Автотұрақтар (паркингтер) үшін бөлінген жерлерге салық ставкалары туралы

Қазақстан Республикасы Салық кодексінің 581-бабының 3-тармағына сәйкес, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңын басшылыққа ала отырып, қалалық мәслихат ШЕШІМ ҚАБЫЛДАДЫ:

1. Автотұрақтарға (паркингтерге) бөлінген жерлерге салынатын салықтың базалық мөлшерлемелері ұлғайтылсын:

1-санат – жабық типтегі жерүсті автотұрақтар, ашық типтегі автотұрақтар. Мөлшерлеме 10 есеге ұлғайтылсын;

2-санат – өзге мақсаттағы ғимараттарға жапсарлас салынған автотұрақтар, өзге мақсаттағы ғимараттарға кіріктірілген автотұрақтар. Мөлшерлеме 9 есеге ұлғайтылсын;

3-санат – ғимараттардың астында орналасқан жерасты, жертөле, цоколь қабаттарында немесе төменгі жерүсті қабаттарында орналасқан автотұрақтар. Мөлшерлеме 8 есеге ұлғайтылсын.

2. Осы шешім алғаш ресми жарияланған күннен кейін күнтізбелік он күн өткен соң қолданысқа енгізіледі.

Мәслихат төрағасы

А.Ломакин