2026-2028 жылдарға арналған Әйтеке би аудандық бюджетін бекіту туралы

Қазақстан Республикасының Бюджет Кодексінің 91-бабының 3-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабына сәйкес, Әйтеке би аудандық мәслихаты ШЕШІМ ҚАБЫЛДАДЫ:

1. 2026 - 2028 жылдарға арналған аудандық бюджет тиісінше 1, 2 және 3 қосымшаларға сәйкес, оның ішінде, 2026 жылға келесідей көлемде бекітілсін:

1) кірістер – 9 153 676,8 мың теңге, оның ішінде:

салықтық түсімдер – 3 722 333,2 мың теңге;

салықтық емес түсімдер – 6 220 мың теңге;

негізгі капиталды сатудан түсетін түсімдер – 29 600 мың теңге;

трансферттер түсімдері – 5 395 523,6 мың теңге;

2) шығындар – 10 024 243,2 мың теңге;

3) таза бюджеттік кредит беру – 3 331 мың теңге, оның ішінде:

бюджеттік кредиттер – 103 800 мың теңге;

бюджеттік кредиттерді өтеу – 100 469 мың теңге;

4) қаржы активтерiмен жасалатын операциялар бойынша сальдо - 0 теңге;

5) бюджет тапшылығы (профициті) – - 873 897,4 мың теңге;

6) бюджет тапшылығын қаржыландыру (профицитін пайдалану) – 873 897,4 мың теңге, оның ішінде:

қарыздар түсімі – 103 800 мың теңге;

қарыздарды өтеу – 817 652 мың теңге;

7) бюджет қаражатының пайдаланылатын қалдықтары – 1 587 749,4 мың теңге.

2. 2026 жылға арналған аудандық бюджетте салық түсімдерінің жалпы сомасын мынадай мөлшерлерде бөлу белгіленсін:

1) төлем көзінде кірістерге салынатын жеке табыс салығы бойынша– 100 пайыз;

2) мұнай секторы ұйымдарынан түсетін түсімдерді қоспағанда, заңды тұлғалардан алынатын корпоративтік табыс салығы бойынша –100 пайыз;

3) төлем көзінен салық салынбайтын шетелдік азаматтар табыстарынан ұсталатын жеке табыс салығы бойынша –100 пайыз.

3. Мәліметке және басшылыққа алып, «2026-2028 жылдарға арналған республикалық бюджет туралы» Қазақстан Республикасының Заңының 7 - бабына сәйкес, 2026 жылғы 1 қаңтардан бастап белгіленді:

1) жалақының ең төменгі мөлшері – 85 000 теңге;

2) зейнетақының ең төмен мөлшері – 69 049 мың теңге;

3) айлық есептік көрсеткіш – 4 325 теңге;

4) базалық әлеуметтік төлемдердің мөлшерін есептеу үшін ең төменгі күнкөріс деңгейінің шамасы – 50 851 теңге.

4. 2025 жылғы 10 желтоқсандағы № 298 «2026-2028 жылдарға арналған облыстық бюджет туралы шешімі» облыстық мәслихат шешімінің 6-тармағына сәйкес, 2026 жылға облыстық бюджеттен аудандық бюджетке берілетін субвенция 321 093 мың теңге сомасында көзделді.

5. 2026 жылғы арналған аудандық бюджетте аудандық бюджеттен аудандық маңызы бар қала, ауыл, кент, ауылдық округтер бюджеттеріне берілетін субвенциялар 532 866 мың теңге көзделсін.

6. 2026 жылға арналған аудандық бюджетте мамандарды әлеуметтік қолдау шараларын іске асыруға республикалық бюджеттен кредиттер түсімдері ескерілсін.

Аталған кредиттердің сомаларын бөлу аудан әкімдігінің қаулысы негізінде айқындалады.

7. 2026 жылға арналған аудандық бюджетте ауылдық округтер бюджеттерге ағымдағы нысаналы трансферттер көзделсін:

1) аудандық маңызы бар қала, ауыл, кент, ауылдық округ әкімінің қызметін қамтамасыз ету жөніндегі қызметтерге;

2) мемлекеттік органның күрделі шығыстарына;

3) елді мекендердегі көшелерді жарықтандыруға;

4) елді мекендердің санитариясын қамтамасыз етуге;

5) елді мекендерді абаттандыру мен көгалдандыруға;

6) аудандық маңызы бар қалаларда, ауылдарда, кенттерде, ауылдық округтерде автомобиль жолдарының жұмыс істеуін қамтамасыз етуге;

7) аудандық маңызы бар қалаларда, ауылдарда, кенттерде, ауылдық округтерде автомобиль жолдарын күрделі және орташа жөндеуге.

Аталған трансферттерінің сомасын бөлу аудан әкімдігі қаулысы негізінде айқындалады.

8. 2026 жылға арналған аудандық бюджетте республикалық бюджеттен даму трансферттердің түсімдері көзделсін:

1) газ тасымалдау жүйесін дамытуға.

9. 2026 жылға арналған аудандық бюджетте облыстық бюджеттен нысаналы ағымдағы трансферттер және даму трансферттердің түсімдері көзделсін:

1) газ тасымалдау жүйесін дамытуға;

2) кәсіпкерлік субъектілерін мемлекеттік қолдау шаралары шеңберінде индустриялық инфрақұрылымды дамытуға;

3) спорт объектілерін дамытуға;

4) көлік инфрақұрылымын дамытуға;

5) коммуналдық тұрғын үй қорының тұрғын үй сатып алуға;

6) көлiк инфрақұрылымының басым жобаларын қаржыландыруға;

7) ауданның (облыстық маңызы бар қаланың) коммуналдық меншігіндегі газ жүйелерін пайдалануды ұйымдастыруға.

Аталған трансферттердің сомаларын бөлу аудан әкімдігінің қаулысы негізінде айқындалады.

10. 2026 жылға арналған ауданның жергілікті атқарушы органының резерві 78 000 мың теңге сомасында бекітілсін.

11. Осы шешім 2026 жылғы 1 қаңтардан бастап қолданысқа енгізіледі.

Әйтеке би аудандық мәслихаттың төрағасы:

Б.Д. Сейлханов

Әйтекеби аудандық мәслихатының

2025 жылғы 29 желтоқсандағы

№ 444 шешіміне 1-қосымша

2026 жылға арналған Әйтеке би аудандық бюджеті

Әйтеке би аудандық мәслихаттың

2025 жылғы 29 желтоқсандағы

№ 444 шешіміне 2-қосымша

2027 жылға арналған Әйтеке би аудандық бюджеті

Әйтеке би аудандық мәслихаттың

2025 жылғы 29 желтоқсандағы

№ 444 шешіміне 3-қосымша

2028 жылға арналған Әйтеке би аудандық бюджеті

Әйтеке би аудандық мәслихаттың

2025 жылғы 29 желтоқсандағы

№ 444 шешіміне 4-қосымша

2026 жылға арналған аудандық бюджеттен аудандық маңызы бар қала мен ауылдық округтер бюджеттеріне берілетін трансферттердің көлемі