын мемлекеттік геологиялық зерттеу жөніндегі жұмыстарды жүргізуге арналған уақыт пен баға нормаларын есептеу әдістемесі «Жер қойнауы және жер қойнауын пайдалану туралы» Қазақстан Республикасы Кодексінің 64-бабының 19) тармақшасына сәйкес әзірленді.

2. Жер қойнауын мемлекеттік геологиялық зерттеу жұмыстарын жүргізуге арналған уақыт пен баға нормаларын есептеу республикалық бюджет қаражаты есебінен орындалатын 1:200 000 және 1:50 000 масштабтарындағы геологиялық түсіру жұмыстары кешенінің объектілеріндегі жұмыстардың сметалық құнын айқындау үшін пайдаланылатын жеке және кешенді бағалауды айқындау мақсатында жүзеге асырылады.

2-тарау. Жер қойнауын мемлекеттік геологиялық зерттеу жөніндегі жұмыстарды жүргізуге арналған уақыт пен баға нормаларын әзірлеу

3. Уақыт нормаларын әзірлеу негіздеріне мынадай материалдар салынған:

- хронометраждық қадағалаулар;

- еңбекті ұйымдастыруды талдау нәтижелері;

- жабдықтың техникалық сипаттамасы.

4. Уақыт нормалары мынадай формула бойынша есептеледі:

мұндағы: Нвр - Өлшем бірлігі нормасы, мин.;

Топ – өлшем бірлгіне жедел жұмыс уақыты, мин.;

Котл - демалу және жеке қажеттіліктер уақыты, жедел жұмыс уақытынан %.

5. Бағалар:

1) Қазақстан Республикасы Еңбек Кодексінің 68-бабына сәйкес аптасына жұмыс уақытының қалыпты ұзақтығын;

2) жұмысты орындаушылардың толық құрамын;

3) жер қойнауын мемлекеттік геологиялық зерттеуге жобалау-сметалық құжаттаманың нақты сметалары негізінде сала бойынша орташа жалақыны;

4) орындаушыларды бастапқы материалдармен, құжаттамамен, жұмысқа тапсырмамен, сондай-ақ қажетті құралдармен, аспаптармен, жарақтармен және жабдықтармен қамтамасыз етуді ескере отырып белгіленеді.