2026-2028 жылдарға арналған аудандық бюджет туралы

Қазақстан Республикасының Бюджет кодексіне, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына сәйкес және аудан әкімдігімен ұсынылған 2026-2028 жылдарға арналған аудандық бюджет жобасын қарап, Исатай аудандық мәслихаты ШЕШІМ ҚАБЫЛДАДЫ:

1. 2026-2028 жылдарға арналған аудандық бюджет тиісінше 1, 2, 3 қосымшаларға сәйкес, оның ішінде 2026 жылға келесідей көлемдерде бекітілсін:

1) кірістер – 13 255 009 мың теңге, оның ішінде:

салықтық түсімдер – 5 770 044 мың теңге;

салықтық емес түсімдер – 40 269 мың теңге;

негізгі капиталды сатудан түсетін түсімдер – 5 300 мың теңге;

трансферттердің түсімдері – 7 439 396 мың теңге;

2) шығыстар – 13 255 009 мың теңге;

3) активтерімен жасалатын операциялар бойынша сальдо – 0 теңге, оның ішінде:

қаржы активтерін сатып алу – 0 теңге;

мемлекеттің қаржы активтерін сатудан түсетін түсімдер – 0 теңге;

4) бюджет тапшылығы (профициті) – -30 275 мың теңге;

5) бюджет тапшылығын қаржыландыру (профицитін пайдалану) – 30 275 мың теңге, оның ішінде:

қарыздар түсімі – 30 275 мың теңге;

қарыздарды өтеу – 0 мың теңге;

бюджет қаражатының пайдаланылатын қалдықтары – 0 теңге.

2. Аудан бюджетіне жалпы мемлекеттік салықтар түсімінің жалпы сома нормативі 2026 жылға келесідей көлемдерде бекітілсін:

корпоративтік табыс салығы бойынша – 100%;

төлем көзінен салық салынатын табыстардан ұсталатын жеке табыс салығы бойынша – 100%;

әлеуметтік салық бойынша – 0%.

3. 2026 жылға облыстық бюджеттен аудандық бюджетке берілетін субвенция мөлшері 258 247 мың теңге сомасында белгіленсін.

4. Аудандық бюджеттен ауылдық округтер бюджеттерге берілетін субвенция көлемдері 2026 жылға 454 289 мың теңге сомасында, оның ішінде:

Аққыстау ауылдық округі 43 416 мың теңге;

Исатай ауылдық округі 61 628 мың теңге;

Зинеден ауылдық округі 44 615 мың теңге;

Нарын ауылдық округі 40 171 мың теңге;

Жанбай ауылдық округі 89 830 мың теңге;

Тұщықұдық ауылдық округі 93 682 мың теңге;

Қамысқала ауылдық округі 80 947 мың теңге көзделсін.

5. Аудандық бюджеттен ауылдық округтер бюджеттерге берілетін трансферт көлемдері 2026 жылға 1 139 271 мың теңге сомасында, оның ішінде:

Аққыстау ауылдық округі 465 684 мың теңге;

Исатай ауылдық округі 126 182 мың теңге;

Зинеден ауылдық округі 93 770 мың теңге;

Нарын ауылдық округі 89 116 мың теңге;

Жанбай ауылдық округі 97 286 мың теңге;

Тұщықұдық ауылдық округі 159 149 мың теңге;

Қамысқала ауылдық округі 108 084 мың теңге көзделсін.

6. 2026 жылға жергілікті атқарушы органның резерві 121 483 мың теңге сомасында бекітілсін.

7. 2026 жылға арналған аудандық бюджетте облыстық бюджеттен 1 547 763 мың теңге сомасында ағымдағы нысаналы трансферттері көзделгені ескерілсін, оның ішінде:

мемлекеттік және атаулы әлеуметтік көмек үшін – 29 998 мың теңге;

мүгедектектігі бар адамды оңалтудың жеке бағдарламасына сәйкес мүгедектігі бар адамдардың техникалық көмекші (орын толтырушы) құралдарымен және (немесе) арнаулы жүріп-тұру құралдарымен қамтамасыз ету – 15 000 мың теңге;

«Жасыл Ел» жобасын іске асыру шығындарына – 18 071 мың теңге;

қысқы кезеңге дайындық жұмыстарын жүргізуге – 200 000 мың теңге;

елді мекендердің көшелерін абаттандыру, көгалдандыру және санитариялық тазалық жұмыстарына – 211 718 мың теңге;

арнайы техника сатып алуға – 88 000 мың теңге;

қаңғыбас жануарларды егу және зарарсыздандыру жұмыстары үшін – 4 976 мың теңге;

азаматтардың жекелеген санаттарын тұрғын үймен қамтамасыз ету үшін – 980 000 мың теңге.

8. 2026 жылға арналған аудандық бюджетте облыстық бюджеттен 5 633 386 мың теңге сомасында нысаналы даму трансферттері көзделгені ескерілсін, оның ішінде:

ауылдық елді мекендердегі жарықтандыру жүйесін дамытуға – 833 386 мың теңге;

тұрғын үй құрылысы үшін инженерлік-коммуникациялық инфрақұрылым салуға және ЖСҚ әзірлеуге – 1 500 000 мың теңге;

мәдениет саласындағы нысандарды дамытуға – 800 000 мың теңге;

көлік инфрақұрылымын дамытуға – 2 500 000 мың теңге.

9. 2026 жылға арналған аудандық бюджетте мамандарды әлеуметтік қолдау шараларын іске асыруға 30 275 мың теңге сомасында бюджеттік кредиттер көзделгені ескерілсін.

10. Исатай ауданының ауылдық елді мекендеріне жұмыс істеу және тұру үшін келген денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласындағы мамандарға, ауылдық округтер әкімдері аппараттарының мемлекеттік қызметшілеріне 2026 жылға келесі әлеуметтік қолдау көрсетілсін:

1) көтерме жәрдемақы жүз еселенген айлық есептік көрсеткішке тең сомада;

2) тұрғын үй сатып алу немесе салу үшін әлеуметтік қолдау-бюджеттік кредит:

ауданның әкімшілік орталығы болып табылатын ауылдық елді мекендерге келген мамандар үшін айлық есептік көрсеткіштің екі мың бес жүз еселенген мөлшерінен аспайтын сомада;

ауылдық елді мекендерге келген мамандар үшін айлық есептік көрсеткіштің екі мың еселенген мөлшерінен аспайтын сомада.

11. Осы шешімнің орындалысына бақылау жасау Исатай аудандық мәслихатының бюджет, қаржы, экономика, кәсіпкерлікті дамыту, аграрлық және экология жөніндегі тұрақты комиссиясына (Ж.Кабиев) жүктелсін.

12. Осы шешім 2026 жылдың 1 қаңтарынан бастап қолданысқа енгізіледі.

Аудандық мәслихаттың төрағасы

А. Рахметов

Исатай аудандық

мәслихатының 2025 жылғы

22 желтоқсандағы № 213-VIII

шешіміне 1 қосымша

2026 жылға арналған аудандық бюджет

Исатай аудандық

мәслихатының 2025 жылғы

22 желтоқсандағы № 213-VIII

шешіміне 2 қосымша

2027 жылға арналған аудандық бюджет

Исатай аудандық

мәслихатының 2025 жылғы

22 желтоқсандағы № 213-VIII

шешіміне 3 қосымша

2028 жылға арналған аудандық бюджет