Жария сервитут белгілеу туралы

Қазақстан Республикасы Жер кодексінің 17, 69, 71-1 баптарына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңына және «Горнодобывающая компания ХонДа» жауапкершілігі шектеулі серіктестігінің пайдалы қатты қазбаларды барлауға арналған 2025 жылғы 19 маусымдағы №3384-EL лицензия негізінде, Жаңақорған ауданының әкімдігі ҚАУЛЫ ЕТЕДІ:

1. Осы қаулының қосымшасына сәйкес «Горнодобывающая компания ХонДа» жауапкершілігі шектеулі серіктестігіне пайдалы қатты қазбаларды барлау жөніндегі операцияларды жүргізу үшін меншік иелері мен жер пайдаланушылардан жер учаскелерін алып қоймастан 2031 жылдың маусым айының 19-на дейінгі мерзімге жария сервитут белгіленсін.

2. «Горнодобывающая компания ХонДа» жауапкершілігі шектеулі серіктестігіне жер учаскелерінде жерге залал келтіретін жұмыстар жүргізу туындаған жағдайда меншiк иелерімен немесе жер пайдаланушылармен жекеше сервитутты белгілеу туралы шарт жасасу міндеттелсін.

3. «Горнодобывающая компания ХонДа» жауапкершілігі шектеулі серіктестігіне Қазақстан Республикасы заңнамасының талаптарын сақтау және операция аяқталғаннан кейін бүлінген жерлерді қалпына келтіру ұсынылсын.

4. Осы қаулының орындалуын бақылау аудан әкімінің тиісті сала орынбасарына жүктелсін.

5. Осы қаулы ресми жарияланған күнінен бастап қолданысқа енгізіледі.

Аудан әкімі

М. Самитов

Жаңақорған ауданы әкімдігінің

2025 жылғы 15 қыркүйектегі

№ 126 қаулысына қосымша

«Горнодобывающая компания ХонДа» жауапкершілігі шектеулі серіктестігіне жария сервитут белгіленетін жер учаскелерінің тізбесі