2026-2028 жылдарға арналған Солтүстік Қазақстан облысы Уәлиханов ауданының бюджетін бекіту туралы

Қазақстан Республикасы Бюджет кодексінің 7-бабы 1-тармағының 3) тармақшасына, 85-бабының 2-тармағына, 91-бабына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 6-бабы 1-тармағының 1) тармақшасына сәйкес Уәлиханов аудандық мәслихаты ШЕШІМ ҚАБЫЛДАДЫ:

1. 2026-2028 жылдарға арналған Солтүстік Қазақстан облысы Уәлиханов ауданының бюджеті осы шешімге тиісінше 1, 2 және 3-қосымша ларға сәйкес, соның ішінде 2026 жылға келесі көлемдерде бекітілсін:

1) кірістер – 3 500 968,6 мың теңге:

салықтық түсімдер – 1 108 452,4 мың теңге;

салықтық емес түсімдер – 36 719 мың теңге;

негізгі капиталды сатудан түсетін түсімдер – 2 000 мың теңге;

трансферттер түсімі – 2 353 797,2 мың теңге;

2) шығындар –4 377 026,5 мың теңге;

3) таза бюджеттік кредиттеу – 19 951 мың теңге:

бюджеттік кредиттер – 60 550 мың теңге;

бюджеттік кредиттерді өтеу – 40 599 мың теңге;

4) қаржы активтері мен операциялар бойынша сальдо – 0 теңге:

қаржы активтерін сатып алу – 0 теңге;

мемлекеттiң қаржы активтерiн сатудан түсетiн түсiмдер – 0 теңге;

5) бюджет тапшылығы (профициті) – -896 008,9 мың теңге;

6) бюджеттің мұнай емес тапшылығы (профициті) – -896 008,9 мың теңге;

7) бюджет тапшылығын қаржыландыру (профицитін пайдалану) – 896 008,9 мың теңге:

қарыздар түсімі – 768 794 мың теңге;

қарыздарды өтеу – 56 751 мың теңге;

бюджет қаражатының пайдаланылатын қалдықтары – 183 965,9 мың теңге.

2. 2026 жылға арналған аудандық бюджетінің кірістері Қазақстан Республикасының Бюджет кодексіне сәйкес келесі салықтық түсімдер есебінен  қалыптастырылатыны белгіленсін:

1) республикалық бюджетке есепке жатқызылатын ірі кәсіпкерлік субъектілерінен түсетін түсімдерді және мұнай секторының ұйымдарынан түсетін түсімдерді қоспағанда, корпоративтік табыс салығы;

2) мемлекеттік кірістер органында тіркеу есебіне қою кезінде мәлімделген:

дара кәсіпкер, жекеше нотариус, жеке сот орындаушысы, адвокат, кәсіпқой медиатор үшін – тұрған жері;

қалған жеке тұлғалар үшін – тұрғылықты жері аудандық маңызы бар қаланың, ауылдың, кенттің аумағында орналасқан жеке тұлғалар дербес салық салуға жататын кірістер бойынша жеке табыс салығын қоспағанда, жеке табыс салығы;

3) Қазақстан Республикасының заңдарына сәйкес «Азаматтарға арналған үкімет» мемлекеттік корпорациясы аудандық (облыстық маңызы бар қала) бюджетке төлеген және аударған, арнаулы мобильдік қосымша пайдаланылатын арнаулы салық режимін қолданатын және Қазақстан Республикасының Әлеуметтік кодексіне сәйкес орындаушылар болып табылатын дара кәсіпкерлердің кірістерінен алынатын жеке табыс салығы;

4) облыстық мәслихат белгілеген кірістерді бөлу нормативтері бойынша әлеуметтік салық;

5) аудандық маңызы бар қала, ауыл, кент, ауылдық округ аумағындағы осы салықты салу объектілері бойынша жеке тұлғаларға салынатын мүлік салығын қоспағанда, жеке және заңды тұлғаларға, дара кәсіпкерлерге салынатын мүлік салығы;

6) аудандық маңызы бар қала, ауыл, кент аумағындағы жер учаскелері бойынша жеке және заңды тұлғалардан алынатын, елді мекендер жерлеріне салынатын жер салығын қоспағанда, жер салығы;

7) мыналардан:

тұрғылықты жері аудандық маңызы бар қала, ауыл, кент аумағындағы жеке тұлғалардан;

өздерінің құрылтай құжаттарында көрсетілген тұрған жері аудандық маңызы бар қаланың, ауылдың, кенттің аумағында орналасқан заңды тұлғалардан алынатын көлік құралы салығын қоспағанда, көлік құралы салығы;

