Маңғыстау облысы әкімдігінің кейбір қаулыларының күші жойылды деп тану туралы

Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 37-бабының 8-тармағына, Қазақстан Республикасының «Сауда мақсатында теңізде жүзу туралы» Заңының 32-бабының 6-тармағына, Қазақстан Республикасының « Құқықтық актілер туралы » Заңының 46-бабы 2-тармағының 4)-тармақшасына сәйкес Маңғыстау облысының әкімдігі ҚАУЛЫ ЕТЕДІ:

1. Күші жойылды деп танылсын:

1) «Ақтау және Баутино теңіз сауда порттарының акваторияларын қоса алғанда теңіз порттарының шекараларын айқындау туралы» 2015 жылғы 31 желтоқсандағы № 413 Маңғыстау облысы әкімдігінің қаулысы (Нормативтік құқықтық актілерді мемлекеттік тіркеу тізілімінде № 2971 болып тіркелген);

2) «Ақтау халықаралық теңіз сауда порты мен Баутино теңіз портының акваториясын қоса алғанда теңіз порттарының шекараларын айқындау туралы» Маңғыстау облысы әкімдігінің 2015 жылғы 31 желтоқсандағы № 413 қаулысына өзгерістер енгізу туралы» 2022 жылғы 17 ақпандағы № 22 Маңғыстау облысы әкімдігінің қаулысы (Нормативтік құқықтық актілерді мемлекеттік тіркеу тізілімінде № 26947 болып тіркелген).

2. «Маңғыстау облысының жолаушылар көлігі және автомобиль жолдары басқармасы» мемлекеттік мекемесі Қазақстан Республикасының заңнамасында белгіленген тәртіпте:

1) осы қаулының Қазақстан Республикасының әділет органдарында мемлекеттік тіркелуін;

2) осы қаулының ресми жарияланғанынан кейін оның Маңғыстау облысы әкімдігінің интернет-ресурсында орналастырылуын қамтамасыз етсін.

3. Осы қаулы оның алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Манғыстау облысы әкімінің міндетін атқарушы

А. Оралов