«Геодезиялық пункттердің каталогтарын жасау және басып шығару жөніндегі нұсқаулықты бекіту туралы» Қазақстан Республикасының Цифрлық даму, инновациялар және аэроғарыш өнеркәсібі министрінің 2024 жылғы 11 маусымдағы № 336/НҚ бұйрығына өзгерістер енгізу туралы

БҰЙЫРАМЫН:

1. «Геодезиялық пункттердің каталогтарын жасау және басып шығару жөніндегі нұсқаулықты бекіту туралы» Қазақстан Республикасының Цифрлық даму, инновациялар және аэроғарыш өнеркәсібі министрінің 2024 жылғы 11 маусымдағы № 336/НҚ бұйрығына мынадай өзгерістер енгізілсін:

кіріспе мынадай редакцияда жазылсын:

«Қазақстан Республикасы Үкіметінің 2025 жылғы 9 қазандағы № 846 қаулысымен бекітілген Қазақстан Республикасының Жасанды интеллект және цифрлық даму министрлігі туралы ереженің 15-тармағының 268) тармақшасына сәйкес БҰЙЫРАМЫН:»;

көрсетілген бұйрықпен бекітілген Геодезиялық пункттердің каталогтарын жасау және басып шығару жөніндегі нұсқаулықта:

1-тармақ мынадай редакцияда жазылсын:

«1. Геодезиялық пункттердің каталогтарын жасау және басып шығару жөніндегі нұсқаулық (бұдан әрі – Нұсқаулық) «Мемлекеттік басқару жүйесін одан әрі жетілдіру жөніндегі шаралар туралы» Қазақстан Республикасы Президентінің 2025 жылғы 18 қыркүйектегі № 997 Жарлығын іске асыру жөніндегі шаралар туралы» Қазақстан Республикасы Үкіметінің 2025 жылғы 9 қазандағы № 846 қаулысымен бекітілген Қазақстан Республикасының Жасанды интеллект және цифрлық даму министрлігі туралы ереженің (бұдан әрі – Ереже) 15-тармағының 268) тармақшасына сәйкес әзірленді.»

31, 32 және 33-тармақтар мынадай редакцияда жазылсын:

«31. Схемаларды құрастыру кезінде бастапқы ақпарат ретінде «Мемлекеттік геодезиялық қамтамасыз ету» цифрлық жүйесі деректер базасының (бұдан әрі – МГҚ ЦЖ ДБ) деректері пайдаланылады.

32. Каталогтарды құрастырудың негізгі әдісі МГҚ ЦЖ ДБ негізінде автоматтандырылған технология болып табылады.

33. Каталогтарды құрастыру алдындағы дайындық жұмыстары мыналарды қамтиды:

жұмыстарды жоспарлау;

аумақтың топографиялық-геодезиялық қамтылуын зерттеу;

бастапқы материалдарды жинау, зерттеу және жүйелеу;

МГҚ ЦЖ ДБ толықтыру және түзету.»;

35, 36, 37, 38 және 39-тармақтар мынадай редакцияда жазылсын:

«35. Каталогтарды құрастыруға арналған бастапқы материалдар:

МГҚ ЦЖ геодезиялық пункттердің деректер базасы;

МГЖ пункттерін зерттеп-қарау және қалпына келтіру материалдары;

берілген аумаққа геодезиялық желіні теңестіру материалдары;

1:50000 - 1:200000 масштабтағы топографиялық карталардың соңғы басылымдары;

соңғы жарияланған жылдағы берілген номенклатураның геодезиялық пункттерінің каталогы;

дала жұмыстары бойынша техникалық есептер;

соңғы шығарылған жылғы осы номенклатураның карта парағындағы нивелирлеу пункттері биіктіктерінің жинақ каталогы (толықтырулармен);

36. Каталогты құрастыру кезінде мынадай құжаттар пайдаланылады:

тапсырма-жоспар;

шектес жарияланған каталогтар және басып шығаруға дайындалған каталогтар туралы мәліметтер;

МГҚ ЦЖ БД жүргізу, теңестіру және каталогтау бойынша бағдарламалық жүйелерге арналған құжаттама.

37. Каталогты құрастыру кезінде геодезиялық желілер туралы мәліметтердің болуы және оларды теңестіру нәтижелері МГҚ ЦЖ БД-да тексеріледі.

38. Геодезиялық пункттердің автоматтандырылған каталогтарын құрастыру үшін орындаушылардың мынадай құрамы қажет:

МГҚ ЦЖ ДБ жүргізу тобы;

каталогизациялау тобы.

Бірінші топтың тапсырмалары мыналарды қамтиды:

МГҚ ЦЖ ДБ жүргізу, яғни жаңа ақпаратты қабылдау, деректер жиынын толықтыру және реттеу, олардың сақталуын қамтамасыз ету;

геодезиялық желіні теңестіру;

геодезиялық желінің схемасын құрастыру;

геодезиялық өлшемдер бойынша ақпаратты сақтайтын және өңдейтін басқа ұйымдармен өзара әрекеттесу.

