2026–2028 жылдарға арналған Шұбарқұдық ауылдық округ бюджетін бекіту туралы

Қазақстан Республикасының Бюджет кодексінің 91-бабының 3-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес Темір аудандық мәслихаты ШЕШІМ ҚАБЫЛДАДЫ:

1. 2026–2028 жылдарға арналған Шұбарқұдық ауылдық округ бюджеті осы шешімдегі 1, 2 және 3–қосымшаларға сәйкес, оның ішінде 2026 жылға мынадай көлемдерде бекітілсін:

1) кірістер – 690 634 мың теңге, оның ішінде:

салықтық түсімдер – 239 600 мың теңге;

салықтық емес түсімдер – 9 600 мың теңге;

негізгі капиталды сатудан түсетін түсімдер – 6 000 мың теңге;

трансферттер түсімдері – 435 434 мың теңге, оның ішінде:

субвенция – 13 707 мың теңге;

2) шығындар – 722 247,9 мың теңге;

3) таза бюджеттік кредиттеу – 0 тенге, оның ішінде:

бюджеттік кредиттер – 0 теңге;

бюджеттік кредиттерді өтеу – 0 теңге;

4) қаржы активтерімен жасалатын операциялар бойынша сальдо – 0 теңге, оның ішінде:

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

5) бюджет тапшылығы (профициті) – 31 613,9 мың теңге;

6) бюджет тапшылығын қаржыландыру (профицитін пайдалану) – - 31 613,9 мың теңге, оның ішінде:

қарыздар түсімі – 0 теңге;

қарыздарды өтеу – 0 теңге;

бюджет қаражатының пайдаланылатын қалдықтары – 31 613,9 мың теңге.

2. Шұбарқұдық ауылдық округ бюджетінің кірісіне мыналар есептелетін болып ескерілсін:

салықтық түсімдер:

табыс салығы, оның ішінде:

жеке табыс салығы;

меншiкке салынатын салықтар, оның ішінде:

мүлiкке салынатын салықтар:

жер салығы;

көлік құралдарына салынатын салық;

тауарларға, жұмыстарға және көрсетілетін қызметтерге салынатын ішкі салықтар, оның ішінде:

табиғи және басқа да ресурстарды пайдаланғаны үшін түсетін түсімдер;

кәсіпкерлік және кәсіби қызметті жүргізгені үшін алынатын алымдар;

салықтық емес түсімдер:

басқа да салықтық емес түсімдер, оның ішінде:

жеке және заңды тұлғалардың ерікті түрдегі алымдар;

негізгі капиталды сатудан түсетін түсімдер:

жерді және материалдық емес активтерді сату, оның ішінде:

жерді сату.

3. Қазақстан Республикасының «2026–2028 жылдарға арналған республикалық бюджет туралы» Заңының 7-бабына сәйкес белгіленгені ескерілсін және басшылыққа алынсын:

2026 жылғы 1 қаңтардан бастап:

1) жалақының ең төмен мөлшерi – 85 000 теңге;

2) зейнетақының ең төмен мөлшері – 69 049 теңге;

3) айлық есептiк көрсеткiш – 4 325 теңге;

4) базалық әлеуметтiк төлемдердiң мөлшерлерiн есептеу үшiн ең төмен күнкөрiс деңгейiнiң шамасы – 50 851 теңге.

4. Темір аудандық мәслихатының 2025 жылғы 19 желтоқсандағы № 388 «2026–2028 жылдарға арналған Темір аудандық бюджетін бекіту туралы» шешіміне сәйкес 2026 жылға арналған аудандық бюджеттен Шұбарқұдық ауылдық округ бюджетіне берілетін субвенция көлемі 13 707 мың теңге сомасында көзделген.

5. 2026 жылға арналған Шұбарқұдық ауылдық округ бюджетінде аудандық бюджеттен 115 336 мың теңге сомасында ағымдағы нысаналы трансферттердің түсімдері ескерілсін.

Ағымдағы нысаналы трансферттердің аталған сомаларын бөлу Шұбарқұдық ауылдық округ әкімінің шешімі негізінде айқындалады.

6. Осы шешім 2026 жылғы 1 қаңтардан бастап қолданысқа енгізіледі.

Темір аудандық мәслихатының төрағасы

Б. Шаимов

Темір аудандық мәслихатының

2025 жылғы 29 желтоқсандағы

№ 409 шешіміне 1–қосымша

2026 жылға арналған Шұбарқұдық ауылдық округ бюджеті

Темір аудандық мәслихатының

2025 жылғы 29 желтоқсандағы

№ 409 шешіміне 2–қосымша

2027 жылға арналған Шұбарқұдық ауылдық округ бюджеті

Темір аудандық мәслихатының

2025 жылғы 29 желтоқсандағы

№ 409 шешіміне 3–қосымша

2028 жылға арналған Шұбарқұдық ауылдық округ бюджеті