Жаңаарқа ауданының жұмыспен қамту және әлеуметтік бағдарламалар бөлімінің «Жаңаарқа ауданының арнайы әлеуметтік қызметтер көрсету орталығы» коммуналдық мемлекеттік мекемесін құру туралы

Қазақстан Республикасының Әлеуметтік кодексінің 19-бабының 9) тармақшасына, «Мемлекеттік мүлік туралы» Қазақстан Республикасының Заңының 18-бабына, Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 22 маусымдағы №230 бұйрығымен бекітілген Арнаулы әлеуметтік қызметтер көрсететін ұйымдар қызметтінің қағидаларының 2-1-тармағына сәйкес, және Ұлытау облысының жұмыспен қамтуды үйлестіру және әлеуметтік бағдарламалар басқармасының басшысы Қ.Саттыбаевтың 2026 жылғы 8 қаңтардағы хатын негізге ала отырып, Жаңаарқа ауданының әкімдігі ҚАУЛЫ ЕТЕДІ:

1. Жаңаарқа ауданының жұмыспен қамту және әлеуметтік бағдарламалар бөлімінің «Жаңаарқа ауданының арнайы әлеуметтік қызметтер көрсету орталығы» коммуналдық мемлекеттік мекемесі (бұдан әрі -Орталық) құрылсын.

2. Орталықтың уәкілетті органы «Жаңаарқа ауданының жұмыспен қамту және әлеуметтік бағдарламалар бөлімі» мемлекеттік мекемесі болып белгіленсін.

3. «Жаңаарқа ауданының жұмыспен қамту және әлеуметтік бағдарламалар бөлімі» мемлекеттік мекемесі:

1) заңнамада белгіленген тәртіппен Орталықтың мемлекеттік тіркелуін әділет органдарында қамтамасыз етсін;

2) осы қаулыдан туындайтын өзге де шараларды қабылдасын.

4. Осы қаулының орындалуын бақылау жетекшілік ететін Жаңаарқа ауданы әкімінің орынбасарына жүктелсін.

Жаңаарқа ауданының әкімі

Қ.Ш.Қожықаев

Жаңаарқа ауданының әкімдігінің

2026 жылғы «19 » қантардағы

№ 04/03 қаулысына қосымша

2026 жылға арналған арнаулы әлеуметтік қызметтер көрсетуге тарифтер