Екінші топтың тапсырмалары мыналарды қамтиды:

каталогтау үшін қажетті материалдарды жинау;

каталогтау бойынша жұмыстарды жоспарлау және үйлестіру;

МГҚ ЦЖ ДБ үшін өлшем және сипаттамалық ақпаратты дайындау;

каталогты автоматтандырылған құрастыру және ресімдеу бойынша операцияларды орындау;

каталогты түпкілікті редакциялау және қабылдау.

39. Техникалық қамтамасыз ету

МГҚ ЦЖ ДБ жүргізу тобының және каталогтау топтарының тапсырмалары:

МГҚ ЦЖ ДБ жүргізу;

теңестіру есептеулері;

деректерді каталог көрінісіне өңдеу;

аралық құжаттарды басып шығару;

каталогтың мәтіндік бөлігінің баспа түпнұсқаларын басып шығару;

түпнұсқалық баспа схемаларын жасау.»;

40-тармақтың бірінші бөлігі мынадай редакцияда жазылсын:

«40. Негізгі технологиялық процестер мемлекеттік геодезиялық желі туралы ақпаратты қамтитын МГҚ ЦЖ ДБ пайдалануға негізделген.»;

42-тармақтың бірінші бөлігі мынадай редакцияда жазылсын:

«42. Бағдарламалық қамтылым функционалды мынадай негізгі кешендерге бөлінеді:

МГҚ ЦЖ ДБ жүргізу бағдарламасы;

геодезиялық желілерді теңестіру бағдарламасы;

геодезиялық пункттердің каталогын құру бағдарламасы.».

1-қосымша осы бұйрыққа қосымшаға сәйкес жаңа редакцияда жазылсын.

2. Қазақстан Республикасы Жасанды интеллект және цифрлық даму министрлігінің Геодезия және кеңістіктік деректер департаменті заңнамада белгіленген тәртіппен:

1) осы бұйрыққа қол қойылған күннен бастап күнтізбелік бес күн ішінде оны қазақ және орыс тілдерінде ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін Қазақстан Республикасы Әділет министрлігінің «Қазақстан Республикасының Заңнама және құқықтық ақпарат институты» шаруашылық жүргізу құқығындағы республикалық мемлекеттік кәсіпорнына жіберуді;

2) осы бұйрық ресми жарияланғаннан кейін оны Қазақстан Республикасы Жасанды интеллект және цифрлық даму министрлігінің интернет-ресурсында орналастыруды қамтамасыз етсін.

3. Осы бұйрықтың орындалуын бақылау жетекшілік ететін Қазақстан Республикасының Жасанды интеллект және цифрлық даму вице-министріне жүктелсін.

4. Осы бұйрық 2026 жылғы 12 шілдеден бастап қолданысқа енгізіледі және ресми жариялануға жатады.

Қазақстан Республикасы Премьер-Министрінің орынбасары – Жасанды интеллект және цифрлық даму министрі

Ж. Мәдиев

Қазақстан Республикасы Премьер-Министрінің орынбасары – Жасанды интеллект және цифрлық даму министрінің 2026 жылғы

«___» _________ № ____

бұйрығына 1-қосымша

Геодезиялық пункттердің каталогтарын жасау және басып шығару жөніндегі нұсқаулыққа

1-қосымша

ГЕОДЕЗИЯЛЫҚ ПУНКТТЕРДІҢ КАТАЛОГЫНЫҢ ҮЛГІСІ

Мұқаба

ҚАЗАҚСТАН РЕСПУБЛИКАСЫНЫҢ ЖАСАНДЫ ИНТЕЛЛЕКТ ЖӘНЕ ЦИФРЛЫҚ ДАМУ МИНИСТРЛІГІ

«ҰЛТТЫҚ ГЕОДЕЗИЯ ЖӘНЕ КЕҢІСТІКТІК АҚПАРАТ ОРТАЛЫҒЫ» ШАРУАШЫЛЫҚ ЖҮРГІЗУ ҚҰҚЫҒЫНДАҒЫ РЕСПУБЛИКАЛЫҚ МЕМЛЕКЕТТІК КӘСІПОРНЫ

Белгі

Дана №

ГЕОДЕЗИЯЛЫҚ ПУНКТТЕРДІҢ

КАТАЛОГЫ

КАРТА ПАРАҒЫНЫҢ МАСШТАБЫ 1:200 000

M-42-XII

Белгі

Экз. №

ГЕОДЕЗИЯЛЫҚ ПУНКТТЕР

КАТАЛОГЫ

КАРТА ПАРАҒЫНЫҢ МАСШТАБЫ 1:200 000

M-42-XII

АНЫҚТАМАЛАР ЖҮЙЕСІ ----------------

БИІКТІК ЖҮЙЕСІ -------------------

12-ші АЛТЫ ДӘРЕЖЕЛІ АЙМАҚ

ГРИНВИЧТЕН 69° ОСЬТІК МЕРИДИАН

КЕСТЕ (мысал) 1:100 000 масштабтағы карта парағына МГЖ пункттердің тығыздығы

Пункттердің координаттары мен биіктіктерінің тізімі