8) бірыңғай жер салығы;

9) мыналарға:

Қазақстан Республикасының аумағында өндірілген спирттің барлық түріне;

Қазақстан Республикасының аумағында өндірілген алкоголь өніміне;

Қазақстан Республикасының аумағында өндірілген, құрамындағы этил спиртінің көлемі 0,5 пайыздан аспайтын сыра қайнату өніміне;

Қазақстан Республикасының аумағында өндірілген темекі бұйымдарына;

Қазақстан Республикасының аумағында өндірілген жеңіл автомобильдерге (мүгедектігі бар адамдарға арнайы жасалған қолмен басқарылатын немесе қолмен басқаруға бейімделген автомобильдерден басқа);

бензинге (авиациялық бензинді қоспағанда), дизель отынына, газохолға, бензанолға, мұнай еріткішке, жеңіл көмірсутектер қоспасына және экологиялық отынға акциздер;

10) аудандық маңызы бар қала, ауыл, кент аумағындағы жер учаскелерін қоспағанда, жер учаскелерін пайдаланғаны үшін төлемақы;

11) аудандық маңызы бар қала, ауыл, кент, ауылдық округ аумағындағы кең таралған пайдалы қазбаларға, жерасты суларына және емдік балшықтарға салынатын пайдалы қазбаларды өндіру салығын қоспағанда және мұнай секторының ұйымдарынан түсетін түсімдерді қоспағанда, кең таралған пайдалы қазбаларға, жерасты суларына және емдік балшықтарға салынатын пайдалы қазбаларды өндіру салығы;

12) жекелеген қызмет түрлерімен айналысу құқығы үшін лицензиялық алым (жекелеген қызмет түрлерімен айналысуға арналған лицензиялар бергені үшін алым);

13) сыртқы (көрнекі) жарнаманы облыстық маңызы бар қаладағы үй-жайлардың шегінен тыс ашық кеңістікте, облыстық маңызы бар қаланың аумағы арқылы өтетін жалпыға ортақ пайдаланылатын автомобиль жолдарының бөлінген белдеуінде орналастырғаны үшін төлемақы;

14) коммерциялық ұйымдарды қоспағанда, заңды тұлғаларды, олардың филиалдары мен өкілдіктерін мемлекеттік (есептік) тіркегені, сондай-ақ оларды қайта тіркегені үшін алым;

15) көлік құралдарын мемлекеттік тіркегені, сондай-ақ оларды қайта тіркегені үшін алым;

16) жылжымалы мүлік кепілін және кеме ипотекасын мемлекеттік тіркегені, сондай-ақ әуе кемесін тіркеуден алып тастауға және әкетуге кері қайтарып алынбайтын өкілеттікті мемлекеттік тіркегені үшін алым;

17) жекелеген қызмет түрлерімен айналысуға арналған лицензияларды пайдаланғаны үшін төлемақы;

18) консулдық алымнан басқа, мемлекеттік баж.

3. Аудандық бюджеттің кірістері келесі салықтық емес түсімдер есебінен  қалыптасатыны белгіленсін:

1) коммуналдық меншіктен түсетін кірістер:

аудандық (облыстық маңызы бар қала) әкімдіктің шешімі бойынша құрылған коммуналдық мемлекеттік кәсіпорындардың таза кірісі бөлігінің түсімдері;

аудандық (облыстық маңызы бар қала) коммуналдық меншіктегі акциялардың мемлекеттік пакеттеріне төленетін дивидендтер;

аудандық (облыстық маңызы бар қалалар) коммуналдық меншіктегі заңды тұлғаларға қатысу үлестеріне төленетін кірістер;

аудандық маңызы бар қала, ауыл, кент, ауылдық округ әкімінің басқаруындағы аудандық (облыстық маңызы бар қаланың) коммуналдық меншік мүлкін жалға беруден түсетін кірістерді қоспағанда, аудандық (облыстық маңызы бар қаланың) коммуналдық меншік мүлкін жалға беруден түсетін кірістер;

аудандық маңызы бар қала, ауыл, кент, ауылдық округ әкімінің басқаруындағы мемлекеттік мүлікті жалға беруден түсетін кірістерді қоспағанда, аудандық (облыстық маңызы бар қала) коммуналдық меншіктегі тұрғын үй қорынан тұрғынжайларды жалға беруден түсетін кірістер;

аудандық (облыстық маңызы бар қала) бюджеттен берілген кредиттер бойынша сыйақылар;

аудандық (облыстық маңызы бар қала) коммуналдық меншіктен түсетін өзге де кірістер;

