Абай облысы Курчатов қаласының кейбір көшелерін қайта атау туралы

«Қазақстан Республикасының әкімшілік-аумақтық құрылысы туралы» Қазақстан Республикасы Заңының 11-бабының 4-1) тармақшасына, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңы 6-бабының 1-тармағының 4)-тармақшасына, 27-бабының 2-тармағына, «Курчатов қаласының көшелерін қайта атау бойынша ұсыныстар енгізу туралы» бірлескен Курчатов қаласы әкімдігінің 2025 жылғы 18 қыркүйектегі № 110 қаулысы мен Курчатов қаласы мәслихатының 2025 жылғы 18 қыркүйектегі № 31/200-VIII шешімі негізінде, Қазақстан Республикасы Үкіметі жанындағы Республикалық ономастика комиссиясының 2025 жылғы 7 қарашадағы қорытындысын ескере отырып, Абай облысының әкімдігі ҚАУЛЫ ЕТЕДІ және Абай облысы мәслихаты ШЕШТІ:

1. Курчатов қаласының:

Победа көшесі – Жеңіс көшесі;

Степная көшесі – Бұлақ көшесі деп қайта аталсын.

2. Осы бірлескен Абай облысы әкімдігінің қаулысы мен Абай облысы мәслихатының шешімі алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Абай облысы әкімінің м. а.

М. Раханов

Абай облысы мәслихатының төрағасы

Ш. Байбеков