2026-2028 жылдарға арналған Мағжан Жұмабаев ауданы Возвышен ауылдық округінің бюджетін бекіту туралы

Қазақстан Республикасы Бюджет кодексінің 7-бабының 1-тармағының 4) тармақшасына, 85-бабының 3-тармағына, 89-бабына, 91-бабының 3-тармағына, Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңының 6-бабының 2-7-тармағына, 7-бабының 5-тармағына сәйкес, Солтүстік Қазақстан облысы Мағжан Жұмабаев ауданының мәслихаты ШЕШІМ ҚАБЫЛДАДЫ:

1. 2026-2028 жылдарға арналған Мағжан Жұмабаев ауданы Возвышен ауылдық округінің бюджеті тиісінше осы шешімге 1, 2 және 3-қосымша ларға сәйкес, оның ішінде 2026 жылға мынадай көлемдерде бекітілсін:

1) кірістер – 93 997,3 мың теңге:

салықтық түсімдер – 38 732,0 мың теңге;

салықтық емес түсімдер – 0,0 мың теңге;

негізгі капиталды сатудан түсетін түсімдер – 130,0 мың теңге;

арнаулы түсімдер – 0,0 мың теңге;

трансферттер түсімі – 55 135,3 мың теңге;

2) шығындар – 93 998,1 мың теңге;

3) таза бюджеттік кредиттеу – 0,0 мың теңге:

бюджеттік кредиттер – 0,0 мың теңге;

бюджеттік кредиттерді өтеу – 0,0 мың теңге;

4) қаржы активтерімен операциялар бойынша сальдо – 0,0 мың теңге:

қаржы активтерін сатып алу – 0,0 мың теңге;

мемлекеттің қаржы активтерін сатудан түсетін түсімдер – 0,0 мың теңге;

5) бюджет тапшылығы (профициті) – -0,8 мың теңге;

6) бюджеттің мұнайға қатысты емес тапшылығы (профициті) – -0,8 мың теңге;

7) бюджет тапшылығын қаржыландыру (профицитін пайдалану) – 0,8 мың теңге:

қарыздар түсімі – 0,0 мың теңге;

қарыздарды өтеу – 0,0 мың теңге;

бюджет қаражатының пайдаланылатын қалдықтары – 0,8 мың теңге.

2. 2026 жылға арналған ауылдық округ бюджетінің кірістері Қазақстан Республикасының Бюджет кодексіне сәйкес мынадай салық түсімдері есебінен қалыптастырылатыны белгіленсін:

1) Возвышен ауылдық округінің аумағында мемлекеттік кіріс органдарында тіркеу есебіне қою кезінде мәлімделген:

дара кәсіпкер, жекеше нотариус, жеке сот орындаушысы, адвокат, кәсіпқой медиатор үшін – тұрған жері;

қалған жеке тұлғалар үшін – тұрғылықты жері орналасқан жеке тұлғалар дербес салық салуға жататын кірістер бойынша жеке табыс салығы;

2) Возвышен ауылдық округінің аумағындағы осы салықты салу объектілері бойынша жеке тұлғалардың мүлкіне салынатын салық;

3) Возвышен ауылдық округінің аумағындағы жер учаскелері бойынша жеке және заңды тұлғалардан алынатын, елдi мекендер жерлерiне салынатын жер салығы;

4) мыналардан:

тұрғылықты жері Возвышен ауылдық округінің аумағындағы жеке тұлғалардан;

өздерінің құрылтай құжаттарында көрсетілетін тұрған жері Возвышен ауылдық округінің аумағында орналасқан заңды тұлғалардан алынатын көлік құралдары салығы;

5) жер учаскелерін пайдаланғаны үшін төлемақы.

3. Ауылдық округ бюджеттің кірістері мынадай негізгі капиталды сатудан түсетін түсімдер есебінен қалыптастырылатыны белгіленсін:

1) ауылдық округ бюджетінен қаржыландырылатын мемлекеттік мекемелерге бекітіліп берілген мүлікті сатудан түсетін түсімдер;

2) ауыл шаруашылығы мақсатындағы жер учаскелерін сатудан түсетін түсімдерді қоспағанда, жер учаскелерін сатудан түсетін түсімдер;

3) жер учаскелерін жалдау құқығын сатқаны үшін төлемақы.

4. 2026 жылға арналған ауылдық округ бюджетінде аудандық бюджеттен округ бюджетіне берілетін субвенция көлемі 11 202,0 мың теңге сомасында көзделгендігі ескерілсін.

5. 2026 жылға арналған Возвышен ауылдық округінің бюджетінде облыстық бюджеттен ағымдағы трансферттердің түсімі ескерілсін, оның ішінде:

1) жергілікті атқарушы органдар бойынша мемлекеттік қызметшілердің төменгі санаттарына лауазымдық айлықақыларын арттыруға;

2) Солтүстік Қазақстан облысы Мағжан Жұмабаев ауданы Возвышен ауылындағы таза су резервуарын ағымдағы жөндеуге.

6. 2026 жылға арналған Возвышен ауылдық округінің бюджетінде аудан бюджетінен ағымдағы трансферттердің түсімдері ескерілсін, оның ішінде:

1) ауылдық округтің елді мекендерінің көше жарығын ағымдағы жөндеуге және ұстауға;

2) ауылдық округтің елді мекендерінің санитариясын қамтамасыз етуге;

3) ауылдық округтің елді мекендерін абаттандыруға;

4) ауылдық округтің елді мекендерінің автомобиль жолдарының жұмыс істеуін қамтамасыз етуге;

5) ауылдық округтің елді мекендерін сумен жабдықтауды ұйымдастыруға.

6-1. Возвышен ауылдық округінің бюджетінде 2026 жылғы 1 қаңтардағы жағдай бойынша қалыптасқан бюджеттік қаражаттардың бос қалдықтары есебінен 4-қосымшаға сәйкес шығыстар ескерілсін.

7. Осы шешім 2026 жылғы 1 қаңтардан бастап қолданысқа енгізіледі.

Мағжан Жұмабаев ауданы мәслихатының төрағасы

А. Рахметова

Солтүстік Қазақстан облысы

Мағжан Жұмабаев ауданы мәслихатының 2025 жылғы

24 желтоқсандағы № 34-12

шешіміне 1-қосымша

Мағжан Жұмабаев ауданы Возвышен ауылдық округінің 2026 жылға арналған бюджеті

Солтүстік Қазақстан облысы

Мағжан Жұмабаев ауданы мәслихатының

2025 жылғы 24 желтоқсандағы

№ 34-12 шешіміне

2-қосымша

Мағжан Жұмабаев ауданы Возвышен ауылдық округінің 2027 жылға арналған бюджеті

Солтүстік Қазақстан облысы

Мағжан Жұмабаев ауданы мәслихатының

2025 жылғы 24 желтоқсандағы

№ 34-12 шешіміне

3-қосымша

Мағжан Жұмабаев ауданы Возвышен ауылдық округінің 2028 жылға арналған бюджеті

Солтүстік Қазақстан облысы

Мағжан Жұмабаев ауданы

мәслихатының

2025 жылғы 24 желтоқсандағы

№ 34-12 шешіміне

4-қосымша

Возвышен ауылдық округінің 2026 жылғы 1 қаңтарға қалыптасқан бюджет қаражатының бос қалдықтары және 2025 жылы пайдаланылмаған (толық пайдаланылмаған) нысаналы трансферттерді аудандық бюджеттен қайтару есебінен шығыстары