2) аудандық (облыстық маңызы бар қала) бюджеттен қаржыландырылатын мемлекеттік мекемелердің тауарларды (жұмыстарды, көрсетілетін қызметтерді) өткізуінен түсетін түсімдер;

3) аудандық (облыстық маңызы бар қала) бюджеттен қаржыландырылатын мемлекеттік мекемелер ұйымдастыратын мемлекеттік сатып алуды өткізуден түсетін ақша түсімдері;

4) аудандық маңызы бар қалалардың, ауылдардың, кенттердің, ауылдық округтердің әкімдері салатын айыппұлдарды қоспағанда, аудандық (облыстық маңызы бар қала) бюджеттен қаржыландырылатын мемлекеттік мекемелер салатын айыппұлдар;

5) жергілікті атқарушы органдар тартатын гранттар;

6) аудандық (облыстық маңызы бар қала) бюджетке түсетін өзге де салықтық емес түсімдер.

4. Аудандық бюджеттің кірістері негізгі капиталды сатудан түсетін түсімдер есебінен  қалыптасатыны белгіленсін:

1) аудандық (облыстық маңызы бар қала) бюджеттен қаржыландырылатын мемлекеттік мекемелерге бекітіліп берілген мүлікті сатудан түсетін түсімдер;

2) мемлекеттік тұрғын үй қорынан тұрғынжайларды жекешелендіруден түсетін түсімдер;

3) ауыл шаруашылығы мақсатындағы жер учаскелерін немесе аудандық маңызы бар қала, ауыл, кент аумағындағы жер учаскелерін сатудан түсетін түсімдерді қоспағанда, жер учаскелерін сатудан түсетін түсімдер;

4) аудандық маңызы бар қала, ауыл, кент аумағындағы жер учаскелерін қоспағанда, жер учаскелерін жалдау құқығын сатқаны үшін төлемақы.

5. Аудандық бюджетке түсетін трансферттер облыстық бюджеттен және ауылдық округтер бюджеттерінен түсетін трансферттер болып белгіленсін.

6. Аудандық бюджетке аудандық бюджеттен берілген несиелерді өтеуден, ауданның коммуналдық меншігіндегі мемлекеттің қаржы активтерін сатудан, ауданның жергілікті атқарушы органының несиелерінен түсетін түсімдер қамтылатыны белгіленсін.

7. Аудандық бюджетке облыстық бюджеттен берiлетiн субвенциялар 851 405 мың теңге сомасында қарастырылсын.

8. Ауданның жергілікті атқарушы органының 2026 жылға резерві 23 499 мың теңге көлемінде бекітілсін.

9. Ауылдық округтердің бюджеттеріне аудандық бюджеттен берілетін субвенциялар 4-қосымшаға сәйкес қарастырылсын.

10. 2026 жылдың аудан бюджетінің шығындарында 451.007. «Жергілікті өкілді органдардың шешімі бойынша мұқтаж азаматтардың жекелеген санаттарына әлеуметтік көмек» бюджеттік бағдарламасы бойынша 5-қосымшаға сәйкес мұқтаж азаматтардың жекелеген санаттарына әлеуметтік көмек қарастырылатыны белгіленсін.

11. 2026 жылға арналған аудандық бюджетте республикалық бюджеттен берілетін мамандарға әлеуметтік қолдау көрсету шараларын жүзеге асыруға арналған бюджеттік кредиттер ескерілсін.

12. 2026 жылға арналған аудандық бюджетте облыстық бюджеттен нысаналы трансферттер ескерілсін, оның ішінде:

1) санаторлық-курорттық емделуге;

2) протездік-ортопедиялық құралдарға;

3) сурдотехникалық құралдарға;

4) тифлотехникалық құралдарға;

5) арнайы қозғалыс құралдарына (кресло-арбалар);

6) жаңа бастамаларға;

7) психикалық кемістігі бар балаларға арналған санаторий-курорттық емдеу;

8) гигиеналық құралдар (жөргектер);

9) отбасын қолдау орталығының ағымдағы мазмұны;

10) КТUL-343 «Солтүстік Қазақстан облысы шекарасы–Ақмола облысының шекарасы» аудандық маңызы бар автомобиль жолының орташа жөндеуге;

11) КТUL-84 «Ақбұлақ- Жас Ұлан» 0-26 км аудандық маңызы бар автомобиль жолының орташа жөндеуге;

12) КTUL-341 «Қулыкөл-Қаратал-Береке» 0-5,3 км (5,3 км) аудандық маңызы бар автомобиль жолының орташа жөндеуге;

13) КTUL-100 «Көктерек-Тоспа-Жасқайрат-Қайрат» 30,0-78,8 км аудандық маңызы бар автомобиль жолының орташа жөндеуге;

14) «Ауыл-Ел бесігі» жобасы шеңберінде ауылдық елді мекендердегі әлеуметтік және инженерлік инфрақұрылымдарды дамытуға;

15) орталықтандырылған кітапхана жүйесінің ғимаратын күрделі жөндеуге;

16) мәдениет мекемелерін ұстау;

17) жергілікті атқарушы органдар бойынша мемлекеттік қызметшілердің төменгі санаттарына лауазымдық айлықақыларын арттыруға;

18) халықтың әлеуметтік осал топтары үшін коммуналдық тұрғын үй қорынан тұрғын үй сатып алуға;

19) Бидайық ауылында спорт залы үшін блоктық-модульдік қазандық сатып алуға;

20) Бидайық ауылында жасанды жабыны бар шағын футбол алаңын орнатуға;

21) ауылдық елді мекендерді дамыту және салу схемаларын кезең-кезеңімен әзірлеу және түзету бойынша ведомстводан тыс кешенді сараптама жүргізуге;

22) Көбенсай ауылындағы су көтергіш бөгеттің гидротехникалық құрылыстарын көп факторлы тексеруге;

23) «Екі көз» 2 терезелі су өткізу құрылысының гидротехникалық құрылыстарын көп факторлы тексеруге.

Көрсетілген облыстық бюджеттен нысаналы трансферттерді бөлу Солтүстік Қазақстан облысы Уәлиханов ауданы әкімдігінің «2026-2028 жылдарға арналған Солтүстік Қазақстан облысы Уәлиханов ауданының бюджетін бекіту туралы» Уәлиханов аудандық мәслихатының шешімін іске асыру туралы»  қаулысымен айқындалады.

13. 2026 жылға арналған аудандық бюджетте ауылдық округтердің бюджеттеріне нысаналы трансферттер қарастырылсын.

Көрсетілген аудандық бюджеттен нысаналы трансферттерді бөлу Солтүстік Қазақстан облысы Уәлиханов ауданы әкімдігінің «2026-2028 жылдарға арналған Солтүстік Қазақстан облысы Уәлиханов ауданының бюджетін бекіту туралы» Уәлиханов аудандық мәслихатының шешімін іске асыру туралы»  қаулысымен айқындалады.

13-1. 6-қосымшаға сәйкес 2026 жылғы 1 қаңтарға қалыптасқан бос қалдықтар есебінен 2026 жылға арналған бюджет шығыстары қарастырылсын.

14. Осы шешім 2026 жылғы 1 қаңтардан бастап қолданысқа енгізіледі.

Уәлиханов аудандық мәслихатының төрағасы

С. Саниев

Уәлиханов аудандық мәслихатының

2025 жылғы 22 желтоқсандағы

№ 2-36 с шешіміне

1-қосымша

2026 жылға арналған Солтүстік Қазақстан облысы Уәлиханов ауданының бюджеті

Уәлиханов аудандық мәслихатының

2025 жылғы 22 желтоқсандағы

№ 2-36 c шешіміне

2-қосымша

  2027 жылға арналған Солтүстік Қазақстан облысы Уәлиханов ауданының бюджеті

Уәлиханов аудандық мәслихатының

2025 жылғы 22 желтоқсандағы

№ 2-36 с шешіміне

3-қосымша

  2028 жылға арналған Солтүстік Қазақстан облысы Уәлиханов ауданының бюджеті

Уәлиханов аудандық мәслихатының

2025 жылғы 22 желтоқсандағы

№2-36 с шешіміне

4-қосымша

2026 жылға арналған ауылдық округтердің бюджеттеріне аудандық бюджеттен берілетін субвенциялардың бөлуі

Уәлиханов аудандық мәслихатының

2025 жылғы 22 желтоқсандағы

№ 2-36 с шешіміне

5-қосымша

2026 жылға арналған арналған 451.007 «Жергілікті өкілді органдардың шешімі бойынша мұқтаж азаматтардың жекелеген санаттарына әлеуметтік көмек» бюджеттік бағдарламасы бойынша мұқтаж азаматтардың жекелеген санаттарына әлеуметтік көмек

Уәлиханов аудандық мәслихатының

2025 жылғы 22 желтоқсандағы

№ 2-36 c шешіміне

6-қосымша

  2026 жылғы 1 қаңтардағы жағдай бойынша бос бюджет қаражаты есебінен шығыстар